શહેરના ભરતનગર ચોકડી પાસેથી બે દિવસ પૂર્વે પોલીસે વિદેશી દારૂની બોટલો સાથે પસાર થતી ફોર્ડ ફીએસ્ટા મોટરકાર સાથે બુટલેગરને ઝડપી લઇ કાર્યવાહી હાથ ધરી હતી. દરમ્યાનમાં આ બુટલેગર સામે પોલીસ તત્રં દ્રારા પાસાની દરખાસ્ત રજૂ કરતા મંજૂર થતાં જામનગર જિલ્લા જેલમાં મોકલી આપ્યો છે.
પોલીસ સુત્રોમાંથી મળતી માહિતી મુજબ બે દિવસ પૂર્વે ભરતનગર ચોકડી પાસેથી બી ડીવીઝનના પી.આઇ. એમ.એમ. ચૌહાણ, પી.એસ.આઇ. ખાંભલા, હે.કો. પદુભા ગોહિલ અને પો.કો. ભરતભાઇ પંડા વગેરેએ વિદેશી દારૂની ૮૨ બોટલ સાથે ફોર્ડ ફીએસ્ટા મોટરકારમાં પસાર થતાં બુટલેગર પ્રવિણ ઉર્ફે બાડો શામજીભાઇ રાઠોડ (ઉ.વ.૩૮, રે. ઉત્તર કૃષ્ણનગર, વણકરવાસ)ની ધરપકડ કર્યા બાદ તેની વિરૂધ્ધ પાસાની દરખાસ્ત જિલ્લા મેજીસ્ટ્રેટને મોકલી આપતા ત્યાંથી મંજૂર થતાં બુટલેગર પ્રવિણ ઉર્ફે બાડાને જામનગર જિલ્લા જેલમાં મોકલી આપવાની તજવીજ હાથ ધરી હતી