દુલ્હનની અજીબોગરીબ માંગથી જાનૈયાઓ પણ ચોંક્યા !

July 20, 2019 at 11:04 am


સામાન્યરીતે ભારતમાં છોકરાવાળા લગ્નમાં દહેજ માંગતા હોઈ છે. પરંતુ મલેશિયા અને થાઈલેન્ડમાં ભારતથી તદન વિરુદ્ધ છે. મલેશિયા અને થાઈલેન્ડમાં છોકરીવાળા નહીં પરંતુ છોકરાવાળા લગ્નમાં દહેજ આપે છે. આ ઉપરાંત પણ કેટલાંક એશિયન દેશો છે જ્યાં છોકરીવાળા નહીં પરંતુ છોકરાવાળા દહેજ આપે છે. સામાન્યરીતે દહેજની વાત આવે એટલે આપણા મગજમાં ગાડી, બંગલા, સોનું, રોકડ રકમ વગેરેના જ વિચાર આવે. પરંતુ મલેશિયામાં દુલ્હને દહેજમાં એવી માંગ કરી કે જાનૈયાઓ પણ વિચારમાં પડી ગયા. દુલ્હનને ચીકન ખુબ જ પસંદ છે જેથી દુલ્હને જાનૈયાઓ પાસેથી દહેજમાં KFC (Kentucky Fried Chicken) ની માંગ કરી. દુલ્હનની માંગ પૂરી કરવા વરરાજા તેણી માટે ચીકન લઈને પણ આવ્યા. ત્યારે દુલ્હને તેમના આ ચીકનની યાદગાર તસ્વીર પણ પોતાના ટ્વિટર એકાઉન્ટ પર શેર કરી હતી. જેના પર અત્યારસુધીમાં અંદાજે ૧૧ હજારથી પણ વધુ ટ્વીટ મળી ચુક્યા છે. દુલ્હને સાથે એમ પણ જણાવ્યું હતું કે આ પહેલા તેના મંગેતરને ખબર નહોતી કે તેને દહેજમાં શું મોકલવું. ‘મને ચિકન ખૂબ જ ગમે છે, તેથી મેં વિચાર્યું કે કેએફસીનું ચિકન મંગાવવું જોઇએ, મે મારા મંગેતરને આદેશ આપ્યો એટલે મારા માટે ચિકન મંગાવ્યું’ આયુએ સાથે આગળ એ પણ જણાવ્યું હતું કે ચિકનની વાત સાંભળીને તે ખૂબ જ નર્વસ થઇ ગયા કે લગ્ન વચ્ચે આખરે ચિકન કોણ લેવા જશે ? પરંતુ ત્યારે દુલ્હને એમ પણ કહ્યું હતું કે ચીકન માંગવું શક્ય ન હોઈ તો તે બીજી કોઈ પણ વસ્તુ દહેજમાં આપી શકે છે. પરતું સાથે દુલ્હને વેદના વ્યક્ત કરતા એ પણ જણાવ્યું હતું કે, ચીકન મને ખુબ જ પસંદ છે પણ અફસોસ લગ્ન પૂર્ણ થયા એટલામાં મારું ચીકન પણ ઠરી ગયું.

