ઈંડોનેશિયાના એક ચાહકે પોતાની દીકરીનું નામ રાખી દીધું એશિયન ગેમ્સ

August 22, 2018 at 11:43 am


18મી એશિયન ગેમ્સ ઈંડોનેશિયામાં રમાઈ રહી છે. ત્યાંના લોકો પણ એશિયન ગેમ્સ માટે ઉત્સાહિત છે. તેમાંથી એક ઉત્સાહી તો એવા છે કે તેમણે પોતાના બાળકનું નામ જ અબિદાહ એશિયન ગેમ્સ રાખી દીધું છે.

ઈંડોનેશિયાના એક દંપતીને ત્યાં 18 ઓગસ્ટના રોજ દીકરીનો જન્મ થયો હતો. જકાર્તામાં જન્મેલી આ દીકરીનું નામ તેના માતા પિતાએ એશિયન ગેમ્સ રાખી દીધું છે. મહત્વપૂર્ણ છે કે આ બાળકીનો જન્મ સપ્ટેમ્બરમાં થવાનો હતો પરંતુ તે એશિયન ગેમ્સની ઓપનિંગ સેરેમનીના દિવસે જ જન્મી તેથી તેનું નામ તેના માતા-પિતાએ એશિયન ગેમ્સ રાખી દીધું છે.

VOTING POLL

ચંદ્ર પર જીવન શકય હોવાનો વધુ એક પુરાવો મળ્યો: નાસાએ કરી પુષ્ટિ

at 11:37 am


ભારતે દસ વર્ષ પહેલાં ચંદ્રયાન-1 અંતરિક્ષયાનને લોન્ચ કર્યું હતું. તેના પરથી ચંદ્રની સપાટી પર પૂરતી માત્રામાં બરફ હોવાની વાતના સંકેત મળ્યા છે. એટલે સુદ્ધાં કે ચાંદ પર રહેવા માટે પાણીની ઉપલબ્ધતાની પણ સંભાવના છે.
વૈજ્ઞાનિકો એ ચંદ્રયાન-1 અંતરિક્ષયાનના આંકડાના આધાર પર ચંદ્રમાના ધ્રુવીય વિસ્તારોના સૌથી અંધારા અને ઠંડા સ્થળ પર પાણી ઠરેલા સ્વરૂપે હોવાની પુષ્ટિ કરી છે. નાસા એ મંગળવારના રોજ આ માહિતી આપી છે. ભારતે દસ વર્ષ પહેલાં આ અંતરિક્ષયાનને લોન્ચ કર્યું હતું.
ચંદ્રની સપાટી પર પૂરતી માત્રામાં બરફ હોવાથી એ વાતના સંકેત મળે છે કે આગળના અભિયાનો કે એટલે સુધી કે ચંદ્રમા પર રહેવા માટે પણ પાણીની ઉપલબ્ધતાની સંભાવના છે. ‘પીએએનએસ’ જર્નલમાં પ્રકાશિત એક અભ્યાસમાં કહ્યું છે કે બરફ આમ-તેમ પથરાયેલો છે. દક્ષિણી ધ્રુવ પર મોટાભાગે બરફ લુનાર ક્રેટર્સની પાસે જામ થયેલો છે.
ઉત્તરી ધ્રુવ બાજુ બરફ ખૂબ જ છે પરંતુ મોટાભાગે પથરાયેલો છે. વૈજ્ઞાનિકોએ નાસાના મૂન મિનરેલોજી મેપર (એમ3)માંથી પૂરતા આંકડાઓનો ઉપયોગ કરતાં દેખાયા છે કે ચંદ્રમાની સપાટી પર પાણી હિમ થયેલું છે. ઇસરો દ્વારા 2008મા પ્રક્ષેપિત કરાયેલ ચંદ્રયાન-1 અંતરિક્ષયાનની સાથે એમ3ને મોકલાયું હતું.
આ બરફના થર એવી જગ્યાએ મળ્યા છે જ્યાં ચંદ્રમાના ઘુર્ણન અક્ષ થોડો ઝૂકેલો હોવાથી સૂર્યની રોશની કયારેય ત્યાં પહોંચી નથી. અહીંનું વધુમાં વધુ તાપમાન કયારેય -156 ડિગ્રી સેલ્સિયસથી વધ્યું નથી. આની પહેલાંની આકરણીમાં અપ્રત્યક્ષ રીતે લુનાર સાઉથ પોલ પર સપાટી પર બરફ હોવાની સંભાવના વ્યક્ત કરાઇ હતી.
ચંદ્રયાન 1 અંતરિક્ષ યાન ભારતનું પહેલું ચંદ્રમિશન હતું. તેને 28 ઑગસ્ટ 2009ના રોજ સિગ્નલ મોકલવાનું બંધ કરી દીધું હતું. ઇસરોએ તેને થોડાંક દિવસ બાદ જ સત્તાવાર રીતે આ મિશનને ખત્મ કરવાની જાહેરાત કરી દીધી હતી. આ મશિનને બે વર્ષ માટે તૈયાર કરાયું હતું. પહેલાં જ વર્ષની યાત્રામાં તેણે 95 ટકા લક્ષ્યોને પ્રાપ્ત કરી લીધા હતા. 2016મા નાસાએ ગ્રાઉન્ડ-બેઝ સિસ્ટમથી ચંદ્રયાનને તેની કક્ષામાં ફરીથી પહોંચાડવાની કોશિષ કરી. તેના ત્રણ મહિના બાદ સતત ઓબ્ઝર્વેશન બાદ તેની કક્ષામાં સ્થાપિત કરવા માટે યોગ્ય જગ્યા નક્કી કરાઇ.

