લઘુતમ તાપમાનમાં ભલે સામાન્ય વધઘટ હતી પરંતુ મહતમ તાપમાનમાં સાડાત્રણથી ચાર ડિગ્રીનો વધારો થતાં આજે કચ્છ જિલ્લામાં બપોરના સમયે લોકોએ ગરમીનો અનુભવ કર્યો હતો જો કે પવનની દિશા નલિયા સિવાયના મથકો પર ઉતરપૂર્વ રહેતા વહેલી સવારે અને સાંજે ઠંડી અનુભવાઈ હતી.
ભુજમાં આજે મહતમ તાપમાન ર૯ ડિગ્રી રહેતા ગઈ કાલના પ્રમાણમાં ૩.૮ ડિગ્રીનો વધારો નોંધાયો હતો જયારે લઘુતમ તાપમાન ૧૦.૪ થતા તેમાં માત્ર ૦.૩ ડિગ્રીનો આંશિક વધારો હતો. ભેજનું પ્રમાણ સવારે પ૪ ટકા અને સાંજે ર૩ ટકા હતું જયારે પવનની ઝડપ ઉતર-પૂર્વની દિશા સાથે ૮ કિ.મીની હતી. જયારે નલિયામાં આજે મહતમ તાપમાને મોટો કુદકો માર્યો હતો અને મહતમ તાપમાન ૩૦.ર ડિગ્રી થયું હતું જયારે લઘુતમ તાપમાનમાં ૧.૧ ડિગ્રી વધતા ૭.૧ ડિગ્રી હતુ જે ૧૦ ડિગ્રી કરતા ઓછું હતુ જો કે પવનની દિશા એકાએક બદલાઈને ઉતર-પશ્ચિમ હતી આજે પણ પવનની સરેરાશ ઝડપ ૮ કિમી રહી હતી.
જયારે કંડલામાં મહતમ તાપમાન ર૯.પ ડિગ્રી અને લઘુતમ તાપમાન ૧ર.૧ ડિગ્રી હતું. જયારે ભેજનું પ્રમાણ સવારે પપ ટકા અને સાંજે ૪૪ ટકા હતું. જયારે પવનની દિશા-ઉત્તર પૂર્વ હતી. આમ આજે કચ્છ જિલ્લામાં બપોરના સમયે મહતમ તાપમાન વધેલુ રહેતા લોકોએ બપોરના સમયે ગરમી અનુભવી હતી.
કંડલા એરપોર્ટ પર મહતમ તાપમાન ર૮.પ ડિગ્રી અને લઘુતમ તાપમાન ૯.૬ ડિગ્રી નોંધાયું હતુ જયારે ડીસાએ ૯.ર ડિગ્રી સાથે ત્રીજુ સ્થાન અને ગાંધીનગર ૮.૮ ડિગ્રી સાથે બીજા નંબરે રહ્યું હતું.