સુપ્રીમ કોર્ટના પાંચેય જજે કેવી રીતે તૈયાર કર્યો ચુકાદોઃ રસપ્રદ વિગતો

November 11, 2019 at 10:53 am


અયોધ્યા મામલે સુપ્રીમ કોર્ટે શનિવારે પોતાનો ઐતિહાસિક ચુકાદો આપ્યો પરંતુ આ ચુકદો આપતા પહેલા સુપ્રીમ કોર્ટના પાંચેય જજની બેન્ચે દેશના દરેક ખુણાની સુરક્ષા અને કાયદો વ્યવસ્થા અંગે ખાસ ચર્ચા કરી હતી. આ માટે તેમણે સંબંધિત રાજ્યના પોલીસ વડાથી લઈને કેિન્દ્રય ગૃહ સચિવ, પોલીસ, ઇન્ટેલિજન્સ બ્યુરોના વડા સહિતના તમામને બોલાવીને વિગતવાર માહિતી મેળવી હતી. કેિન્દ્રય ગૃહ વિભાગે કોર્ટને આશ્વાસન આપ્યું હતું કે જો આ ચુકાદાથી દેશમાં ક્યાંય પણ તોફાન ફાટéા તો તેને કાબૂમાં લેવા માટે સરકાર અને તંત્ર એકદમ તૈયાર છે. જે બાદ કોર્ટે સરપ્રાઇઝ એલિમેન્ટ સાથે ચુકાદો સંભળાવવાની તારીખ આપી દીધી.
ચીફ જસ્ટિસ આેફ ઇન્ડિયા રંજન ગોગોઈ, નેક્સ્ટ ઈન લાઇન ચીફ જસ્ટિસ એસ.એ. બોબડે, જસ્ટિસ ડી.વાય. ચંદ્રચુડ, જસ્ટિસ અશોખ ભૂષણ અને જસ્ટિસ એસ. અબ્દુલ નજીરે કેિન્દ્રય ગૃહ સચિવ એ.કે. ભલ્લા અને ઇન્ટેલિજન્સ બ્યુરોના ચીફ અરવિંદ કુમારને ગુરુવારે પોતાની પાસે પોલાવીને સમગ્ર દેશની સુરક્ષા વ્યવસ્થા અંગે જાણકારી મેળવી હતી. જજોને આશંકા હતી કે ચુકાદા બાદ ક્યાંક દેશમાં સાંપ્રદાયિક દંગા ફાટી ન નિકળે. જોકે ગ્રાઉન્ડ રિપોર્ટમાં બંને તરફના સમાજ શાંતિ ઇચ્છતા હોવાનું અધિકારીઆેએ કોર્ટને જણાવ્યું હતું.
સૌથી મહત્વની વાત તો એ છે કે આ ચુકાદો સર્વસમ્મતિથી આપવામાં આવ્યો છે. આ માટે કેસની સુનાવણીના પહેલા દિવસથી જ તમામ જજ સંકલન સાધીને આગળ વધતા હતા. અહેવાલ મુજબ 16 આેક્ટોબરે સુનાવણી પત્યા બાદ 3 નવેમ્બરે જ ચુકાદાનો પહેલો ડ્રાãટ તૈયાર થઈ ગયો હતો. જેને બીજા દિવસે તમામ જજને સાેંપવામાં આવ્યો. જે બાદ તમામ જજોએ આ ડ્રાãટ પર પોતાના વિચાર અને સૂચનો રજૂ કર્યા. જે મુજબ ડ્રાãટમાં ફેરફાર કરાયા બાદ બુધવારે અંતિમ ડ્રાãટ માટે મંજૂરી આપી દેવામાં આવી હતી. જેથી ગુરુવારે ચુકાદાની ફાઇનલ કોપી તૈયાર કરી દેવામાં આવી હતી.
જોકે આ બધા માટે કેસની સુનાવણી કરી રહેલા પાંચેય જજે સુનાવણીના પહેલા દિવસ એટલે કે 6 આેગસ્ટથી જ ચુકાદા પર કામ કરવાનું શરું કરી દીધું હતું. જ્યારથી સુનાવણી શરુ થઈ ત્યારથી જ તમામ જજ પોતપોતાની નોટ્સ રોજ તૈયાર કરતા હતા. જજોએ આ મામલે અલ્હાબાદ કોર્ટ દ્વારા આપવામાં આવેલ 4000 પાનાના ચુકાદાનો પણ ખૂબ જ ઝીણવટપૂર્વક અભ્યાસ કર્યો હતો. પાંચેય જજ દરરોજ સુનાવણીના અડધો કલાક પહેલા અને અડધો કલાક પછી ચીફ જસ્ટિસ આેફ ઇન્ડિયાની ચેમ્બરમાં મળતા હતા અને ત્યાં સુનાવણી દરમિયાન મહત્વપૂર્ણ ટિપ્પણીઆે, સાક્ષી-પુરાવા અને પોતાની નોટ્સ આદાન પ્રદાન કરતા હતા.
6 આેગસ્ટથી શરુ થયેલી આ મેરેથોન સુનાવણી 16 આેક્ટોબરના દિવસે પૂરી થઈ ત્યાં સુધીમાં જજોએ તમામ આધાર-પૂરાવાને ધ્યાને રાખીને 20000 પાનાની નોટ્સ લખી લીધી હતી. જજોએ આ નોટ્સ 135 ભાગ પાડીને કોર્ટમાં જમા કરાવી હતી. પ્રત્યેક ખંડમાં 15-50 પેજ હતા. આ માટે જજોના રહેણાંક ખાતે પણ તેમની આેફિસમાં સ્ટાફ છેલ્લા કેટલાય મહિનાથી મોડી મોડી રાત સુધી જાગીને નોટ્સ તૈયાર કરતો હતો.
સુપ્રીમ કોર્ટના એક ઉચ્ચ અધિકારીએ જણાવ્યું કે, જજ માટે આ ખૂબ જ અઘરું કામ હતું કે આગામી 23 દિવસોમાં તેઆે 25000 પેજની નોટ્સને વાંચે અને તેના આધારે ચુકાદો સંભળાવે. કેમ કે આ કેસ ભારતના ઇતિહાસનો અત્યાર સુધીનો સૌથી સંવેદનશિલ કેસ હતો.

Comments

comments