કોચ બેલિસે ટી૨૦ મેચ પર આપ્યું નિવેદન, ટી20 ફોર્મેટ ખતમ કરવું જોઇએ

February 20, 2018 at 12:34 pm


ઇંગ્લેન્ડ ક્રિકેટ ટીમના કોચ ટ્રેવર બેલિસે આપેલા નિવેદનને પગલે સમગ્ર ક્રિકેટ જગતમાં ચર્ચા શરૂ થઇ ગઇ છે. બેલિસે આંતરરાષ્ટ્રીય 2020 ક્રિકેટ ફોર્મેટને ખતમ કરવાની વાત કરી હતી. ટ્રેવર બેલિસ મુજબ ટી20 ઇન્ટરનેશનલ ખતમ કરી દેવાથી મુખ્ય ખેલાડીઓ અને કોચ પરથી દબાણ હળવું થશે.રવિવારે બેલિસે ટી20 ક્રિકેટને ઇન્ટરનેશનલ લેવલ પર રમવાની જરૂરિયાત પર સવાલ ઉઠાવ્યા હતા. ઉલ્લેખીય છે કે રવિવારે ઇંગ્લેન્ડની ટીમ ત્રણ દેશો વચ્ચેની ટી20 ટૂર્નામેન્ટની ફાઇનલમાં જગ્યા ન બનાવી શકી. ટ્રાઇ સિરીઝમાં ઇંગ્લેન્ડે ન્યુઝિલેન્ડની ટીમને હરાવી તો દીધી હતી પણ તેને ઓસ્ટ્રેલિયા વિરુદ્ધ ફાઇનલમાં પહોંચતા ન રોકી શકી.ટૂર્નામેન્ટ આયોજકોને સલાહ આપતા બેલિસે કહ્યું કે ટી20 ફોર્મેટને ખતમ કરી દેવું જોઇએં. ટી20 ફોર્મેટને ખતમ કરવાથી આંતરરાષ્ટ્રીય કેલેન્ડર પર પણ દબાણ ઓછું થશે. ઉપરાંત તેમણે કહ્યું કે આઇપીએલ અને બિગ બૈશ લીગ્સમાં ટી20 મેચ રમી શકાય. ઉમેરતા કહ્યું કે, ‘હું આંતરરાષ્ટ્રીય ક્રિકેટ નહીં રમું, માત્ર ફ્રેન્ચાઇજી ટીમો માટે જ રમીશ. આટલી બધી મેચ રમવાથી ખેલાડીઓ જ નહીં કોચ પણ થાકી જતા હોય છે.’ ઓસ્ટ્રેલિયાના એક પૂર્વ ખેલાડીએ સલાહ આપતા કહ્યું કે આંતરરાષ્ટ્રીય ટી20 ક્રિકેટને માત્ર ટી20 વર્લ્ડકપની નજીક લાવવાના દ્રષ્ટીકોણથી જ રમાવું જોઇએ.ટી20 ટ્રાઇ સિરીઝમાં ઇંગ્લેન્ડને ભારે મુશ્કેલીનો સામેનો કરવો પડ્યો હતો. ઓસ્ટ્રેલિયામાં એશેજ અને વનડે સિરીઝ રમાયા બાદ ટ્રાઇ સિરીઝ માટે ઇંગ્લેન્ડના અનેક મોટા ખેલાડીઓ હાજર નહોતા રહી શક્યા. વેલિસે ત્રણેય ફોર્મેટ માટે અલગ કોચ હોવાની સલાહ પણ આપી છે. કહ્યું કે ‘જો તમે સ્વિમિંગને જોશો તો ત્યાં 1500 મીટર અને 100 મીટર માટે અલગ-અલગ નિષ્ણાંત હોય છે. આવું જ ક્રિકેટમાં પણ કરી શકાય.’બીજી બાજુ ન્યૂઝીલેન્ડના કોચ માઇસ હેસન બેલિસની વાતથી સહમત નથી. એમનું કહેવું છે કે ક્રિકેટને પ્રોત્સાહન આપવામાં ટી20 ફોર્મેટનું ખાસ મહત્વ રહેલું છે. સ્પોર્ટ સ્ટાફ અને ખેલાડીઓને પડતી મુશ્કેલી બાબતે હેસન સહમત થયા. પણ તેમનું કહેવું છે કે વિશ્વભરમાં ક્રિકેટને ફેલાવવામાં ટી20 ફોર્મેટની મહત્વની ભૂમિકા હતી તેથી તેને ખતમ ન કરવું જોઇએં.હેસને કહ્યું કે વ્યસ્ત કાર્યક્રમ હંમેશાથી સમસ્યા રહી છે. આ ચિંતા યોગ્ય છે પણ રેવન્યૂનો ઇસ્યૂ પણ તેની સાથે જોડાયેલો છે. અમુક દેશો માટે આ મોટી બાબત ન હોઇ શકે પણ ન્યૂઝીલેન્ડ માટે ઇડન ગાર્ડન જેવા નાના મેદાનમાં 35000 દર્શકોનું પહોંચવું અને રમત માટે રમતનો વિકાસ એ જ મહત્વની બાબત છે.

print

Comments

comments

VOTING POLL