એક એવું માતા વગરનું ગામ,જેમાં મા નોકરી કરવા જાય છે ને સંતાનોને પિતા સંભાળે છે….

May 15, 2019 at 5:22 pm


દુનિયાના દરેક લોકોને ‘મા’ વગરનું ઘર સૂનું લાગે છે. પૂર્વ ઇન્ડોનેશિયામાં એક ગામ એવું પણ છે, જ્યાં કોઈના ઘરમાં માતા નથી. આ ગામની દરેક માતાઓ તેમના પરિવારથી દૂર રહીને વિદેશમાં નોકરી કરવા માટે જાય છે. ઇન્ડોનેશિયાના લોકો આ ગામને ‘મા વગરનું ગામ’ કહે છે. માતા કમાણી માટે બહાર જતાં બાળકોને મોટા કરવાની જવાબદારી પિતાની હોય છે. તો અમુક જગ્યાએ પાડોશી પણ બાળકોને ઉછેર કરવાની જણાવદારી લઇ લે છે.

 

નાનકડાં ગામમાં નોકરીની કોઈ તક ન હોવાથી મોટા ભાગની મહિલાઓને વિદેશમાં નોકરી કરવા નાછુટકે જવું પડે છે. આ ગામની માતાઓનું મુખ્ય લક્ષ્ય પૈસા કમાઈને તેમના સંતાનોને સારી શિક્ષા અને યોગ્ય જીવન આપવાનું છે. ગામના મોટા ભાગના પુરુષો ખેતી કે મજૂરી કરીને ઘર ચલાવે છે, જ્યારે મહિલાઓ વિદેશમાં નોકર કે નેનીનું કામ કરે છે. પૂર્વ ઇન્ડોનેશિયાની મહિલાઓનો વિદેશ જઈને નોકરી કરવાનો સિલસિલો વર્ષ 1980થી ચાલુ છે.

 

વિદેશમાં નોકરી કરવું ઇન્ડોનેશિયાની સ્ત્રીઓ માટે સહેલું નથી. અનેક માલિકોના અત્યાચારો સામે તેઓ અડીખમ ઉભા રહે છે. ઘણી માતા પોતાના વતન કફનમાં લપેટાઈને આવે છે. તો બીજી મહિલાઓને મહેનતાણું આપ્યા વગર જ નોકરીમાંથી કાઢી મૂકે છે. ઘણી માતાને વિદેશમાં જબરદસ્તી કરેલા શારીરિક સંબંધનો સામનો પણ કરવો પડે છે, આ જ કારણે ગામના ઘણા બાળકોના ચહેરા તેમના માતા-પિતાથી અલગ છે.

Comments

comments

VOTING POLL