VOTING POLL

આકારમાં સામાન્ય હોવા છતાં આ પથ્થરને ખસેડી શકતું નથી કોઈ…

August 21, 2018 at 6:46 pm


2 ફૂટ લાંબા અને 1 ફૂટની ગોળાઈ ધરાવતાં પથ્થરને હટાવી ન શકાય તેવું શક્ય બને…. પરંતુ તે શક્ય બન્યું છે પિથોરગઢમાં અહીં એક એવો પથ્થર છે જેને વર્ષોથી કોઈ તેની જગ્યાથી ખસેડી શક્યું નથી. કહેવાય છે કે આ પથ્થર નેપાળથી લાવવામાં આવ્યો છે. તે સમયે એક નેપાળીએ આ પથ્થર મુક્યો હતો. નેપાળથી લઇને આવ્યા બાદ જે જગ્યા પર આ પથ્થર રાખ્યો છે ત્યારથી અત્યાર સુધી તેનો કોઇ હટાવી શક્યું નથી.
વૈજ્ઞાનિકોની ટીમએ મંદિરના સંચાલક મંડળ પાસેથી આ પથ્થરને તોડવાની પરવાનગી માંગી હતી, પરંતુ પથ્થરને આસ્થાનું પ્રતીક તરીકે દર્શાવતા ટીમને તેને તોડવાની મનાઇ કરવામાં આવી છે. જો કે કારણ કોઈપણ હોય પરંતુ સત્ય એ છે કે આ પથ્થરને કોઈ તેના સ્થાનેથી ખસેડી શકતું નથી.

VOTING POLL

વૈજ્ઞાનિકોએ શોધ્યો નર્કનો દરવાજો.

at 6:44 pm


રશિયામાં એક એવી જગ્યા છે જે વૈજ્ઞાનિકો માટે પણ પ્રશ્નાર્થ સર્જે છે. આ જગ્યા છે ડોર ટુ હેલ, આ જગ્યાનું નામ નર્કનો દરવાજો વૈજ્ઞાનિકોએ જ પાડ્યું છે. કારણ કે આ જગ્યાના તળ સુધી જવું જીવિત માણસ માટે શક્ય નથી. રશિયામાં આવેલો આ ખાડો દુનિયાનો સૌથી વધારે ઊંડાઈ ધરાવતો ખાડો છે.
કોલા સુપરડીપ બોરહોલ નામના આ ખાડાનું ખોદકામ 1970માં વૈજ્ઞાનિકોએ શરૂ કર્યું હતું. વૈજ્ઞાનિકો વધારેમાં વધારે ઊંડો ખાડો ખોદવા માંગતાં હતાં. સતત 19 વર્ષના ખોદકામ બાદ વૈજ્ઞાનિકો 12.24 કિમી ઊંડાણ (40,230 ફૂટ) સુધી પહોંચી ચૂક્યા હતાં. આ ઊંડાઈ એટલી છે કે તેમાં 240 ફૂટના 167 કુતુબમિનાર સમાઇ શકે છે. આ ઊંડાઈ પછી અહીં તાપમાન અચાનક વધી જવાથી વૈજ્ઞાનિકોએ ખોદકામ રોકવું પડ્યું હતું.

