NOKIA 8 અને 5 સ્માર્ટફોનની કિંમતમાં ઘટાડો

February 3, 2018 at 12:34 pm


નોકિયા બ્રાન્ડના સ્માર્ટફોન બનાવતી કંપની એચએમડી ગ્લોબલ કંપની ફેબ્રુઆરીમાં સારા સમાચાર લઈને આવી છે. કંપનીએ નોકિયા 8 અને નોકિયા 5 સ્માર્ટફોનની કિંમતમાં ઘટાડો કર્યો છે. નોકિયા 5 હેન્ડસેટમાં 1,000 રૂપિયાનો ઘટાડો કરાયો છે. જણાવી દઈએ કે 3GB રેમવાળા વેરિયન્ટને પાછલા વર્ષે નવેમ્બર મહિનામાં 13,499 રૂપિયામાં લોન્ચ કરાયો હતો. હવે તે 12,499 રૂપિયામાં મળશે. કંપનીનો ફ્લેગશીપ સ્માર્ટફોન નોકિયા 8 હવે 28,999 રૂપિયામાં મળશે. જણાવી દઈએ કે પાછલા વર્ષે ઓક્ટોબર મહિનામાં 36,999 રૂપિયામાં લોન્ચ કર્યો હતો. જાણકારી મળી રહી છે કે આ હેડસેટ નવી કિંમતમાં ગુરુવારથી મળવાના શરૂ થઈ જશે.HMD Global દ્વારા હેડસેટની કિંમત ઓછી કરવાનો નિર્ણય રસપ્રદ છે, કારણ કે ફિનલેન્ડની આ કંપની મહિનાના અંતમાં મોબાઈલ વર્લ્ડ કોંગ્રેસમાં નવા હેડસેટને લોન્ચ કરી શકે છે.નોકિયા 5માં ક્વોલકોમ સ્નેપડ્રેગન 430 પ્રોસેસર છે. હેડસેટમાં ઈનબિલ્ટ સ્ટોરેજ 16જીબી છે અને તેમાં 128જીબી સુધી માઈક્રોએસડી કાર્ડ માટે સપોર્ટ આપેલો છે. નોકિયા 5માં 5.2 ઈંચની આઈપીએસ એલસીડી ડિસ્પલે છે. તેના પર 2.5ડી કોર્નિંગ ગોરિલ્લા ગ્લાસ પ્રોટેક્શન આપ્યું છે. તેમાં 13 મેગાપિક્સલનો રિયર કેમેરા છે જે પીડીએએફ અને ડ્યુઅલ ટોન ફ્લેશથી લેસ છે. તેનો ફ્રંટ કેમેરા 8 મેગાપિક્સલનો છે. ફોનને બ્લૂ, સિલ્વર, બ્લેક અને કોપર રંગમાં ઉપલબ્ધ કરાવાશે. તેમાં 3000એમએએચની બેટરી છે.નોકિયા 8ની વાત કરીએ તો તેમાં ક્વોકોમ સ્નેપડ્રેગન 835 પ્રોસેસર આપેલું છે. ફોનમાં 4જીબી રેમ સાથે 64જીબી સ્ટોરેજ મળશે. ફોન હાઈબ્રિડ ડ્યુઅલ સીમ ઓપ્શન સાથે આવે છે. અને તેમાં 3090 એમએએચની બેટરી આપેલી છે. નોકિયા 8માં 5.3 ઈંચની 2k ડિસ્પલે છે, જેના પર કોર્નિંગ ગોરિલ્લા ગ્લાસ 5 પ્રોટેક્શન આપેલું છે. ફોનમાં 3.5 એમએમનો હેડફોન જેક સાથે યુએસબી 3.1 ટાઈપ-સી કનેક્ટિવિટી છે. આ ફોન આઉટ ઓફ બોક્સ એન્ડ્રોઈડ 7.1.1 પર ચાલે છે. પરંતુ હવે તેના પર એન્ડ્રોઈડ 8.0 ઓરિયો અપડેટ મળી ચૂક્યું છે.

print

Comments

comments

VOTING POLL