દુબઈમાં બની દુનિયાની સૌથી મોંઘી દુલ્હન કેક

February 8, 2018 at 2:08 pm


દુબઈમાં બુધવારે “બ્રાઇડ દુબઈ” પ્રદર્શન શરૂ થયું. આ દરમિયાન અહીં વિવિધ પ્રકારની વસ્તુઓ જાહેર કરવામાં આવી પરંતું આ પ્રદર્શનમાં એક ‘કેક’એ સૌથી વધારે બધાનું ધ્યાન ખેચ્યું. આ પ્રદર્શનમાં મુકવામાં આવેલી “ચોકલેટ અને ડાયમંડ બ્રાઇડ કેક” લોકોના આકર્ષણનું વિશેષ કેન્દ્ર રહ્યું. જેની કિંમત 10 લાખ અમેરિકી ડોલર (લગભગ સાડા છ કરોડ રૂપિયા) છે. જેને દુનિયાની સૌથી કિંમતી કેક ગણવામાં આવી રહી છે.આ કેકને લંડનના ડિઝાઇનર ડેબી વિંઘમે બનાવી છે જે દુનિયાની અમુક સૌથી મોંઘી આકર્ષણ વસ્તુઓ બનાવવા માટે ઓળખવામાં આવે છે. 36 વર્ષીય આ ડિઝાઇનરે પોતાની 120 કિલોની આ કેકને અરબ દેશની દુલ્હનના રૂપમાં બનાવી છે જેમાં પાંચ સફેદ હીરા જડેલાં છે. જેમાં દરેક હીરાની કિંમત 2 લાખ ડોલર ઉલ્લેખવામાં આવે છે.આ સિવાય 50 કિલો ફોંડિગ અને 25 કિલો ચોકલેટની મદદથી કેકમાં દુલ્હનનો ચહેરો અને બોડી બનાવવામાં આવી છે. પ્રદર્શન 10 ફેબ્રુઆરી સુધી ચાલશે.કેકને લઇને ડેબીએ જણાવ્યું કે કોઇ તેને જોઇને એવું નહીં કહી શકે કે આ માત્ર એક કેક છે, વાસ્તવમાં આ એક દુલ્હનની જેમ જ જોવા મળે છે. હું તેને લુવા કહું છું આ એક અરેબિક શબ્દ છે જેનો અર્થ મોતી થાય છે.

print

Comments

comments

VOTING POLL