મોરબી–વાંકાનેર નેશનલ હાઈવે પર રફાળેશ્ર્વર નજીક ડીવાઈડર ઓળંગી રહેલા મોટરસાયકલને અજાણ્યા વાહને હડફેટે લેતા વાંકાનેરના કોળી વૃધ્ધનું ઘટનાસ્થળે કમકમાટીભયુ મોત નિપજયું હતું.
મોરબી હાઈવે પર આવેલ રફાળેશ્ર્વર ગામ પાસે આવેલ દરીયાલાલ રીસોર્ટની નજીક રણજીતનગરમાં રહેતા ધીરૂભાઈ સોમાભાઈ બોડકીયા કોળી ઉ.વ.૫૦ તેઓ મોટરસાયકલ નં.જીજે૩એડી ૯૩૦૧ લઈને રોડ ક્રોસ કરી રહ્યા હતા. ત્યારે ડીવાઈડર ઓળંગતી વખતે અજાણ્યા વાહનના ચાલકે ધીરૂભાઈને હડફેટે લેતા વાહન સહિત ફંગોળાયા હતા. ગંભીર ઈજા થવાથી તેઓનું ઘટનાસ્થળે જ મોત નિપજયું હતંુ. અકસ્માત સર્જીને ભાગી છૂટેલા અજાણ્યા વાહન ચાલક વિરૂધ્ધ મૃતકના પુત્ર પ્રતાપભાઈએ મોરબી તાલુકા પોલીસમાં નોંધાવતા એએસઆઈ અંબાલાલ સોલંકી વધુ તપાસ ચલાવી રહ્યા છે.