ગોહિલવાડમાં આજે ગુરૂવારે આ સીઝનની રેકોર્ડ બ્રેક ઠંડી પડી છે. ગઈકાલ બુધવાર કરતા આજે તાપમાન ૧.૨ ડિગ્રી ઘટીને ૭.૭ ડિગ્રી નોંધાયું છે. કાલે બુધવારે ૮.૯ ડિગ્રી લઘુત્તમ તાપમાન હતું. ગોહિલવાડમાં ઠંડીએ લોકોને થથરાવી દીધા છે. કાતિલ પવને ઠંડીની તિવ્રતા વધારી દીધી છે.
જિલ્લામાં કાલે બુધવારે આ સિઝનની સૌથી વધુ ઠંડી હતી અને લઘુત્તમ તાપમાન ૮.૯ ડિગ્રી નોંધાયું હતું. આજે ઠંડીએ ગઈકાલનો રેકોર્ડ તોડી નાખ્યો છે. આજે લઘુત્તમ તાપમાન ૭.૭ ડિગ્રી નોંધાયું છે. મહત્તમ તાપમાન ૨૪.૨ ડિગ્રી, હવામાં ભેજનું પ્રમાણ ૫૦ ટકા તથા પવનની ઝડપ પ્રતિ કલાક ૧૩ કિ.મી.ની રહી છે.
ઠંડીએ દેશ–વિદેશની સાથે આ વરસે ગોહિલવાડમાં પણ રેકોર્ડ કર્યેા છે અને બ્રેક કર્યેા છે. કાલે બુધવારે આ સઝનની સૌથી વધુ ઠંડી પડી હતી. આજે ગુરૂવારે ઠંડીએ કાલનો રેકોર્ડ તોડી નાખ્યો છે. ઠંડીના કારણે જનજીવન અત્યતં પ્રભાવિત થયું છે. લ આયોજકોને પણ આથી અનેક તકલીફ વેઠવી પડી છે. ઠંડીને કારણે કેટલાય વરઘોડાનો રૂટ ટુંકાવી દેવાયો છે તો કેટલાક વરઘોડા ઝડપથી હોલ–વાડીએ પહોંચી જાય છે !! તિવ્ર ઠંડીના કારણે મોનીગ વોક લેનારાઓની સંખ્યા ઘટી છે. સવારે સ્કુલે જતા બાળકોની હાલત ખુબ જ કફોડી બની છે. આ વરસે ઠંડીની લાંબી ચાલેલી ઈનીંગે લોકોને તોબા પોકરાવી દીધી છે. હવામાન વિભાગના જણાવ્યા અનુસાર હજુ બે દિવસ ઠંડીનું મોજુ ચાલુ રહેશે