VOTING POLL

નદીમાં બની તરતી હોટેલ, હોટેલમાં રોકાવા લોકો ઉત્સુક…

July 19, 2019 at 11:21 am


લોકોને આજકાલ લકઝરીયસ હોટેલ્સમાં રહેવું વધુ પસંદ પડે છે. ત્યારે આપણે ઘણી અવનવી સુંદર હોટેલ્સ જોઈ હશે. પરંતુ આગામી સમયમાં એક એવી હોટેલ બની રહી છે જેની તમે કલ્પના પણ નહીં કરી હોય. સ્વીડનનાં લેપલેન્ડ ક્ષેત્રમાં નદી પર હોટેલ બની રહી છે. જે નદી પર હોટેલ બની રહી છે તેનું નામ લ્યુલ નદી છે. સ્વીડનનાં લેપલેન્ડ ક્ષેત્રમાં હોટલ અને સ્પા ધ આર્કટિક બાથ તૈયાર કરવામાં આવી રહ્યુ છે. લ્યૂલ નદી પર બની રહેલી આ હોટલમાં રહેવા માટે લોકો અત્યારથી જ ઉત્સુક છે. લોકોમાં હોટલમાં રોકાવા માટેનો ક્રેઝ એટલી હદ સુધી છેકે, વર્ષ ૨૦૨૦ અને ૨૦૨૧ માટે અત્યારથી જ બુકિંગ શરૂ થઈ ગયુ છે. લ્યૂલ નદી પર બની રહેલી આ હોટલ અને સ્પા ધ આર્કટિક બાથમાં રોકાવા માટે એક દિવસનું ભાડુ લગભગ ૮૧૫ પાઉન્ડ હશે. ભારતીય રૂપિયામાં આ હોટલનું એક દિવસનું ભાડું ૭૫૦૦૦ રૂપિયા હશે. આ હોટેલની ખાસિયત એ છે કે, ગરમીના દિવસોમાં આ હોટેલમાં લોકોને ખુબ જ રાહત મળી રહેશે. જયારે ઠંડીની સિઝનમાં લ્યૂલ નદી જામી જાય છે જેને લઈને શિયાળામાં પણ લોકોને અહીંયા સુંદર નજરો જોવા મળશે. તો સાથે આ હોટેલમાં બનાવેલું સ્પા સેન્ટર વેલનેસ થીમ પર આધારિત છે. તો સાથે હોટેલના ગ્રાહકોને ન્યૂટ્રિશન, કસરત અને મનની શાંતિ માટે પણ વિશેષ થેરેપી આપવામાં આવશે.

VOTING POLL

લ્યો બોલો ! ૨૦ રૂપિયાની ચોરીનો કેસ ચાલ્યો ૪૧ વર્ષ….

July 18, 2019 at 10:58 am


ભારતવાસીઓને ખબર જ છે કે ભારતના કોર્ટના ચુકાદાને આવતા કેટલી વાર લાગે છે. મોટામાં મોટા કેસના ચુકાદા આવવામાં પણ વર્ષો વીતી જાય છે પરંતુ મધ્યપ્રદેશમાં ચોરીના કેસની એક વિચિત્ર ઘટના પ્રકાશમાં આવી છે. મધ્ય પ્રદેશના ગ્વાલિયરમાં ૧૯૭૮માં ૨૦ રૂપિયાની ચોરીનો બનાવ બન્યો હતો. જે ચોરીનો કેસ ૪૧ વર્ષ સુધી ચાલ્યો અને આખરે લોક અદાલતની પહેલથી પૂરો થયો. ચોરીના આરોપમાં આરોપીને ચાર મહિના જેલમાં વિતાવવા પડ્યા હતા. માધોગંજમાં બાબૂલાલ બસની ટિકિટ લેવા લાઇનમાં ઊભા હતા. આ દરમિયાન ઇસ્માઇલ ખાને તેમના ખીસ્સ્માંથી ૨૦ રૂપિયા કાઢી લીધા હતા. ત્યારબાદ બાબૂલાલે તેની સામે ફરિયાદ પોલીસ સ્ટેશનમાં નોંધાવી હતી. પોલીસ તપાસ બાદ મામલો એટલો આગળ પહોંચ્યો કે ચોર પર ૨૦ રૂપિયાની ચોરીનો કેસ કોર્ટમાં ચાલતો જ રહ્યો. આ દરમિયાન ઇસ્માઇલ ખાને કંટાળીને કોર્ટમાં હાજરી આપવાની બંધ કરી દીધી. ૨૦૦૪માં કોર્ટે તેની વિરૂદ્ધ અરેસ્ટ વૉરન્ટ બહાર પાડ્યો.

