Whatsappએ બનાવી લીધો છે પ્લાન, હવે આ રીતે કરી શકશો અબજોની કમાણી

August 3, 2018 at 8:29 pm


વ્હોટ્સએપ દુનિયાની સૌથી મેસેજિંગ એપ છે, અને અબજો લોકો તેનો ઉપયોગ કરે છે. ફેસબુકે તેને થોડા સમય પહેલા જ 13,000 કરોડ રુપિયાથી પણ વધુની કિંમતમાં ખરીદી લીધી હતી. અત્યાર સુધી ફેસબુકે વ્હોટ્સએપ ખરીદીને કોઈ ખાસ કમાણી નથી કરી. પરંતુ લાંબો સમય સુધી ફ્રીમાં સર્વિસ આપ્યા બાદ હવે ફેસબુકે વ્હોટ્સએપમાંથી તગડી કમાણી કરવાનો પ્લાન બનાવી લીધો છે.

ડેટા શેરિંગ કાંડ સામે આવ્યા બાદ ફેસબુકને ખાસ્સું આર્થિક નુક્સાન ભોગવવાનું આવ્યું છે. કંપનીની આવક તેમજ નફાને મોટો ફટકો પડ્યો છે, અને શેરોમાં પણ જોરદાર ધોવાણ થયું છે. તેવામાં હવે પોતાની આવકને સરભર કરવા માટે ફેસબુક પાસે એક જ ઓપ્શન બચે છે, અને તે છે વ્હોટ્સએપ દ્વારા હવે આવક ઉભી કરવી.

હાલ તો પ્લાન કંઈક એવો છે કે યુઝર્સના સ્ટેટસ અપડેટ્સમાં એડ બતાવીને તેમજ કંપનીઓને કસ્ટમર્સને મેસેજ મોકલવા બદલ ચાર્જ વસૂલ કરીને કમાણી કરવામાં આવે. વ્હોટ્સએપ તેના માટે સાવ ક્ષુલ્લક ચાર્જથી શરુઆત કરવાનું વિચારી રહ્યું છે. જોકે, તેના યુઝરોની સંખ્યા કરોડોમાં હોવાથી આ સાવ સામાન્ય ચાર્જથી પણ તે અબજો રુપિયા કમાઈ શકે છે. વળી, જે-તે દેશ પ્રમાણે પણ એડનો ચાર્જ અલગ હોઈ શકે છે.

100 જેટલી કંપનીઓએ તો વ્હોટ્સએપના આ ફીચરનું ટેસ્ટિંગ શરુ પણ કરી દીધું છે, જેમાં સિંગાપોર એરલાઈન્સ અને ઉબરનો પણ સમાવેશ થાય છે. આ માહિતી ખુદ વ્હોટ્સએપે જ વોલ સ્ટ્રીટ જર્નલને આપી છે. ઉબરે ડ્રાઈવરોના સવાલના જવાબ આપવા માટે વ્હોટ્સએપમાં ટેસ્ટિંગ શરુ કર્યું છે. હાલ આ ટેસ્ટિંગ મેક્સિકો, ભારત અને બ્રાઝિલમાં ચાલી રહ્યું છે.

print

Comments

comments

VOTING POLL