૨૧મી સદીને વિજ્ઞાનની સદી કહેવામાં આવે છે તો પણ કેટલાક લોકો અંધશ્રધ્ધાના કારણે તત્રં મત્રં દોરા ધાગાના શરણે જાય છે. આવી જ એક ઘટના મોરબીમાં પણ બની હતી. જયાં એક વૃધ્ધ ભુવા દ્રારા તેની સગી સાળીને પુત્ર પ્રાીની ખાતરી આપી તેની સાથે શારીરીક છેડછાડ કરવામાં આવતી હતી. જેની ફરિયાદ એક સામાજીક સંસ્થાને કરવામાં આવતા તેના કાર્યકરો દ્રારા ભુવાના ધતીંગનો ભાંડો ફોડી તેને જાહેરમાં ફટકારવામાં આવ્યો હતો અને તેની પાસે માફી પત્ર પણ લખાવવામાં આવેલ ત્યારે સાથે રહેલી પોલીસ મુકપ્રેક્ષક બનીને તમાસો જોતી નજરે પડી હતી.
મોરબીના સામાકાંઠે રહેતા રમણીકલાલ પિત્રોડા નામના લુહાર વૃધ્ધ માતાજીના ભુવા હોવાનુંુ કહી પોતાની સગી સાળીને પુત્ર પ્રાીની ખાતરી આપી ધાર્મિક વિધિ કરવાના બહાને શારીરીક છેડછાડ કરતા હોવાની ફરિયાદ એક સંસ્થાને કરવામાં આવતા રાજકોટની સંસ્થા દ્રારા ડમી મહિલા ગ્રાહકને ભુવાના ઘરે મોકલવામાં આવી હતી અને ત્યાર બાદ સંસ્થાના કાર્યકરો દ્રારા પોલીસ રેડની જેમ ભુવાના ઘરમાં ઘુસી વૃધ્ધ ભુવાને ઝડપી લેવામાં આવ્યો હતો. ત્યાર બાદ ડમી મહિલા ગ્રાહકે વૃધ્ધ ભુવાની જાહેરમાં ધોલાઈ કરી નાખી હતી અને રમણીક પાસે ધતીંગ લીલા બધં કરવાનો માફીપત્ર લખાવવામાં આવ્યો હતો.