ચીને ફરી એકવાર સાબિત કરી દીધું કે ટેકનિક અને તેજીના ક્ષેત્રમાં તેની બરાબરી કોઈ કરી શકતું નથી. દુનિયાભરના સુપર કોમ્પ્યુટરને ધ્યાને લઈને કરાયેલા સર્વેમાં સામે આવ્યું છે કે, ચીનનું તિઆન્હે-2 દુનિયાનું સૌથી ફાસ્ટ સુપર કોમ્પ્યુટર છે. અત્યાર સુધી અમેરિકાનું ટાઈટન સુપર કોમ્પ્યુટર સૌથી ઝડપી હતું પરંતુ હવે તેની જગ્યા તિઆન્હે-2એ લઈ લીધી છે. ટાઈટનની ગતિ 17.59 પેટાફલોપ પ્રતિ સેક્ધડ હતી પરંતુ તિઆન્હે-2ની ઝડપ તેનાથી બેગણી વધુ છે. તિઆન્હે-2ની ગતિ 33.86 પેટાફલોપ પ્રતિ સેક્ધડની છે.
અહીં ઉલ્લેખનીય છે કે 2010માં તિઆરન્હે-1 દુનિયાનું સૌથી તેજ સુપર કોમ્પ્યુટર હતું પરંતુ ગયા વર્ષે જ અમેરિકાનાં ટાઈટનએ તિઆન્હે-1 પાસેથી સુપર કોમ્પ્યુટરનો ખિતાબ છીનીવી લીધો હતો.
હવે તિઆન્હે-2એ અમેરિકાના ટાઈટનને માત આપી, વિશ્ર્વનું સૌથી સુપર કોમ્પ્યુટર બન્યું છે. ચીનની નેશનલ યુનિવર્સિટી ઓફ ડિફેન્સ ટેકનોલોજી દ્વારા તૈયાર કરાયેલા આ સુપર કોમ્પ્યુટર એક સેક્ધડમાં એક હજાર ખરબ ગણતરી કરવામાં સક્ષમ છે. આના ગણા પાર્ટસ ચીનમાં બન્યા ચે પરંતુ મુખ્ય પ્રક્રિયા અમેરિકી ફર્મ ઈન્ટેલે બનાવી છે.