રાજકોટના રૈયારોડ પર વિધુતનગરમાં રહેતો વિપ્ર પરિવાર જસદણ ગામે સંબંધીના લ પ્રસંગમાં હાજરી આપવા જતા હતા ત્યારે આજીડેમ પાસે ગોલાઈમાં સામેથી આવતી અલ્ટો કાર અને વિપ્ર પરિવારની હોન્ડા સીટી કાર સાથે ધડાકાભેર અથડાતા હોન્ડા સીટી કારના ચાલક વિપ્ર યુવાન અને તેના પત્ની તથા માતાને ઈજા થઈ હતી. જયારે સામે અલ્ટો કારમાં પટેલ યુવાન અને તેની પત્ની અને પુત્રીને ઈજા થતા તમામને ખાનગી હોસ્પિટલમાં ખસેડવામાં આવ્યા છે.
બનાવની વિગત મુજબ રાજકોટમાં રૈયારોડ પર વિધુતનગરમાં રહેતા અમીતભાઈ વલ્લભભાઈ બોરીસાગર ઉ.વ.૩૨ તથા તેની પત્ની દીીબેન અને માતા કાંતાબેન સહિતનો વિપ્ર પરિવાર ગઈકાલે રાત્રીના જસદણ લ પ્રસંગમાં હાજરી આપવા હોન્ડા સીટી કાર નં.જીજે૧૦ ૬૬૬૫ લઈ જતા હતા ત્યારે આજીડેમ પાસે ગોળાઈમાં સામેથી આવતી નંબર વગરની નવી અલ્ટો કાર ધડાકાભેર અથડાતા અલ્ટો કારના ચાલક સંદીપભાઈ પોકળ અને તેની પત્ની સુનીતાબેન તથા પુત્રી ઈશાને ઈજા થઈ હતી. જયારે હોન્ડા સીટી કારમાં બેઠેલા વિપ્ર પરિવારના અમીતભાઈ, તેની પત્ની અને તેની માતા સહિતના લોકોને ઈજા પહોંચતા ઘવાયેલા તમામ લોકોને ખાનગી હોસ્પિટલમાં ખસેડવામાં આવ્યા છે. બનાવની જાણ થોરાળા પોલીસને કરતા એએસઆઈ એ.કે.ગોસ્વામી તથા રાઈટર સંજય દાફડા ખાનગી હોસ્પિટલે દોડી જઈ પ્રાથમીક તપાસ હાથ ધરી છે.