ગુજરાતમાં અમેરિકાનું અત્યાર સુધીનું સૌથી વધુ મૂડીરોકાણ થશે: રાજદૂત રિચાર્ડ વર્મા

January 10, 2017 at 11:08 am


ગુજરાત રાજ્યમાં અત્યારસુધીમાં ક્યારેય ન થયું હોય તેટલું રોકાણ આવખતે થશે તેવો આશાવાદ વ્યક્ત કરતા ભારતમાં અમેરિકાના એમ્બેસેડર રિચાર્ડ વર્મા એ જણાવ્યું છે કે, ભારતમાં નરેન્દ્ર મોદી વડાપ્રધાન બન્યા પછી ભારત અને અમેરિકા વચ્ચેના સંબંધો વધુ ગાઢ બન્યા છે. વાઈબ્રન્ટ ગુજરાત ગ્લોબલ ઈન્વેસ્ટર્સ સમિટમાં ભાગ લેવા આવેલાં વર્મા એ જો કે, મૂડીરોકાણ અને આ રોકાણ કરનારી કંપ્નીઓની વિગતો આપવાનો ઈનકાર કરતા કહ્યું કે, આગામી દિવસોમાં આ વિગતો જાહેર કરવામાં આવશે.
અમદાવાદમાં મીડિયા સાથેની મુલાકાતમાં અમેરિકન એમ્બેસેડરે જણાવ્યું કે, ભારતમાં નરેન્દ્ર મોદીની સરકાર રચાયા પછી ભારત અને અમેરિકા વચ્ચેના સ્ટ્રેટેજીક, વ્યાપારિક સહિતના અનેક ક્ષેત્રોના સંબંધો ખૂબ જ ગાઢ બન્યા છે. અમેરિકાનો પ્રવાસ ખેડનારા ભારતીય પ્રવાસીઓની સંખ્યા વધીને 1.1 બિલિયન જ્યારે ભારતના પ્રવાસે આવનારા અમેરિકન પ્રવાસીઓની સંખ્યા 1.2 મિલિયનના આકડાંને પાર કરી ગઈ છે. જે દશર્વિે છે કે, બંને દેશો વચ્ચે કેવા અને કેટલા મૈત્રીપૂર્ણ સંબંધો વિકસ્યા છે. વાઈબ્રન્ટ સમિટમાં ગુજરાત સાથે પાર્ટનર ક્ધટ્રી તરીકે જોડાયેલાં અમેરિકાના પ્રતિનિધિમંડળ સાથે આવેલાં વમર્િ અત્યારસુધીના સૌથી મોટા પ્રતિનિધિમંડળ સાથે ગુજરાત આવ્યા છે. જેમાં વિવિધ કંપ્નીઓના સીઈઓ અને ચેરમેન સહિત ટોચના અગ્રણીઓનો સમાવેશ થાય છે.

અમેરિકા-ઈન્ડિયા બિઝનેસ કાઉન્સિલ(યુએસઆઈબીસી)ના ચેરમેન અને સીસ્કોના એક્ઝિક્યુટિવ ચેરમેન જ્હોન ચેમ્બરે વડાપ્રધાન નરેન્દ્ર મોદીના ભરપૂર વખાણ કરતા નોટબંધીનો ઉલ્લેખ કયર્િ વિના કહ્યું કે, વર્તમાન ભારત સરકાર જે રીતે અભૂતપૂર્વ નીતિવિષયક નિર્ણયો લઈ રહી છે તેનાથી ટૂંકાગાળાનો વિચાર કે ચિંતા કરવી જોઈએ નહીં, પરંતુ આ નિર્ણયો લાંબાગાળે ફળદાયી પૂરવાર થશે. ઝાયડ્સ કેડિલા અને ફીક્કીના ચેરમેન પંકજ પટેલે ગુજરાતમાં અમેરિકન મહેમાનોને આવકારતા આશા વ્યક્ત કરી કે, અમેરિકામાં પણ નવા રાષ્ટ્રપ્રમુખ-સરકાર આવી છે ત્યારે બંને દેશો વચ્ચેના સંબંધો વધુ ઊંચાઈએ પહોંચે તેવા પ્રયાસો થઈ રહ્યા છે, જેનાથી બંને દેશોના વ્યાપાર સહિતના ક્ષેત્રોને ફાયદો થશે.

print

Comments

comments

VOTING POLL