આઇપીએલ–૬ ટૂર્નામેન્ટ હવે તેના અંતિમ તબક્કામાં પહોંચી ગઇ છે ત્યારે આ ટૂર્નામેન્ટમાં પ્લે ઓફમાં સ્થાન મેળવવા માટે કુલ ૯ ટીમોમાંથી ૬ ટીમો હરીફાઇમાં છે જેમાં મુંબઇ ઇન્ડિયન્સ, ચેન્નાઇ સુપર કિંગ્સ અને રાજસ્થાન રોયલ્સે તો પોતાનું સ્થાન નક્કી કરી લીધું છે પરંતુ ૩ ટીમોમાંથી કોઇપણ એક ટીમ પ્લેઓફમાં સ્થાન મેળવી શકશે. હવે આ ૩ ટીમમાંથી કઇ ટીમ પ્લે ઓફમાં પહોંચશે તે જોવું રસપ્રદ બની રહેશે.
હાલ પોઇન્ટ ટેબલ ઉપર આ ૬ ટીમોની વાત કરીએ તો મુંબઇ ઇન્ડિયન્સે કુલ ૧૫ મેચ રમ્યા છે જેમાં તેણે ૧૧ મેચમાં જીત મેળવી છે અને ૪ મેચમાં તેનો પરાજય થયો છે. હાલ મુંબઇ ઇન્ડિયન્સ ૨૨ પોઇન્ટ સાથે પોઇન્ટ ટેબલમાં સૌથી ટોચ પર છે. આજે મુંબઇ ઇન્ડિયન્સનો મુકાબલો કિંગ્સ ઇલેવન પંજાબ સાથે થશે જે પોઇન્ટ ટેબલમાં ૧૪ અકં મેળવી ૬ઠ્ઠા સ્થાને છે. પ્લે ઓફમાં સ્થાન મેળવવા માટે તેણે ગમે તે સંજોગોમાં આજે મુંબઇને હરાવવું જ પડશે. બીજી બાજુ આજે ચેન્નાઇ સુપર કિંગ્સ સામે રોયલ ચેલેન્જર્સ બેંગ્લોરનો મુકાબલો છે. આમાં પણ જો રોયલ ચેલેન્જર્સ બેંગ્લોર જીતી જાય તો તે પ્લેઓફમાં તો પહોંચી જ જશે પરંતુ કિંગ્સ ઇલેવન પંજાબની ટીમને પણ બહાર કરી દેશે. પ્લે ઓફમાં સ્થાન નિિત કરનારી રાજસ્થાન રોયલ્સની ટીમ કુલ ૨૦ પોઇન્ટ સાથે ત્રીજા સ્થાને છે.
આ તો થઇ આજના મેચની વાત. યારે આવતીકાલે કોલકત્તા નાઇટ રાઇડર્સ અને સનરાઇઝર્સ હૈદ્રાબાદનો મુકાબલો છે. હૈદ્રાબાદની ટીમ હાલ પોઇન્ટ ટેબલમાં ૧૮ અકં મેળવી ચોથા સ્થાને છે ત્યારે તેની નજર આજે બેંગ્લોર અને પંજાબના મુકાબલા પર રહેશે. હૈદ્રાબાદને પ્લેઓફમાં પહોંચવા માટે બેંગ્લોરની ટીમનો પરાજય ખપે છે તો બેંગ્લોરની ટીમ પણ પ્લે ઓફમાં પહોંચવા માટે કમર કસી રહી છે. ઉલ્લેખનીય છે કે આ ત્રણેય ટીમો સ્ટાર ખેલાડીઓથી ભરપૂર હોવા છતાં તેનું પ્રદર્શન ખરાબ રહ્યું છે.