અને ત્યાર પછી વર્ષ બાદ, તાજેતરમાં જ ચાર મહિના પહેલાં પોલીસે ઇસ્માઇલની ફરી ધરપકડ કરી જેલમાં પૂરી દીધો હતો અને ચાર મહિના જેલમાં રહ્યા બાદ જ્યારે તે પાછો આવ્યો ત્યારે ફરી રાષ્ટ્રીય લોક અદાલતમાં પહોંચ્યો. ત્યાં ન્યાયિક મજિસ્ટેટ અનિલ કુમાર નામદેવે બાબૂલાલને કહ્યું, આ કેસ ૪૧ વર્ષ જૂનો છે. આ કેસના મામલે આરોપી ચાર મહિના જેલમાં પણ રહી ચૂક્યો છે. આ જોતાં હવે કેસને આગળ ચલાવવાનો અર્થ નથી. ત્યારે ફરિયાદી બાબૂલાલે અંતે કહ્યું, સાહેબ હું આરોપીને નથી ઓળખતો, હવે કેસ પૂરો કરી દો. ત્યારે ૪૧ વર્ષ આ જૂના અને વિચિત્ર કેસનો અંત આવ્યો.

VOTING POLL

વાળંદે પૂછ્યા વિના મૂછ કાપી નાખી: મામલો પોલીસમાં પહોંચ્યો!

at 10:57 am


અહીં બનેલી વિચિત્ર ઘટનામાં અહીં રહેતો 35 વર્ષનો સ્થાનિક યુવાન રહેવાસી પૂછ્યા વગર વાળંદે તેની મૂછ કાપી નાખી એને પગલે ગુસ્સે થઈને ફરિયાદ કરવા પોલીસમાં પહોંચી ગયો હતો. કિરણ ઠાકુર નામના આ યુવાને દાવો કર્યો હતો કે સુનીલ લક્ષણે નામના વાળંદે તેની મંજૂરી વિના તેની મૂછ કાપી નાખી એને પગલે તે ગુસ્સે થયો હતો, પરંતુ લક્ષણેએ તેને ધમકી આપી હતી.

ઠાકુરે પોલીસને જણાવ્યું હતું કે તે ક્ધહાન વિસ્તારના ફ્રેન્ડ્સ જેન્ટ્સ પાર્લર સલૂનમાં વાળ કપાવવા તેમ જ દાઢી કરાવવા ગયો હતો ત્યારે વાળંદે તેને પૂછ્યા વગર તેની મૂછ કાપી નાખી હતી. ગુસ્સે થયેલા ઠાકુરે ઘરે પાછા આવ્યા બાદ લક્ષણેને ફોન કર્યો ત્યારે કહેવાય છે કે લક્ષણેએ તેની સાથે ધમકીભરી ભાષામાં વાત કરી હતી, એવું પોલીસ ફરિયાદમાં જણાવાયું હતું.

પોલીસે ઇન્ડિયન પીનલ કોડ (આઇપીસી)ની કલમ 507 (ફોજદારી ઉશ્કેરણી) હેઠળ બિન-દખલપાત્ર ગુનો (એનસી) નોંધ્યો હોવાનું એક અધિકારીએ જણાવ્યું હતું.
આ સલૂન ખાતે એક ગ્રાહકે કહ્યું હતું કે ભારતીય હવાઈ દળના બહાદુર વિંગ કમાન્ડર અભિનંદન વર્ધમાનની વળવાળી મૂછને રાષ્ટ્રીય મૂછ તરીકે જાહેર કરવાની માગણી લોકસભામાં થઈ ચૂકી હોવાની જાણ કદાચ આ વાળંદને નહીં હોય. આ ગ્રાહકનું આવું કહેવા પાછળનું તાત્પર્ય એ હતું કે મૂછનું કેટલું મહત્ત્વ છે એનો પુરાવો લોકસભામાંની માગણી પરથી મળી શકે છે.

VOTING POLL

આ છે દુનિયાની એવી જગ્યા જ્યાં જવાથી થાય છે મોત…..

