આ ખાસ દોસ્ત સાથે ખુશ છે કપિલ શર્મા, જાણો કોણ છે

February 10, 2018 at 1:20 pm


ફ્લાઇટમાં સુનિલ સાથેના વિવાદ પછી કપિલ શર્માની કરિયર ડગમગી હતી પરંતુ હવે લાગી રહ્યું છે કે ફરીથી કપિલ શર્માની જિંદગી પાટા પર આવી રહી છે. કપિલ પોતાના નવા શોની તૈયારીમાં લાગ્યો છે આ ઉપરાંત પર્સનલ લાઇફમાં પણ કપિલ શર્મા ખુબ જ ખુશ છે. કપિલની આ ખુશીનું કારણ પણ ખાસ છે. કપિલની જિંદગીમાં તેના ખાસ દોસ્ત ચીકુની એન્ટ્રી થઇ છે.

ચીકુ કપિલ શર્માનો નવો પેટ ડોગ છે. જેની તસવીર કપિલે ટ્વિટર પર શૅર કરી છે. આ નવો પેટ શિટ્ઝૂ બ્રીડનો છે. કપિલે પોતાના પાલતુ ચીકુની તસવીર શૅર કરીને લખ્યું છે કે,’મારા નવા દોસ્ત ચીકુને મળો.’

એક રિપોર્ટ અનુસાર કપિલ શર્માએ થોડા સમય પહેલા જ પોતાના પાલતુ ડોગી ઝંઝીરને ગુમાવ્યો હતો. 9 વર્ષના આ લેબ્રાડોરનું ગત મહિને જ અવસાન થયું હતું. કપિલ પોતાના પાલતુ ઝંઝીરને ખૂબ જ પ્રેમ કરતો હતો. રિપોર્ટ્સ અનુસાર જ્યારે કપિલ પરેશાન રહેતો ત્યારે તે પાલતુ કૂતરા સાથે એક રૂમમાં જ રહેતો હતો.

રિપોર્ટ અનુસાર કપિલ પોતાના પાલતુ ઝંઝીરને ખૂબ જ પ્રેમ કરતો હતો. આ ડોગીને કપિલ શર્માએ ‘કોમેડી નાઇટ્સ વિથ કપિલ’ના શો દરમિયાન દત્તક લીધો હતો. કપિલ અનેકવાર આ શોના સેટ પર પોતાના ડોગ ઝંઝીર સાથે જોવા મળ્યો હતો.

ઝંઝીર પછી કપિલને પોતાનો ડોગ ખૂબ જ યાદ આવતો હતો. આથી તેણે ચીકૂને પોતાની જિંદગીનો એક ભાગ બનાવી લીધો હતો. હાલ તે ચીકૂની કંપની એન્જોય કરી રહ્યો છે.

print

Comments

comments

VOTING POLL