વડાઓ તથા જ્ઞાતિઓના આગેવાનો ઉપસ્થિત રહેનાર છે. મુખ્યમંત્રીના આગમનના પગલે પાલિતાણા પોલીસ છાવણીમાં ફેરવાઇ ગયું છે.
જૈન તિર્થનગરી પાલિતાણાના આંગણે મુખ્યમંત્રી નરેન્દ્રભાઈ મોદી સદભાવના ઉપવાસ મિશનનો કાર્યક્રમ આવતીકાલે યોજનાર છે. સદભાવનાકાર્યક્રમને લઈને ઉર્જામંત્રી સૌરભભાઈ પટેલ, વનમંત્રી કિરીટસિંહ રાણા, ગ્રામ વિકાસ રાજય મંત્રી મોહનભાઇ કુંડારીયા, કૃષિ રાજય મંત્રી કનુભાઇ ભાલાળા, સ્વર્ણિમ ગુજરાત ૫૦ મુદા અમલીકરણ સમિતિના કાર્યવાહક અધ્યક્ષ આઇ.કે.જાડેજા, ગુજરાતના આયોજન પંચના ઉપાધ્યક્ષ ભુપેન્દ્રસિંહ ચુડાસમા સહિતના રાજકીય મહાનુભાવો ઉપસ્થિત રહેનાર છે તેમજ હિન્દુ–મુસ્લીમ સમાજના ધર્મગુરૂઓ તથા વિવિધ જ્ઞાતિઓ અને સંગઠનોના આગેવાનો પણ સદભાવના ઉપવાસમાં જોડાશે. સદભાવના ઉપવાસને લઈને પાલિતાણા પોલીસ છાવણીમાં ફેરવાઇ ગયું છે. જૈન ધર્મનગરી પાલિતાણાના આંગણે મુખ્યમંત્રીના ઉપવાસને લઈને ભારે ઉત્સાહ અને ઉત્તેજના છવાઈ છે.
આ કાર્યક્રમને લઈને સ્થાનિક વહિવટી તત્રં અને જિલ્લા ભાજપ દ્રારા તમામ તૈયારીઓ પુર્ણ કરી દેવામાં આવી છે. સ્થાનિક ધારાસભ્ય મહેન્દ્રસિંહ સરવૈયા અને એગ્રો નિગમ બોર્ડના ચેરમેન ડો. મનસુખભાઈ માંડવીયા તથા જિલ્લા ભાજપ અધ્યક્ષ બાબુભાઈ જેબલીયા અને નગરપાલિકા પ્રમુખ પ્રવિણભાઈ ગઢવી, પાલિતાણા ભાજપના હોદ્દેદારો વગેરેએ ભારે જહેમત ઉઠાવી છે