શહેરના લો ગાર્ડનમાં યુવતીએ ઝેરી દવા ગટગટાવી લેતા ભારે ચકચાર મચી જવા પામી છે. યુવતીને સારવાર માટે વા.સા. હોસ્પિટલમાં દાખલ કરવામાં આવી છે.ઘટનાની વિગતવાર માહિતી એવી છે કે ગત સાંજે લો ગાર્ડનમાં એક યુવતી બાંકડા પર બેસી હતી. અચાનક યુવતીએ ઝેરી દવા ગટગટાવી લીધી હતી. આસપાસમાં બેસેલા લોકોએ પોલીસને જાણ કરતા નવરંગપુરા પોલીસ દોડી આવી હતી. પોલીસે તપાસ કરતા ૨૯ વર્ષીય સીમા બિપીનભાઇ ગજજર રહે. ડી-૧૧ ગણેશ એપાર્ટમેન્ટ, વસ્રાપુરની હોવાનું જાણવા મળ્યું હતું. નવરંગપુરા પોલીસે જાણવા જોગ ગુનો નોંધી વધુ તપાસ હાથ ધરી છે.