લાખો પિયાની લાલચમાં કરોડો ક્રિકેટપ્રેમીઓ સાથે ગદ્દારી કરનારા ત્રણ ક્રિકેટરો પકડાયા છે અને નવો ધડાકો એવો થયો છે કે બીજા ત્રણ ખેલાડીઓનો સંપર્ક કરવાનો પ્રયાસ પણ થયો હતો. બેટિંગ સીન્ડીકેટ દ્વારા બ્રેડ હોગ, કુપર અને સિધ્ધાર્થ ત્રિવેદીનો સંપર્ક કરવાનો પ્રયાસ થયો હોવાની હકીકત ખુલી છે અને આ દિશામાં તપાસનો ધમધમાટ શ થયો છે.
દિલ્હી પોલીસે એવી માહિતી આપી છે કે સટ્ટાના માફિયા મારફત રાજસ્થાન રોયલ્સમાં રમી રહેલા ટ્રીનીદાદ-ટોબેગોના ખેલાડી કેવોન કુપર તથા સિધ્ધાર્થ ત્રિવેદી અને બ્રેડ હોગનો સંપર્ક કરીને પોતાની સાથે જોડાઇ જવાનો પ્રયાસ થયો હતો પરંતુ વાત બરાબર જામી નથી અને આ ત્રણેય ક્રિકેટરો સટ્ટાના માફીયાની જાળમાં આવ્યા નથી. બીજીબાજુ ક્રિકેટર ચંદીલાની સટ્ટાબાજો સાથે જુની ઓળખાણ હોવાનો તપાસમાં ધડાકો થયો છે.
શ્રીસંત, ચવ્હાણ અને ચંદીલા સાથે સટોડિયાઓની 11 સભ્યોની ટીમની પોલીસ પૂછપરછ કરી રહી છે. દિલ્હી પોલીસના સ્પેશ્યલ સેલના એક અધિકારીએ પત્રકારોને નવી માહિતી આપી હતી. આ અધિકારીએ કહ્યું છે કે, આ સટોડિયાઓમાં એક અમિતસિંહ નામનો ક્રિકેટર પણ છે જે આઇપીએલ-5 સીઝનમાં રાજસ્થાન રોયલ્સ તરફથી રમ્યો હતો.
પોલીસે જ્યારે તેની ધરપકડ કરી ત્યારે એ ખબર નહોતી કે તે ક્રિકેટર છે. આમ હવે નવા નવા ખુલાસાઓ સાથે તપાસ આગળ વધી રહી છે.