જામનગરના સોઢાવાડીમાં પીજીવીસીએલની ટુકડીની ફરજમાં રૂકાવટ કર્યાની મુસ્લિમ પરિવાર સામે પોલીસ ફરિયાદ નોંધાવવામાં આવી છે. ગઇકાલે ટુકડી પોતાની ચેકીંગ કાર્યવાહીમાં હતી ત્યારે આરોપીઓએ ટુકડીના સભ્યો તથા સાથે રહેલી પોલીસ પાર્ટીને ફળીયામાં પૂરી દીધા હતાં.
જામનગરના સોઢાવાડી વિસ્તારમાં પીજીવીસીએલની ટુકડી પોલીસ પાર્ટી સાથે વિજ ચેકીંગની કાર્યવાહી અર્થે ગયા હતાં. દરમ્યાનમાં આરોપીઓએ ગેરકાયદે મંડળી રચી ટુકડીને ઘરના ફળીયામાં પૂરી દઇને આગડીયો વાસી દઇ કાયદેસરની ફરજમાં રૂકાવટ કરી હતી. આ અંગે ગોકુલનગર વિસ્તારમાં રહેતા જમન રણછોડભાઇ પરમારએ હનીફ નુરમામદ તેનો પુત્ર અને ઘરની ચાર મહિલાઓ સામે પોલીસ ફરિયાદ નોંધાવી છે.