ભાજપના હિન્દુત્વ કાર્ડને ટક્કર આપવા કોંગ્રેસની યોજના: અધિવેશનમાં થશે ચર્ચા

March 14, 2018 at 11:38 am


અખિલ ભારતીય કોંગ્રેસ કમિટીના આ અઠવાડિયાના અંતમાં થનારા મહાઅધિવેશનમાં રાજકીય પ્રસ્તાવ રજુ કરવામાં આવશે. આ પ્રસ્તાવમાં પાર્ટી ભારતીય મૂલ્યોને મહત્વ આપી શકે છે. પાર્ટીના એક સૂત્રએ જણાવ્યું કે, આરએસએસ–બીજેપીની હિન્દુત્વની અને લોકોમાં ભાગલા પાડવાની વિચારધારાનો જવાબ આપવા માટે પાર્ટી ભારતીય મૂલ્યોની વિચારધારા રજુ કરશે.

આ પ્રસ્તાવમાં સમાજ વિચારધારા ધરાવતી પાર્ટીઓ સાથેના ગઠબંધનની ઈચ્છાનો સંકેત પણ આપવામાં આવશે અને સાથે સાથે પાર્ટીને દરેક રાયમાં મજબૂત બનાવવાના પ્રયાસો પર વાત કરવામાં આવશે, જેથી પાર્ટી નેશનલ લેવલ પર પોતાને ભાજપના વિકલ્પ તરીકે રજુ કરી શકે.
આર્થિક મુદ્દાઓને લગતા પ્રસ્તાવમાં કોંગ્રેસને ગરીબ સમર્થક પાર્ટી તરીકે રજુ કરવામાં આવશે. આ સાથે જ આર્થિક સુધારાઓ માટે પ્રતિબદ્ધતા દર્શાવવામાં આવશે અને તેને લોકોના લાભ તરીકે રજુ કરવામાં આવશે. કોંગ્રેસના સૂત્રએ જણાવ્યું કે, પાર્ટી મોદી સરકાર જેવા આર્થિક સુધારાઓને મહત્વ નહીં આપે, જેનો હેતુ માત્ર અમુક ધનિક લોકોની સંપત્તિ વધારવાનો છે અને ક્રોની કેપિટાલિઝમને પ્રોત્સાહન આપવાનો છે.
આ પ્રસ્તાવોના ડ્રાટ કોંગ્રેસ સ્ટીયરિંગ કમિટી સમક્ષ મંજૂરી માટે મુકવામાં આવશે, જેમાં જર લાગશે તો સુધારા પણ કરવામાં આવી શકે છે. ત્યારપછી આ પ્રસ્તાવોને મહાઅધિવેશનમાં મુકવામાં આવશે. અત્યારે દરેક રાયમાં ખેડૂત રાજનીતિના વધતા પ્રમાણને ધ્યાનમાં રાખીને કોંગ્રેસ ખેડૂતોના મુદ્દા પર એક અલગ પ્રસ્તાવ રજુ કરશે, જેમાં તે તેમના કલ્યાણના ઉપયા જણાવશે

.

ભારતીય મૂલ્યોને મહત્વ આપવાનો અર્થ છે કે કોંગ્રેસ પોતાને વૈવિધ્ય વાળા દેશમાં સહિષ્ણુ અને ઉદરવાદી તરીકે રજુ કરવા માંગે છે. આમ કરવું કોંગ્રેસ માટે જરી છે કારણણે ભાજપ પોતાને હિન્દુ સમર્થન પાર્ટી અને કોંગ્રેસને લઘુમતી સમર્થક પાર્ટી તરીકે રજુ કરવાનો પ્રયત્ન કરતો રહે છે. કોંગ્રેસ પોતાની આ ઈમેજ બદલવાનો પ્રયત્ન કરશે.
કોંગ્રેસના એક સીનિયર નેતાએ કહ્યું કે, અખિલ ભારતીય કોંગ્રેસ કમિટીના આ સેશનમાં આ વાતનો સ્વીકાર કરવાનો રહેશે કે કોંગ્રેસ હવે એક વિપક્ષ પાર્ટી છે, એક ચેલેન્જર છે અને એક સમયે સત્તામાં રહ્યા હોવાના હેંગઓવરમાંથી બહાર આવવાનું રહેશે

Comments

comments

VOTING POLL