જામનગરના માણેક સેન્ટરમાં આવેલ કોર્પેારેશન બેંકમાં એલઆઇસી ઓફ ઇન્ડીયાના ઇશ્યુ કરવામાં આવેલા બે ચેક જમા કરાવીને રૂા. ૧૬.૪૫ લાખની છેતરપીંડી કર્યાની મુંબઇ અને કલકત્તાની બેંકના બે કર્મચારી સામે ફરિયાદ નોંધાવવામાં આવી છે. અત્રે ઉલ્લેખનીય છે કે, તાજેતરમાં શહેરની પંજાબ નેશનલ બેંક સાથે ૩૮ લાખની છેતરપીંડીની ફરિયાદ નોંધાઇ હતી. જેમાં પોલીસે મુંબઇ, દિલ્હી અને પુણે સુધી તપાસ લંબાવીને આરોપીઓને ઝડપી લીધા હતાં. જયાં વધુ એક બેંક સાથે ચીટીંગ થયાનું બહાર આવતાં બેંક વર્તુળોમાં ચકચાર મચી છે.
જામનગરના માણેક સેન્ટરમાં આવેલી કોર્પેારેશન બેંકમાં ગત તા. ર૬–૭–૧૧ના સમયગાળા દરમ્યાન નગરશાખાના બે ચેક એલઆઇસી ઓફ ઇન્ડીયા દ્રારા ઇશ્યુ કરવામાં આવ્યા હતાં. આ બન્ને ચેકમાં નામ–સરનામા તથા એમાઉન્ટની વિગતોમાં આરોપી રજની રાજનએ ફેરફાર કરી પોતાના ખાતાના ચેક કોર્પેારેશન બેંકમાં કલીયરીંગમાં હોય તે રૂા. ૮.૨૫ લાખનો બોકસમાં નાખ્યો હતો. તથા આકાશ નામના શખ્સના ખાતાના ચેક કોર્પેારેશન બેેંકમાં કલીયરીંગમાં આવ્યો હોય, આમ ઉપરોકત ખાતામાં પૈસા જમા કરાવીને ઉપાડી લીધા હતાં.
એલઆઇસી ઓફ ઇન્ડીયા, મુજફરનગર શાખાથી કોર્પેારેશન બેંક સાથે છેતરપીંડી કરી બનાવટી ચેકનો ખરા તરીકે ઉપયોગ કરીને કાવતરૂ પાર પાડવામાં આવ્યું હતું. આથી કોર્પેારેશન બેંકના ચિફ મેનેજર ડોજીરવિશંકર દ્રારા આ અંગે મીસ રજનીરાજન, માધવ સેકટર–૧૮ એસએસ–૩૮૩૮ કોપર ખેર વિજયાબંેક કોપરખેર શાખા નવી મુંબઇ તથા મિ. આકાશ વિજય સાવ યુનિયન બેંક ઓફ ઇન્ડીયા સાદેપુર કલકત્તા વિરૂધ્ધ સીટી બી ડીવીઝનમાં આઇપીસી કલમ ૪૦૬, ૪૨૦, ૪૬૫, ૪૬૭, ૪૬૮, ૪૭૧, ૧૨૦ બી મુજબ ફરિયાદ નોંધાવી છે.