રાજકોટ : રાજકોટ મ્યુનિસિપલ કોર્પેારેશનમાં સોલિડ વેસ્ટ મેનેજમેન્ટ શાખામાં ફરજ બજાવતાં અને લાંબો સમય સુધી ગેરહાજર રહેનાર સફાઇ કામદારોનું લિસ્ટ તૈયાર કરવામાં આવ્યું છે. દરમિયાન લાંબો સમય સુધી ગેરહાજર રહેનાર બે સફાઇ કામદારોને ફરજમાંથી બરતરફ કરવા મ્યુનિસિપલ કમિશનર અજય ભાદૂએ હુકમ કર્યાનું જાણવા મળે છે.
વધુમાં મહાપાલિકાના સૂત્રોમાંથી જાણવા મળતી વિગતો મુજબ, વોર્ડ નં.૮–બમાં ફરજ બજાવતાં પાર્ટટાઇમ સફાઇ કામદાર અશોક ભીખાભાઇ લઢેર અને વોર્ડ નં.૮–એમાં ફિકસ પે પર ફરજ બજાવતાં જીતુભાઇ લમણભાઇ સહિતના બે સફાઇ કામદારોને ફરજમાંથી બરતરફ કરવા હુકમ કરાયો છે.