July 17, 2019 at 10:52 am


દુનિયા જેટલી ખુબસુરત છે એટલી જ ખતરનાક પણ છે. દુનિયામાં કેટલીક એવી જગ્યા છે જે ખતરાથી ભરેલી છે. જાપાનમાં આવેલી ખૂની પોખર, જે સૌથી પ્રસિદ્ધ જગ્યામાંની એક છે. આ પોખરમાં તળવા પર પાબંદી છે. કારણકે તેનું તાપમાન ૧૯૪ ડિગ્રી ફેરનહિટ એટલે કે ૯૦ ડિગ્રી સેલ્સિયસ રહે છે. જોકે આ પોખરમાં લોખંડ અને મીઠાની માત્રા વધુ હોય છે અને તેનું પાણી લોહી જેવું લાલ હોય છે. તેને જોઈને એવું લાગે કે જાણે આ કોઈ નરકનો દ્વાર હોય.
મ્યાનમારની પાસે સ્થિત રામ્રી દ્વિપ, જ્યાં ખારા પાણીના સરોવર છે અને તે મગરોથી ભરેલા છે. કહેવાય છે કે બીજા વિશ્વયુદ્ધ દરમિયાન જાપાની સેનાના ૧૦૦૦ જવાન બ્રિટિશ સૈનિકોથી બચવા માટે આ દ્વિપ પર પહોંચી ગયા હતા પરંતુ તેમાંથી મોટાભાગના લોકો આઈલેન્ડ પર રહેનારા મગરોનો શિકાર બની ગયા હતા અને ખાલી ૨૦ સૈનિક જ જીવતા પાછા ફર્યા હતા.
દુનિયાની ખતરનાક જગ્યામાં એક સ્પેનની રોયલ પાથ છે. આ અલોરા નામના એક ગામ પાસે જોર્જ એલ ચોરોની પાસે બનેલો છે. આ ખતરનાક રસ્તો ૩૦૦થી૯૦૦ની ઉંચાઈ પર છે. તેની લંબાઈ ૧.૮ મીટર અને પહોળાઈ માત્ર ૩ ફિટ છે. તેને સામાન્ય લોકો માટે બંધ કરવામાં આવ્યો છે. પરંતુ તેમ છતાં રોમાંચના શોખિન પર્યટક અહીં આવે છે. આ જગ્યા પરથી પડીને મરવાના ઘણા સમાચાર આવે છે.
બ્રાઝિલમાં પણ એક ખતરનાક જગ્યા છે, જેમાં સ્નેક આઈલેન્ડ એટલે કે સાપનું ઘર કહેવામાં આવે છે. આ આઈલેન્ડ સાપોથી ભરાયેલો છે. અહીં દુનિયાના ખતરનાક સાંપ જોવા મળે છે. બ્રાઝિલની નેવીએ અહીં લોકોના આવવા પર પ્રતિબંધ લગાવ્યો છે.
જાપાનનો મિયાકેજીમા ઈઝૂ આઈલેન્ડ એટલો ખતરનાક છે કે અહીં શ્વાસ લેવો પણ મુશ્કેલ છે. આ આઈલેન્ડ પર જીવિત રહેવા માટે લોકોને હંમેશાં ગેસ માસ્ક લગાવીને ફરવું પડે છે કેમ કે અહીંના વાતાવરણમાં ઝેરિલા ગેસની માત્રા સામાન્યથી વધારે વધી ગઈ છે. અહીં ઓયામા જ્વાળામુખી હંમેશાં ફૂટતો રહે છે.

