7 વર્ષમાં રોબોટનું દુનિયામાં હશે વર્ચસ્વ….

October 11, 2018 at 11:45 am


હવે એ દિવસો દુર નથી જ્યારે કામ કરવાની બાબતમાં માણસો કરતા રોબોટ આગળ નીકળી જશે. આ દાવો વિશ્વ આર્થિક મંચના એક અભ્યાસમાં કરાયો છે. તેમાં જણાવાયું છે કે વર્તમાનમાં થતા કામનો ૫૨ ટકા હિસ્સો વર્ષ ૨૦૨૫ સુધીમાં રોબોટ સંભાળી લેશે.

આ આંકડો વર્તમાનમાં રોબોટ દ્વારા કરાતાં કાર્ય કરતા લગભગ બેગણો છે. ડબલ્યુઇએફનું અનુમાન છે કે માણસો માટે નવી ભૂમિકાઓમાં વધારો જોવા મળી રહ્યો છે. આ મોટા પરિવર્તન દરમિયાન મશીનો અને કમ્પ્યૂટર પ્રોગ્રામોની ગતિ સાથે તાલમેલ બેસાડવા માટે વ્યક્તિઓએ પોતાના કૌશલ્યમાં વધારો કરવો પડશે.

સ્વિસ સંગઠનના એક અભ્યાસ મુજબ વર્તમાનમાં મશીનો ૨૯ ટકા કામ સંભાળી રહી છે. ૨૦૨૫ સુધી આ આંકડો કુલ કાર્યના અડઘા કરતા પણ વધી જશે. અભ્યાસમાં દર્શાવાયુ છે કે જે ઝડપથી મશીનો, અલ્ગોરિધમ અને કમ્પ્યુટર પ્રોસેસર્સમાં પરિવર્તન આવી રહ્યુ છે તે જોતા ૨૦૨૨ સુધી માણસો માત્ર ૫૮ ટકા કામ સંભાળશે. જ્યારે બાકી ૪૨ ટકા કામ મશીનોથી થશે. ૨૦૨૫ સુધી ૫૨ ટકા કામ મશીનો પાસે કરાવાશે.

print

Comments

comments

VOTING POLL