જીએસટીને કારણે રાજ્યમાં રેસ્ટોરન્ટ બિઝનેસમાં 35 ટકાનો ઘટાડો નોંધાયો

October 6, 2017 at 12:02 pm


જીએસટી લાગુ થયા બાદ જાણે રેસ્ટોરન્ટમાં જમવા જવું એ ભોગવિલાસની વસ્તુ બન્યુ હોય તેવું લાગી રહ્યું છે. નોંધનીય છે કે ગુજરાતમાં લાગુ થયા બાદથી જ રેસ્ટોરન્ટ બિઝનેસમાં 35 ટકાનો ઘટાડો જોવા મળ્યો છે. સર્વિસ સેક્ટરમાં 18 ટકા જીએસટીની માર લોકોના ખિસ્સા પર વધુ પડી રહી હોય તેવું લાગી રહ્યું છે.
હોટલ્સ એન્ટ રેસ્ટોરન્ટ્સ એસોસિયેશનના પ્રમુખ નરેન્દ્ર સોમાણીએ આ અંગે જણાવ્યું હતું કે, રેસ્ટોરન્ટ બિઝનેસમાં ચોક્કસપણ ઘટાડો નોંધાયો છે. આ ઘટાડો વિકેન્ડ્સમાં પણ અસર કરી રહ્યો છે. આ કારણે રેસ્ટોરન્ટમાં કેટલાંક કાયમી ગ્રાહકો પણ જવાનું ટાળી રહ્યા છે. ઘણાં રેસ્ટોરન્ટના ધંધામાં તો 50 ટકાનો ઘટાડો થયો છે. ઘણીવાર બિલ રાઉન્ડ અપ કરતા ટેક્સનો દર 18 થી વધીને 20 ટકા થઈ જાય છે.
શહેરના એક રેસ્ટોરન્ટ ઑનર દિલીપ ઠક્કરે જણાવ્યું હતું કે, જે ફેમિલી મહિનામાં ચાર વખત આવતી હતી તે હવે માત્ર એક કે બે વખત જ આવે છે. ઘણા રેસ્ટોરન્ટ કમ્પોઝિટ સ્કિમ ચલાવી રહ્યા છે અને તેમના ગ્રાહકો પર ટેક્સનો બોજો નાંખવાનું ટાળી રહ્યા છે.

ચાંદખેડામાં એક રેસ્ટોરન્ટના માલિક એરન ફર્નિન્ડિઝે જણાવ્યું હતું કે, કમ્પોઝિટ સ્કિમ અપ્નાવવા છતા પણ બિઝનેસ 15-20 ટકા સુધી ઘટ્યું છે. ગ્રાહકો પર ભાવની સીધી અસર જોવા મળે છે. તેથી અમારે નુકસાન વેઠવું પડે છે.

સુરતના રેસ્ટોરન્ટના પણ કંઈક આવા જ હાલ છે. સાઉથ ગુજરાત હોટલ એન્ડ રેસ્ટોરન્ટ એસોસિયેશનના વાઈસ પ્રેસિડન્ટ સનત રેલિયાએ જણાવ્યું હતું કે, હોમ ડિલિવરી અને ટેકઅવે બિઝનેસમાં પણ 50 ટકા જેટલો ઘટાડો નોંધાયો છે. ફેસ્ટિવલ સિઝનમાં જીએસટી નુકસાનકારક સાબિત થશે. દિવાળી સિઝનમાં પણ ધંધો 50 ટકા સુધી ઘટે તેવા અણસાર છે.

ઘણા લોકોને જીએસટીની સાયકોલોજિકલ ઈમ્પેક્ટ પડી હોય તેવું પણ લાગી રહ્યું છે. વડોદરાના એક રેસ્ટોરન્ટ ઑનર નિતીન નાણાવટીએ જણાવ્યું હતું કે, જોકે 18 ટકા ટેક્સ રેટ ઘણું વધારે કહેવાય પરંતુ મોટાભાગના લોકોએ તેને સ્વીકારી લીધું છે. પહેલાં સર્વિસ ટેક્સ અને વેટ મળીને બિલ તો લગભગ બરોબર જ થતું હતું. કેટલાંક રો મટિરિયલ પર ટેક્સ લાગવાને કારણે પણ ભાવો વધ્યા છે.

print

Comments

comments

VOTING POLL