આઇપીએલમાં સ્પોર્ટસ ફિકસીંગની તપાસ કરી રહેલી દિલ્લી પોલીસને એક એવી ચોકવાનારી માહીતી મળી છે કે ડી કંપ્નીના ગુન્ડાઓ ખેલાડીઓને ફીકસીંગ કરાવવા માટે ધાકધમકી આપતા હતા. ડી કંપ્નીના માણસો નવા અને ઉભરતા ક્રિકટરોને આ ગોરખધંધામાં સામેલ થવા માટે મજબૂર કરતા હતા અને જો તેનો ઇન્કાર થાય તો તેને ગંભીર પરિણામ ભોગવાની ધમકી આપતા હતા. પોલીસના જણાવ્યા અનુસાર યુવા ખેલાડીઓને ધ્યાનમાં રાખીને તેમને દાઉદ ઇબ્રાહીમને નામે ધમકાવામાં આવતા હતા.
જે ખેલાડીઓને આવી ધમકી મળી હતી તેના નામ જાહેર કરવાનો પોલીસે ઇન્કાર કર્યો છે પરંતુ કહયું છે કે અંડરવલ્ડના લોકો ખેલાડીઓને આ કૌભાંડમાં સામેલ કરવા માટે સતત પ્રયત્નો કરતા હોય છે. દિલ્લી પોલીસના એક અધિકારીએ કહયું કે જો કોઇ ખેલાડી પૈસા લેવાનો ઇન્કાર કરે તો તેને દાઉદ ઇબ્રાઇમ અને ટાઇગર મેમણના નામે તેને ધમકાવામાં આવતા હતા.
પોલીસે એમ પણ કહયુ કે ડિ કંપ્નીના માણસો ખેલાડીઓ અણછાજતો વ્યવહાર કરતા હતા. અંડરવર્લ્ડ રાજસ્થાન રોયલના બોલર્સ અજીત ચંદીલા ઉપર નારાજ હતું. કારણ કે ચંદેલાએ ફિકસ કરેલી ઓવરમાં સીગ્નલ ન આપ્યુ હતું. બુકી સાથે વાતચીત દરમીયાન અંડરવર્લ્ડના ગુડાએ ચંદીલા માટે અત્યંત ખરાબ ભાષા વાપરી હતી.
દિલ્લી પોલીસે આંતરેલા ફોનમાં આ વાતચીત જાણવા મળી હતી એક ગુડો બુકીને કહેતો હતો કે નક્કી થયા પ્રણાણે ચંદીલાએ કરવું જોઇએ નહીંતર પરીણામ ભોગવા માટે તૈયાર રહેવું જોઇએ (ગાળ) સાલા.... કામ કેમ ન કરે....પૈસા લીધા છે... આ વાતચીતના આધારે પોલીસ એવા તારણ પર આવી છે કે ખેલાડીઓને ડી.કંપ્ની તરફથી ધમકી મળતી હતી.