કુવાડવા રોડ પર આવેલ રિધ્ધિ-સિધ્ધિ સોસાયટીમાં ચાલીને જતી ભગીરથ સોસાયટીની મહિલાના ગળામાં ઝોટમારી ચેઈનની ચીલઝડપ કરી પલ્સર બાઈક પર બે શખસો ફરાર થઈ જતાં બી ડિવિઝન પોલીસ ચોપડે નોંધાવા પામ્યુ છે.
આ અંગેની વિગતો મુજબ માર્કેટિંગ યાર્ડ પાસે આવેલ ભગીરથ સોસાયટીમાં રહેતી સવિતાબેન પુનાભાઈ ભલગામડીયા (ઉ.વ.45) નામની મહિલા આજે બપોરે કુવાડવા રોડ પર આવેલ રિધ્ધિ-સિધ્ધિ સોસાયટી શેરી નં.1 પાસેથી પસાર થતી હતી ત્યારે પાછળથી પલ્સર બાઈકમાં આવેલ બે અજાણ્યા શખસોએ ગળામાં ઝોટમારી પહેરેલ ચેઈન ચીલઝડપ કરી નાસી જતાં મહિલાએ બુમાબુમ કરી હતી. બનાવના પગલે બી ડિવિઝન પોલીસ મથકે જાણ કરવામાં આવતાં પીએસઆઈ એન.એસ.મલેક અને રાઈટર હિતેન્દ્રસિંહ ઘટના સ્થળે દોડી જઈ પ્રાથમિક તપાસ હાથ ધરી છે.