VOTING POLL

મુશ્કેલીઓને જાણે Mr Faisu ગમી ગયો હોય તેવી રીતે મુશ્કેલીઓ પડી છે Mr Faisuની પાછળ…

July 16, 2019 at 11:33 am


TikTok સ્ટાર મિસ્ટર ફૈઝુની મુશ્કેલીઓ દિવસેને દિવસે વધતી જઇ રહી છે. વિવાદિત વીડિયો બનાવવાના કારણે TikTok પર એકાઉન્ટ સસ્પેન્ડ થયા બાદ હવે YouTubeએ પણ તેની વિરુદ્ધ સખત કાર્યવાહી કરી છે. જેના કારણે મિસ્ટર ફૈઝુ અને જન્નત ઝુબૈરને સોશિયલ મીડિયા પર ટ્રોલ કરવામાં આવી રહ્યાં છે. હકીકતમાં તાજેતરમાં જ મિસ્ટર ફૈઝુ અને જન્નત ઝુબૈરનો મ્યુઝિક આલ્બમ ‘તેરે બિન કિવે’ રિલિઝ થયું હતું. આ ગીતને ઝી મ્યુઝિકની સત્તાવાર ચેનલે શેર પણ કર્યો હતો. જોકે આ વીડિયો જબરદસ્ત પોપ્યુલર થયો હતો. યુટ્યુબ પર બંને સ્ટાર્સનો આ વીડિયો રિલિઝના ગણતરીના કલાકોમાં જ ટ્રેન્ડ કરવા લાગ્યો હતો. ઉપરાંત આ વીડિયો માટે મિસ્ટર ફૈઝુ અને જન્નત ઝુબૈરના મોસ્ટ ટ્રેન્ડિંગ સૉન્ગનો અવોર્ડ પણ મળ્યો હતો. જન્નત ઝુબૈરે સોશિયલ મીડિયા પર એક વીડિયો શેર કર્યો છે. આ વીડિયો પર ટ્રોલર્સ તેની પાછળ પડી ગયા છે. એક યુઝરે તો એવું લખ્યું કે, હવે આ જ કરો કારણ કે ઝી મ્યુઝીકે તો તમારો વીડિયો ડીલીટ કરી દીધો છે. અન્ય એક યુઝરે લખ્યું કે, તમારુ વીડિયો સૉન્ગ ડીલીટ પણ થઇ ગયો છે. સાથે જ મિસ્ટર ફૈઝુની ઇન્સ્ટાગ્રામ પોસ્ટ પર સોશિયલ મીડિયા યુઝર્સે પણ ખુબ જ ગંદી કમેન્ટ કરી હતી.

VOTING POLL

હાઈપર્શન નામનું વૃક્ષ સ્ટેચ્યુ ઓફ લીબર્ટી કરતાં પણ છે મોટું…

July 15, 2019 at 11:02 am


વૃક્ષ છે તો માનવીનું જીવન છે. વૃક્ષો વિના માણસના જીવનની કલ્પના પણ ન કરી શકાય. અત્યારે ભારતભરમાં વરસાદની સમસ્યા ખૂબ જ છે ત્યારે ‘વૃક્ષ વાવો જીવન બચાવો’નું સ્લોગન સાર્થક થતું પણ લાગી રહ્યું છે. આ વચ્ચે વૃક્ષો સાથે જોડાયેલા કેટલાક અવનવા તથ્યો છે, દુનિયાનું સૌથી ઉંચુ અને જીવંત વૃક્ષ રેડવુડ નેશનલ પાર્ક કેલિફોર્નિયામાં આવ્યું છે. જેની ઉંચાઈ ૧૧૫.૮૫ મીટર છે. આ વૃક્ષની ખાસિયત એ છે કે ના માત્ર કુતુબમીનાર પણ અમેરિકાની સંસદ ભવન અને સ્ટેચ્યુ ઓફ લિબર્ટી કરતા પણ ઉંચુ છે. આ વૃક્ષનું નામ હાઈપર્શન છે. આ વૃક્ષની શોધ ૨૦૦૬માં થઈ હતી. દુનિયાનું સૌથી લાંબુ ઝાડ હોવાના કારણે તેને ગીનીસ બુક ઓફ વર્લ્ડ રેકોર્ડમાં પણ સ્થાન મળ્યું છે. એક વૃક્ષ વર્ષભરમાં લગભગ ૨૦કિલો ધૂળ અને ૨૦ટન કાર્બન ડાયોક્સાઈડ ચુસે છે. સામે ૭૦૦ કિલોગ્રામ ઓક્સિજનનું ઉત્સર્જન કરે છે. ગરમીઓના સમયે વૃક્ષનું તાપમાન સામાન્યથી ૪ ડિગ્રી ઓછું હોય છે. આ સિવાય વૃક્ષ વર્ષમાં એક લાખ વર્ગ મીટર દૂષિત હવાને ફિલ્ટર પણ કરે છે. વિસ્કોન્સિન વિશ્વવિદ્યાલય દ્રારા કરવામાં આવેલી શોધમાં ખ્યાલ આવ્યો છે કે, જે લોકોના ઘરની બહાર વૃક્ષ હોય છે. તેમનામાં માનસિક રોગની સમસ્યા ઓછી હોય છે. કેનાડાના જર્નલ સાયન્ટિફિક રિપોર્ટ પ્રમાણે ઘરની આસાપાસ જો ૧૦ વૃક્ષ હોય તો આયુષ્યમાં ૭ વર્ષની વૃદ્ધિ થાય છે.