VOTING POLL

મહિલાએ દત્તક લીધું એવું પપી, જેને લઈ જવા કોઈ તૈયાર નહોતું!!!

August 20, 2018 at 8:52 pm


મહિલાએ દત્તક લીધું એવું પપી, જેને લઈ જવા કોઈ તૈયાર નહોતું, જે પણ લઈ જતું તેને થોડા દિવસમાં પાછુ મૂકી જતું

8 મહિનાનો આ ડોગી કોઈ સામાન્ય પપી નથી, પરંતુ એકદમ ખાસ છે

અમેરિકાના એક શહેરમાં થોડા સમય પહેલા ડોગીના એક બચ્ચાને કોઈ દત્તક લેવા તૈયાર નહોતું થઈ રહ્યું. જે પણ તેને શેલ્ટર હોમમાંથી લઈ આવતું હતું, તે થોડા જ દિવસમાં તેને પાછું મૂકી જતું હતું. ત્યારબાદ એક મહિલાએ તેને લઈ ગઈ અને થોડા દિવસ એ પ્રેમાળ પપી સાથે પસાર કર્યા બાદ મહિલાને તેની ખાસિયતો વિશે ખબર પડી. મહિલાએ જાણ્યું કે 8 મહિનાનો આ ડોગી કોઈ સામાન્ય પપી નથી, પરંતુ એકદમ ખાસ છે અને ત્યારથી તે એ મહિલા સાથે જ રહેતું હતું.

લાવારિસ ફરી રહ્યું હતું પપી

આ સ્ટોરી એવા ડોગીના બચ્ચાની છે, જે એક વ્યક્તિને એક પાર્ક પાસે ગલીમાં લાવારિસ ફરતા મળ્યું હતું. એ વ્યક્તિ પાળેલા જાનવરો માટે કામ કરતી કંપનીમાં નોકરી કરતો હતો. ત્યારબાદ તેણે પપીને બચાવતા તેને શેલ્ટર હોમમાં છોડી દીધું.

તે વ્યક્તિ તેને શેલ્ટર હોમમાં એટલા માટે છોડીને આવ્યો હતો, જેથી તેને કોઈ ત્યાંથી દત્તક લઈ જાય. જોકે, આવું ના થઈ શક્યું. કારણ કે જે કોઈ પણ તેને લઈ જતું હતું તે થોડા જ દિવસમાં તેને પાછું મૂકી જતું હતું.

થોડા દિવસ બાદ લિયોનારા અંજલ્દુઆ નામની એક મહિલા તેને જોવા માટે આવી. તેને આ પપી બહુ ગમ્યું અને તેને પોતાની સાથે લઈ જવાનો નિર્ણય કરી લીધો. મહિલાએ તેને એક નવું નામ પૈની પણ આપી દીધું.

થોડા દિવસ પૈની સાથે પસાર કર્યા બાદ મહિલાને તેની એ ખાસિયતો વિશે ખબર પડવા લાગી, જે સામાન્ય ડોગીમાં નથી હોતી. લિયોનારાએ જાણ્યું કે, તે બહુ સ્માર્ટ છે, અને કોઈ પણ વસ્તુ અન્ય ડોગીની સરખામણીમાં ઘણી સરળતાથી શીખી લે છે.

પૈની કરે છે એ કામ જે નથી કરતું કોઈ અન્ય પપી

પૈનીની શીખવાની ક્ષમતા જોરદાર હતી. બેસવાના કમાન્ડને તેમણે માત્ર 3 પ્રયાસમાં શીખી લીધો હતો. આ સાથે જ અન્ય કમાન્ડ પણ બહુ ઝડપથી શીખી લેતું હતું.

સૌથી ખાસ વાત એ છે કે પૈનીએ પોતાની અંદર એક એવું ટેલેન્ટ છૂપાવી રાખ્યું હતું, જેના વિશે તે પોતે પણ જાણતું નહોતું. એ ટેલેન્ટ વિશે લિયોનારાએ વિચાર્યું અને તેને બહાર કાઢવાનું વિચાર્યું.

