દુષ્કર્મ કેસમાં સંડોવોલા જયંતિ ભાનુશાળી ભુગર્ભમાં

July 27, 2018 at 10:40 am


બળાત્કારના કેસમાં ફસાયેલ ભાજપ્ના પૂર્વ ધારાસભ્ય જયંતિ ભાનુશાળી અંડર ગ્રાઉન્ડ થઈ ગયા છે. ભાનુશાળી પર સુરતની 21 વર્ષની છોકરી પર રેપ કરવાનો અને ક્લિપ ઉતારી તેને બ્લેક મેઈલ કરવાનો આરોપ છે. આ કેસમાં પીડિતાનો પૂર્વ પતિ પણ નાટકીય રીતે સામે આવ્યો હતો અને પીડિતાના ચરિત્ર પર સવાલ ઉઠાવીને પીડિતા પર જ ગંભીર આરોપો લગાવ્યા હતા. ત્યારે જો ભાનુશાળી ખરેખર નિર્દોષ જ હોય તો તેઓ કાયદાથી દૂર કેમ ભાગી રહ્યા છે?
ડેપ્યુટી પોલીસ કમિશનર લિના પાટીલે કહ્યું કે, ગુરુવારે પોલીસ ટીમે ભાનુશાળીના ઘરે જઈ સમન્સ પાઠવ્યું છે. આરોપીને બીજી વખત સમન્સ પાઠવવામાં આવ્યું છે અને અમને સહકાર આપવાની આરોપીને પૂરતી તક આપવા માટે અમે તમામ પ્રયાસો કયર્િ છે. ભાનુશાળીને સીઆરપીસી 160 અંતર્ગત 23 જુલાઈના રોજ પહેલું સમન્સ પાઠવવામાં આવ્યું હતું અને ગુરુવારે જયંતિ ભાનુશાળીના પરિજનો મારફતે બીજું સમન્સ પાઠવવામાં આવ્યું છે.
19 જુલાઈના રોજ ફરિયાદ નોંધવામાં આવી ત્યારથી જ જયંતિ ભાનુશાળી લાપતા છે. જો કે આ કેસમાં હવે ફરિયાદી પણ પોલીસની મદદ કરવા માટે નથી આવી રહી. પોલીસે વેરિફિકેશન માટે ફરિયાદીને પોલીસ સ્ટેશને બોલાવી હતી પણ તે બુધવારે કે ગુરુવારે પોલીસ સ્ટેશને હાજર નહોતી થઈ. પોલીસ અધિકારીએ કહ્યું કે પોલીસ સ્ટેશને ન આવવાનાં ફરિયાદી વિવિધ કારણો આપી રહી છે.
ફરિયાદીએ આપેલા સરનામામાં પણ લોચો હોવાનું પોલીસને જાણવા મળ્યું છે. પોલીસે કહ્યું કે, ફરિયાદીનું ચોક્કસ લોકેશન જોઈએ છે કેમ કે તેણે આપેલ લોકેશનની ડિટાઈલ તેના સ્ટેટમેન્ટની સાથે બંધબેસતું નથી. યૂનિફોર્મમાં આવેલ પોલીસે પણ હેરાન કરી હોવાનો પણ છોકરીએ આરોપ લગાવ્યા બાદ પોલીસ આ કેસને સાવધાનીપૂર્વક લઈ રહી છે. આ કારણે જ પોલીસ પણ આરોપીને તેની સગવડ મુજબ પોલીસ સ્ટેશને આવવા માટે મંજૂરી આપી રહી છે.
બીજી બાજુ જયંતિ ભાનુશાળીને પકડવામાં અમદાવાદ પોલીસની મદદ કરવા માટે ક્રાઈમ બ્રાન્ચ પણ તપાસ કરી રહી છે. જયંતિ ભાનુશાળીનો મોબાઈલ ફોન સ્વિચ ઑફ આવી રહ્યો છે. સૂત્રોએ જણાવ્યા મુજબ આગોતરા જામીન માટે જંયતિ ભાનુશાળી કોર્ટનો સંપર્ક કરશે.

print

Comments

comments

VOTING POLL