ગુજરાત રાજ્યમાં વીજ ચોરીનું દૂષણ ઘટવાનું નામ લેતુ નથી. ગયા એક વર્ષમાં ા.200 કરોડ જેટલી વીજ ચોરી પકડાઈ હોવાનું સરકારી આંકડા જણાવે છે. તેની પહેલાના વર્ષમાં આ આંકડા ા.165 કરોડ અને તે પહેલાના વર્ષમાં ા.151 કરોડ હતો. આમ દર વર્ષે વીજ ચોરીના મામલાઓમાં વધારો થતો હોવાનું આંકડાઓથી સમિત થાય છે.
એપ્રિલ 2012થી માર્ચ 2013 સુધીમાં ચાર પાવર વિતરણ કંપ્નીઓ દ્વારા રાજ્યમાંથી ા.201 કરોડની વીજ ચોરી પકડી પાડવામાં આવી હતી. વાર્ષિક ા.200 કરોડ નીચા આંકડા વટાવી જવાની આ સૌપ્રથમ ઘટના ગણાય છે. ગયા વર્ષ કરતા આ વર્ષમાં વીજ ચોરીમાં 21 ટકાનો વધારો થયો હોવાનું જણાવ્યું છે.
સુત્રોના જણાવ્યા પ્રમાણે પાવર ચોરીના કુલ પકડાયેલ કિસ્સાઓમાં મોટા ભાગના સૌરાષ્ટ્ર વિસ્તારના હતાં. સૌરાષ્ટ્રના સાત જિલ્લાઓમાં વિતરણ કરનાર પીજીવીસીએલ દ્વારા તેના વિસ્તારમાંથી 2012-13માં 120 કરોડની વીજ ચોરી પકડી પાડવામાં આવી હતી. આગામી દિવસોમાં આ અભિયાનને વધુ વેગ આપવામાં આવી રહ્યો છે.
કંપ્નીના વરિષ્ઠ અધિકારીએ જણાવ્યુ હતું કે વીજ ચોરી અટકાવવા અમે સાબદા થયા છીએ. વધુને વધુ કનેકશન તપાસવામાં આવી રહ્યા છે. અમારા કર્મચારીઓ આ કામ માટે ખૂબ પ્રશિક્ષિત અને સાધન સામગ્રથી સજ્જ રહે છે.ચાર વીજ વિતરણ કંપ્નીઓએ ગુજરાતમાં 2012-13માં 24 લાખથી વધુ કનેકશન તપાસ્યા હતાં. જેમાં 20 લાખ રહેણાકો, બે લાખ કૃષિ કનેકશનો, 11 હજાર ઔદ્યોગિક કનેકશન તથા 53 હજાર કોમર્શીયલ કનેકશનો તપાસવામાં આવ્યા હતાં.