VOTING POLL

‘નર્કનો દરવાજો’ એટલે આ ટુરિસ્ટ પોઈન્ટ, ૪૭ વર્ષથી સતત લાગી રહી છે આગ !

July 13, 2019 at 9:38 am


દુનિયામાં એવા ધણા રહસ્ય છુપાયેલા છે જેને સાંભળ્યા બાદ આપણને વિશ્વાસ નથી થતો. એવામાં એક એવો મામલો જાણવા મળ્યો છે કે જેને જાણી તમે પણ ચોંકી જશો. કારાકુમ રણના દરવેજ ગામમાં એક એવો ખાડો છે જેને મોતનો દરવાજો કહેવામાં આવે છે. આ ખાડાની ચોંકાવનારી વાત એ છે કે તેમાં પાછલા 47 વર્ષથી સતત આગ લાગી રહી છે. આ જગ્યા તુર્કમેનિસ્તાનની રાજધાની અશ્ગાબાતથી 260 કિલોમીટર દુર કારાકુમ રણના દરવેજ ગામમાં છે. જમીનની અંદર હાજર મિથેન ગેસના કારણે 1971 બાદ સતત આ આગ લાગેલી છે. જોકે આ ખાડો કઈ રીતે પડ્યો તેની પાછળ પણ એક રહસ્યમય વાર્તા છે. 1971માં સોવિયત સંધના વૈજ્ઞાનિકોએ મિથેન ગેસને જમા કરવા માટે ત્યાં ડ્રિલિંગ કરી હતી. એક દિવસ ત્યાં વિસ્ફોટ થયો જ્યાર બાદ ‘નર્કના દરવાજા’ નામથી ફેમસ આ ખાડો ગેસ ક્રેટર બન્યો. વૈજ્ઞાનિકોએ દુર્ઘટના બાદ મિથેન ગેસને વાયુમંડળમાં ફેલવાથી રોકવા માટે ત્યાં આગ લગાવી દીધી. તેમને લાગ્યું હતું કે આગ એક બે અઠવાડિયામાં બેધ થઈ જશે પરંતુ આ આગ અત્યાર સુધી સતત સળગી રહી છે. જે ખાડામાં આગ લાગી રહી છે તે 229 ફુટ પહોળો છે અને લગભગ 65 ફુટ ઉંડો છે. આજે આ જગ્યા ફેમસ ટુરિસ્ટ પોઈન્ટ બની ચુકી છે. તમને જણાવી દઈએ કે આ ખાડાને જોવા માટે અહીં દર વર્ષે લાખો લોકો આવે છે. આ જગ્યા હવે એક ટુરિસ્ટ પ્લેસમાં ફેરવાઈ ચુકી છે. સતત આગ લાગેલી હોવા છતાં પણ લોકો આ જગ્યાએ ફરવા આવે છે.

