રાજકોટ મ્યુનિસિપલ કોર્પોરેશન અને ડા વિસ્તારમાં 25 ટકા એફએસઆઇ વધારો આપવામાં આવ્યો છે પરંતુ જીડીસીઆરના અમુક નિયમોને લીધે આ વધારાનો લાભ અમુક મીટરના રોડ પર મળે છે અને અમુક મીટરથી ઓછી પહોળાઇના રોડ પર એફએસઆઇ વધારાનો લાભ મળતો ન હોય આ પ્રકારની વિસંગતતા દૂર કરવા તાજેતરમાં ક્ધસલ્ટીંગ સિવિલ એન્જિનિયર્સ એસોસિએશનના પ્રતિનિધિ મંડળ દ્વારા મેયરને લેખિતમાં રજૂઆત કરવામાં આવી હોવાનું જાણવા મળે છે.
વધુમાં મહાપાલિકાના સૂત્રોમાંથી જાણવા મળતી વિગતો મુજબ ક્ધસલ્ટીંગ સિવિલ એન્જિનિયર્સ એસોસિએશનના પ્રતિનિધિ મંડળ દ્વારા મેયરને બમાં આવેદનપત્ર પાઠવી એવા મતલબની રજૂઆત કરવામાં આવી હતી કે રાજકોટ અને ડા વિસ્તારમાં એફએસઆઇ વધારો આપવામાં આવ્યો તે બાબત આવકાર્ય છે પરંતુ આ એફએસઆઇ વધારા અંતર્ગત અમુક વિસંગતતાઓ છે જેમાં રાજકોટના ઈત્તર એરીયા (ન્યુ રાજકોટ વિસ્તાર)માં 9 મીટરના ટીપી રોડ પર ગ્રાઉન્ડ ફલોર + પાંચ માળની મંજૂર આપવામાં આવતી નથી.
ખરેખર એફએસઆઇ વધારો 9 મીટરના રોડ પર પણ આપવો જોઇએ તેવી માગણી કરવામાં આવી હતી.
વધુમાં એન્જિનિયર્સએ રજૂઆત કરતાં જણાવ્યું હતું કે, એફએસઆઇ વધારો લાગુ થતાં લોરાઇઝમાં 1.5ની એફએસઆઇ અપાતી હતી જે વધીને 1.875 થઇ છે. ગ્રાઉન્ડ ફલોરમાં પાર્કિંગ હોય તો ઉપર પાંચ માળ બનાવવાની મંજૂરી આપવી જોઇએ પરંતુ હાલમાં આ પ્રકારની મંજૂરી ફકત 12 મીટરના ટીપી રોડ પર આપવામાં આવે છે ખરેખર તે 9 મીટરના ટીપી રોડ પર પણ આપવામાં આવે તો એફએસઆઇ વધારાનો લાભ સાર્વત્રિક રીતે મળી શકે.