વિજય ‘પથ’ કેટલો સરળ ?

December 28, 2017 at 6:56 pm


મુખ્યમંત્રી વિજયરૂપાણીએ જે પ્રધાનમંડળ રચ્યું તેમાં બે વાતો ઉડીને આંખે વળગે એવી છે ને આ બંને વાતો ભાજપ્ને આંતરીક ડર બેસી ગયો છે તે દશર્વિે છે. પહેલી વાત એ કે આ પ્રધાનમંડળમાં પાટીદારોનો દબદબો છે ને બીજું એ કે ભાજપે સૌરાષ્ટ્ર-કચ્છને બરાબર સાચવ્યા છે. સૌરાષ્ટ્રે ભાજપ્ને બહુ ભાવ ના આપ્યો છતાં ભાજપે સૌરાષ્ટ્ર-કચ્છમાંથી સાત ધારાસભ્યોને પ્રધાન બનાવ્યા છે. મતલબ કે ત્રીજા ભાગના પ્રધાનો સૌરાષ્ટ્રના છે.
રૂપાણી સરકારમાં કુલ મળીને 6 પાટીદાર પ્રધાનો છે ને તેમાંથી 5 તો કેબિનેટ કક્ષાના છે.રૂપાણી સિવાય કુલ 9 કેબિનેટ કક્ષાના પ્રધાનોએ શપથ લીધા ને તેમાંથી 5 એટલે કે અડધોઅડધ પ્રધાનો પાટીદાર હોય એ શું બતાવે છે ? એ જ કે ભાજપે પાટીદારોને અછોવાનાં કરવા માંડ્યાં છે ને તેમને મનાવવાની કોશિશ પાછી શ કરી છે. ગુજરાતમાં ભાજપ પાટીદાર અનામત આંદોલનના કારણે ઢીલોઢફ થઈ ગયો ને કોંગ્રેસે થોડીક ભૂલો ના કરી હોત તો ભાજપ્નો વરઘોડો વાજતેગાજતે ઘરે આવે તેવી હાલત પાટીદાર અનામત આંદોલનના કારણે થઈ ગયેલી. હાર્દિક પટેલ આણિ મંડળીએ પાટીદાર અનામત આંદોલનની આગ એવી ભડકાવી કે પાટીદાર યુવાનો ને મહિલાઓ ભાજપ્ના નામથી જ ભડકે છે. ખાસ કરીને ગ્રામીણ વિસ્તારોમાં ભાજપ સામે લોકો ભડકેલા છે ને તેના કારણે ગામડાંમાં ભાજપ્નાં ડબલાં ડૂલ થઈ ગયાં છે.
ભાજપ્ના ધુરંધર કહેવાતા પાટીદાર નેતાઓના વરઘોડા તેના કારણે ઘરે આવી ગયા છે ને જે બેઠકો પર ભાજપ્ના નામે ગમે તે વ્યક્તિ ચૂંટાઈ આવે એવી હાલત હતી એ બેઠકો ભાજપ્ના હાથમાંથી ગઈ છે. આ કારણે ભાજપે પાટીદારોને મનાવવા પડે એમ જ છે ને તેણે એ ક્વાયતની શઆત પ્રધાનમંડળની રચના સાથે કરી દીધી છે.
ભાજપ્ને આ ચૂંટણીમાં સૌરાષ્ટ્રમાં મોટો ફટકો પડ્યો. હાર્દિક પટેલ સૌરાષ્ટ્રમાં ફરી વળેલો તેમાં ભાજપ્ને મોટો ફટકો માર્યો ને કોંગ્રેસને બહુ ફાયદો થઈ ગયો. ભાજપે ગુજરાતમાં પાછા બેઠા થવું હોય તો સૌરાષ્ટ્રનો ગઢ કબજે કરવો જ પડે. સૌરાષ્ટ્ર-કચ્છની કુલ મળીને 54 બેઠકો છે ને એ બેઠકો ના સચવાય તો ભાજપ પતી જાય તેથી ભાજપે ગમ ખાઈને પણ સૌરાષ્ટ્ર-કચ્છને વધારે પ્રધાનપદાં આપવાં પડ્યાં છે.
ભાજપે આ બધું કરવું પડે છે તેનું કારણ લોકસભાની ચૂંટણી પણ છે. દોઢ વરસ પછી લોકસભાની ચૂંટણી છે ને અત્યારે જે ટ્રેન્ડ છે એ ટ્રેન્ડ જળવાય તો ગુજરાતની લોકસભાની 26 બેઠકોમાંથી દસેક બેઠકોથી તેણે હાથ ધોવા પડે. ભાજપ્ને ઉત્તર ગુજરાત અને સૌરાષ્ટ્ર-કચ્છમાં ફટકો પડ્યો છે ને તેનો ખાર રાખીને ભાજપ પાટીદારોને અવગણે કે સૌરાષ્ટ્ર-કચ્છને મહત્ત્વ ના આપે તો લોકસભામાં તેની બુંદ બેસી જાય. ઉત્તર ગુજરાતમાં મહેસાણા, પાટણ, બનાસકાંઠા, સાબરકાંઠા ને ગાંધીનગર એમ 5 લોકસભા બેઠકો છે. સૌરાષ્ટ્ર-કચ્છમાં કચ્છ, રાજકોટ, સુરેન્દ્રનગર, પોરબંદર, જામનગર, જૂનાગઢ, અમરેલી ને ભાવનગર એમ 8 બેઠકો છે. બંને મળીને કુલ 13 બેઠકો થાય ને એ રીતે રાજ્યની અડધોઅડધ બેઠકો થઈ. પાટીદારો તરફ ખાર કે સૌરાષ્ટ્ર-કચ્છની અવગણનાની કિંમત ભાજપે આ 13 બેઠકો ગુમાવીને ચૂકવવી પડે ને એ ભાજપ્ને પરવડે એમ નથી. લોકસભાની ચૂંટણીમાં ભાજપ્ને સ્પષ્ટ બહુમતી મળી તેનું કારણ ભાજપ જ્યાં જોરાવર છે એ દસેક રાજ્યોમાં તેણે બોલાવેલો સપાટો હતો. આ રાજ્યોમાં ગુજરાત પણ આવી ગયું કે જ્યાં ભાજપે લોકસભાની બધી 26 બેઠકો કબજે કરેલી. હવે ગુજરાતમાં તેના વળતાં રૂપાણી શ થાય ને એ જ હાલત બીજાં રાજ્યોમાં પણ થાય તો ભાજપે પચાસેક બેઠકોથી હાથ ધોવા પડે. આ ગણિત ભાજપ્ને પરવડે એમ નથી તેથી ભાજપે બધાંને સાચવવા જ પડે એમ છે.

print

Comments

comments

VOTING POLL