લિયોનારા તેને કંઈક એવું કામ શીખવાડવાનું વિચારી રહી હતી જેને કોઈ અન્ય પપી ના કરી શકે. આ કામને શીખવાડવા માટે તે પૈની માટે અલગ અલગ શેપના અમુક બ્લોક અને પ્લાસ્ટિકના આલ્ફાબેટનો એક સેટ ખરીદી લાવી. તેની મદદથી તેણે પૈનીને આકૃતિઓની ઓળખ કરાવવી શીખવી.

મહિલાએ આલ્ફાબેટના શેપ દ્વારા તેને એમ પણ શીખવાડ્યું કે તેના નામના સ્પેલિંગમાં કયા કયા અક્ષર આવે છે. બહુ સ્માર્ટ પૈની થોડા જ દિવસમાં આલ્ફાબેટને ઓળખતા શીખી ગયો અને હવે તે તેના લેટર્સ જાતે લાવીને આપે છે.

લિયોનારાના સોશિયલ મીડિયા પર એક વીડિયો પણ શેર કરવામાં આવ્યો છે, જેમાં પૈની સામે બધા આલ્ફાબેટ ફેલાવીને રાખી દે છે અને ત્યારબાદ પૈની એક-એક કરીને તેના નામના સ્પેલિંગમાં આવતા લેટર્સને ઉઠાવીને લાવે છે. જોકે, હવે તે તેને સીક્વન્સમાં ગોઠવવાનું નથી જાણતું, પરંતુ લિયોનારાનું કહેવું છે કે, ટૂંક સમયમાં તે એવું કરતા પણ શીખી જશે.

VOTING POLL

નાનકડી માછલી ચાવી ગઈ સાપ, વિંછી અને કાનખજૂરો, જુઓ video

August 18, 2018 at 7:04 pm


સોશિયલ મીડિયા પર એક વિડીયો ખૂબ જ વાઈરલ થયો છે. આ વિડીયોમાં એક નાનકડી માછલી ઝેરી જંતુઓને ખાતી જોવા મળે છે. પફરફિશ આ વિડીયોમાં પહેલા કાનખજૂરો પછી વિંછી અને ત્યારબાદ સાપને જીવતા ચાવી જાય છે. આ વિડીયો સૌ કોઈને આશ્ચર્યમાં મુકી રહ્યો છે. તમે પણ જુઓ આ વિડીયો જે એક ટ્વિટર એકાઉન્ટ પર શેર કરવામાં આવ્યો છે.

VOTING POLL

youtubeના કારણે કરોડોની કમાણી કરી 8 વર્ષના બાળકે…

August 17, 2018 at 8:15 pm


you tube પર ખૂબ પ્રખ્યાત થયેલી ચેનલ રાયન ટોય રિવ્યુના સબસ્ક્રાઈબરની સંખ્યા 1 કરોડથી વધારે છે. આ ચેનલને છેલ્લા એક વર્ષમાં એટલી લોકપ્રિયતા મળી છે કે તેના કારણે એક સાત વર્ષનો બાળક કરોડોની કમાણી કરતો થઈ ગયો છે. જી હાં આ ચેનલના માધ્યમથી રાયન નામના બાળકે ગત વર્ષે 75 કરોડની કમાણી કરી છે. એટલું જ નહી તેણે વોલમાર્ટ સાથે ડીલ પણ કરી છે. આ ડીલના કારણે રાયન પોતાની બ્રાન્ડના રમકડાં વોલમાર્ટના સ્ટોર્સમાં વેચાણ અર્થે મુકશે. રાયનની યૂ-ટéૂબ ચેનલ એટલી કમાણી કરે છે કે તેનું નામ યૂ-ટéૂબથી કમાણી કરતાં લોકોની યાદીમાં આઠમા ક્રમે આવે છે. જો કે રાયન વિશે અન્ય જાણકારી શેર કરવામાં આવી નથી. રાયનએ વર્ષ 2015માં પહેલી વખત યૂ-ટéૂબ વિડીયો શેર કર્યો હતો જેને અબજો વ્યુ મળતાં તેણે આ કામ કરવાનું શરુ રાખ્યું છે. છેલ્લા ત્રણ વર્ષમાં રાયનની યૂ-ટéૂબ પર છ ચેનલો રિવ્યૂ માટે ચાલી રહી છે.

