બજારો બંધ કરવા નીકળેલા કાર્યકરોને પોલીસે ફાવવા ન દીધા

September 10, 2018 at 3:10 pm


બંધના એલાનને નિષ્ફળ બનાવવા અને કાયદો-વ્યવસ્થાની પરિસ્થિતિ જળવાય રહે તે માટે રાજકોટ પોલીસ દ્વારા ગઈકાલ રાતથી જ અટકાયતનો દોર શરૂ કરી દેવાયો હતો. કાેંગ્રેસ અગ્રણી, એનએસયુઆઈ અને યુવક કાેંગ્રેસના આગેવાનોના ઘેર જઈને તેમને રાત્રે જ ઝડપી લેવાયા હતા અને અમુકને આજે સવારે બંધ દરમિયાન રસ્તા પરથી પકડી લેવાયા હતા. એનએસયુઆઈ અને યુવક કાેંગ્રેસના આગેવાનો આજે સવારે 8-30 વાગ્યાની આસપાસ જ્યારે રાષ્ટ્રીય શાળામાં મીનાબેન કુંડલિયા કોલેજ બંધ કરાવવા નીકળ્યા ત્યારે ક્રાઈમ બ્રાન્ચે મુકેશ ચાવડા, ભરતસિંહ જાડેજા, આદિત્યસિંહ ગોહિલ, કેતન ઝરિયા, જયકિશનસિંહ ઝાલા, મોહન ભરવાડ, જગપાલ મકવાણા, ભાવેશ પટેલ, બળવંત છાંટબાર, નિલેશ ગોહેલ, નૈમિશ પાટડિયા, સુરેશ સીતાપરા, યોગેશ પાદરિયા સહિતનાઆેને પકડી લીધા હતા. આ ઉપરાંત રણજીત મુંધવા, ભાવેશ પટેલ સહિતના કાેંગ્રેસના કાર્યકરોને પણ પોલીસે પકડીને ક્રાઈમ બ્રાન્ચે રાખ્યા હતા.

દરમિયાન એ-ડીવીઝન પોલીસે કાર્યકારી કાેંગ્રેસના પ્રમુખ મહેશ રાજપુત, અશોક ડાંગર, પ્રદીપ ત્રિવેદી, દિનેશ ચોવટીયા, જયપાલસિંહ રાઠોડ સહિત 15 અગ્રણી તેમજ કાર્યકરોની અટકાયત કરી હતી.

print

Comments

comments

VOTING POLL