તાલાલાથી દોઢ કિ.મી.દુર સુરવા અને હડમતીયા રોડ ઉપર હડમતીયાગીર ગામ પાસે હડમતીયાથી શેરડી ભરી સુરવાગીર જતું ટ્રેકટર સાથે પાછળ આવી રહેલ મોટર સાયકલ અથડાતા મોટર સાયકલ ઉપર આવી રહેલ વાણદં હિતેષ દિનેશભાઇ લીંબાણી (ઉ.વ.૧૮ રે.આંકોલવાડી ગીર)નું ઘટના સ્થળે મૃત્યુ થયુ હતું. લુહાર યુ વાન રોહીત મુકેશભાઇ ડોડીયા (ઉ.વ.૧૭ રહે.આંકોલવાડી ગીર)ને ઇજા સાથે તાલાલા હોસ્પિટલે ખસેડાયો હતો. લુહાર યુવાનને ફેકચર સહિતની ઇજા હોય ફરજ પરના તબીબ ડો.આશીષ માંકડીયાએ પ્રાથમીક સારવાર આપી વધુ સારવાર માટે યુવાનને વેરાવળ રીફર કર્યેા છે.
આંકોલવાડી ગીર ગામના બન્ને મિત્રો હડમતીયાગીર ગામેથી મોટર સાયકલ ઉપર આવી રહયા હતા ત્યારે ટ્રેકટરને ઓવરટેક કરવા જતા અકસ્માત થયો હોવાનુ પોલીસની પ્રાથમીક તપાસમાં બહાર આવ્યુ છે. આ બનાવની જાણ થતાં આંકોલવાડી ઓ.પી.જમાદાર હરીયાણી બાપુ બનાવના સ્થળે પહોંચી અકસ્માતમાં મૃત્યુ પામેલ વાણદં યુવાનની લાશનું પંચનામુ કરી તાલાલા હોસ્પિટલે પી.એમ. માટે મોકલી આ અકસ્માત અંગે વધુ તપાસ હાથ ધરી છે.