અમદાવાદમાં આજે લાંબા સમય બાદ ઇન્કમટેકસે એક સુપર ઓપરેશન હાથ ધરીને કલર કેમીકલ્સનું ઉત્પાદન કરતાં એક મોટા જૂથ ઉપર તવાઇ ઉતારી છે અને આશરે ૧૫થી ૧૬ જગ્યાએ દરોડા અને સર્વેની કામગીરી હાથ ધરી છે. આ લખાય છે ત્યારે તમામ સ્થળોએ તપાસની કામગીરી ચાલુ છે.
અમદાવાદમાં કલર કેમીકલ્સના ઉત્પાદન ક્ષેત્રે સંકળાયેલા વટવાના એક પટેલ ગ્રુપને ત્યાં આજે સવારે આઠ વાગ્યાથી ઇન્કમટેકસનો મોટો કાફલો ત્રાટકયો છે. ઇન્કમટેકસના ડાયરેકટર હરીશકુમારની સુચનાથી ૫૦થી ૭૫ જેટલા અધિકારીઓની અલગ અલગ બનેલી ટીમોએ દરોડા અને સર્વેનું ઓપરેશન હાથ ધયુ હતું.
આ પટેલ ગ્રુપના તમામ ભાગીદારોના રહેઠાણ અને ઓફિસો મળી ૧૫થી ૧૬ જગ્યાએ તપાસની કાર્યવાહી શરૂ કરવામાં આવી હતી. આ લખાય છે ત્યારે તમામ સ્થળોએ તપાસ ચાલુ છે. કલર કેમીકલ્સ સહિત અનેક વ્યવસાય સાથે સંકળાયેલા પટેલ ઉધોગપતિને ત્યાંથી તપાસના અંતે મોટો દલ્લો મળી આવે તેવો સંભવ છે. જો કે ઇન્કમટેકસે તપાસની કાર્યવાહી ચાલુ હોવાને કારણે થોભો અને રાહ જૂઓનો સંકેત આપ્યો હતો.

હજુ ૨૪ કલાક કોલ્ડ વેવની આગાહી: પવનની ગતિ વધતા ઠંડી તીવ્ર બની
રાજકોટ
ઉત્તર ગુજરાત અને સૌરાષ્ટ્ર્રના મોટાભાગના વિસ્તારોમાં રાત્રીનું તાપમાન આગામી ૨૪ કલાક વધુ નીચે ઉતરશે અને કોલ્ડ વેવ કંડીશન ચાલુ રહેશે તેવી આગાહી હવામાન ખાતા દ્રારા કરવામાં આવી છે.
પવનની દિશા બદલાતા સૌરાષ્ટ્ર્ર–કચ્છમાં છેલ્લા ત્રણેક દિવસથી ઠંડીના પ્રમાણમાં ક્રમશ: વધારો થઈ રહ્યો છે પરંતુ ગઈકાલથી પવનની ગતિ એકાએક વધી જતાં કોલ્ડ વેવ કંડીશન સર્જાઈ છે.

કયાં કેટલું તાપમાન ?
શહેરનું નામ------------------------------------------લઘુત્તમ તાપમાન
નલિયા........................................................૦.૮
અમરેલી......................................................૫.૪
ભૂજ............................................................૬.૨
અમદાવાદ...................................................૯.૪
વડોદરા.......................................................૧૦.૧
ડિસા...........................................................૫.૮
દ્રારકા..........................................................૧૧
પોરબંદર......................................................૬.૬
રાજકોટ........................................................૬.૩
સુરત...........................................................૧૦.૭
વેરાવળ........................................................૧૦