VOTING POLL

શ્વાન-બિલાડી પાળો સુખી અને સમૃદ્ધ બનો…

at 8:10 pm


ઘરમાં પાળતું પ્રાણી તરીકે કુતરું કે બિલાડી રાખનાર લોકો અન્યની સરખામણીમાં વધારે સુખી અને સમૃÙ હોય છે. આ તારણ એક સંશોધન બાદ જણાવવામાં આવ્યું છે. સર્વેમાં સ્પષ્ટ થયું છે કે જેના ઘરમાં પાળતું પ્રાણી હોય છે તેમના મગજમાં ફીલગુડ રસાયણ વધારે હોય છે તેના કારણે તેઆે સતત આનંદમાં રહે છે અને આ સ્થિતી તેમને સમૃિÙ સુધી લઈ જાય છે. યુકે રિટાયર્ડમેન્ટ હોમ બિલ્ડર મેક્કાર્થી એન્ડ સ્ટોન દ્વારા શ્વાન અને બિલાડીના 1,000 માલિકો પર સર્વે કરાયો હતો. ઘરમાં પાળતું પ્રાણી રાખતાં લોકો બીજા કરતાં બમણી કસરત કરતાં હોય છે. સ્વાભાવિક છે કે જેઆે શ્વાન કે બિલાડી પાળતાં હોય છે તેઆે તેને લઈ સવારે અને સાંજે ફરવા નીકળતાં હોય છે, તેના કારણે માલિકની પણ ચાલવાની કસરત થઈ જતી હોય છે. આ કસરતના કારણે વ્યિક્તનું દિલ વધુ મજબૂત થાય છે. સાઇકોલોજિસ્ટના જણાવ્યાનુસાર પાળેલાં પ્રાણીઆેના માલિક મોટે ભાગે પત્ની, સંતાન સાથે ખુશ અને પોતાની નોકરીમાં પણ સફળ હોય છે. પ્રાણીઆે નહી પાળનારા કરતાં પાળનારા લોકો વર્ષે 5,200 ડોલર વધુ કમાતા હોય છે.

VOTING POLL

બે હાથ પર લટકેલો છે વિયેતનામનો આ પુલ, જાણો ખાસિયતો

August 8, 2018 at 7:17 pm


દુનિયામાં અનેક અજબગજબ બનાવટમાંથી એક છે વિયેતનામનો ગોલ્ડન બ્રીજ. આ બ્રીજને જોવા માટે મોટી સંખ્યામાં પ્રવાસીઓ આવતાં હોય છે. આ બ્રિજની ખાસિયત એ છે કે તે ગોલ્ડન રંગના બે હાથ પર લટકેલો છે. વિયેતનામનો આ બ્રીજ સમુદ્રની સપાટીથી 3,280 ફૂટની ઉંચાઈ પર બનેલો છે. આ બ્રીજ પગપાળા ચાલતાં લોકો માટે બનાવવામાં આવ્યો છે. તેની સુંદરતા ઉડીને આંખે વળગે તેવી છે.

VOTING POLL

24 કલાકમાં દરિયામાં ઠલવાય છે અધધ ટન કચરો….

at 6:51 pm


દુનિયાભરમાં પ્રદૂષણનું પ્રમાણ ભયંકર રીતે વધી રહ્યું છે. તેમાં દુનિયાના મહાસાગરોનો પણ સમાવેશ થાય છે. ઈન્ટરનેશનલ કોસ્ટલ ક્લીનઅપ ઈનિશિયેટિવએ કરેલા એક સંશોધનમાં દરિયામાં વધતાં પ્રદૂષણના ચિંતાજનક આંકડા જાણવા મળ્યા છે. આ સંશોધન અનુસાર માત્ર 24 કલાકમાં સમુદ્ર અને નદીઓમાંથી 9 કરોડ 20 લાખ કિલો કચરો એકઠો કરવામાં આવ્યો છે. આ કચરામાંથી જેટલા દોરડા અને દોરાં મળ્યા છે તેનો ઉપયોગ કરી અને 28 કિલોમીટર લાંબો ટુવાલ બનાવી શકાય છે. આ ઉપરાંત 17 લાખ ફૂડ રેપર, 15 લાખ પ્લાસ્ટિકની બોટલ, 15 લાખ પ્લાસ્ટિકની બેગ, 10 લાખ 90 હજાર પ્લાસ્ટિકની બોટલના ઢાંકણા પણ મળ્યા છે.

VOTING POLL