VOTING POLL

દુનિયાનો સૌથી નાનકડો સ્માર્ટફોન લોન્ચ, કિંમત જાણીને તમે પણ ચોંકી જશો !

July 12, 2019 at 9:59 am


હવે આપણે મોટા સ્માર્ટફોનથી કંટાળી ગયા છીએ ત્યારે દુનિયાના સૌથી નાનકડા સ્માર્ટફોન વિશે જેની સાઈઝ એક ક્રેડિટ કાર્ડની સાઈઝની બરાબર છે. આ અનોખો ફોન યૂનાઈટેડ કિંગડમની કંપની કિકસ્ટાર્ટર દ્વારા બનાવવામાં આવ્યો છે. જેનું નામ Zanco Tiny t1 છે. આ ફોનને ૧૮ વર્ષ જૂની કંપની Clubit New દ્વારા કરવામાં આવ્યો છે. ફોનની સાઈઝની વાત કરીએ તો, આ ફોન એક ક્રેડિટ કાર્ડ કરતાં પણ નાનો છે. એટલે કે, તમારા હાથની સૌથી નાની આંગળીની સાઈસ જેટલી જ આ ફોનની સાઈઝ છે. ફોનની કિંમત ૪૦ ડોલર એટલે કે ૨૮૦૦ રૂપિયા છે. ફોન બનાવનારી કંપનીનું કહેવું છે કે, આ ફોન વૉકિંગ કરનારા, દોડવાવાળા અને સાઈકલ ચલાવનારા લોકો માટે ભેટરૂપ છે. આ ફોનમાં ૩૨ એમબીની રેમ આપવામાં આવી છે. તો ફોનની ઈન્ટરનલ મેમરી ૩૨ જીબીની છે. ફોનમાં નેનો સિમ કાર્ડ સ્લોટ, કીપેડ, માઈક્રો યૂએસબી, બ્લૂટૂથ, 300 ફોનબુક મેમરી અને ૫૦ એસએમએસ માટે સ્ટોરેજ છે. આ ફોન 2જી નેટવર્કને સપોર્ટ કરે છે. તેમાં ૨૦૦mAhની બેટરી લાગેલી છે, જે ૧૮૦ કલાકનો ટૉકટાઈમ આપે છે. આ ફોનનું વજન માત્ર ૧૩ગ્રામ જ છે. આ ફોનને માઈક્રો યુએસબીથી ચાર્જ કરી શકાય છે. ફોનની સ્ક્રીન ૦.૪૯ ઈંચની છે અને આ ફોનની ફૂલ એચડી ડિસપ્લે આપવામાં આવી છે.

VOTING POLL

શું તમે જાણો છો આખરે ઘડિયાળની જાહેરાતમાં ૧૦:૧૦નો સમય જ કેમ બતાવવામાં આવે છે ?

July 11, 2019 at 10:59 am


આપને ઘડિયાળની ઘણી જાહેરાતો જોઈ હશે અને આ જાહેરાતમાં આપને નિરીક્ષણ પણ કર્યું હશે કે ઘડિયાળની જાહેરાતમાં ૧૦:૧૦નો જ સમય બતાવવમાં આવતો હોઈ છે. ત્યારે ઘણાને મનમાં પ્રશ્ન ઉદભવે કે આવું શા માટે ? તો આ પ્રશ્નનું નિરાકરણ આવી ગયું છે. ઘડિયાળની જાહેરાતમાં ૧૦:૧૦ સમય રાખવા માટેના ઘણા કારણો છે. એવું કહેવામાં આવે છે કે 10 વાગ્યા અને 10 મિનિટના કાંટા એક સંતુલિત આકારમાં હોય છે અને મનોવિજ્ઞાન મુજબ લોકો સંતુલિત વસ્તુને જોવાની વધુ પસંદ કરે છે. હવે તમે 10:10 વાળી ઘડિયાળ જોવો, તો તમને એવું લાગશે કે ઘડિયાળ સ્માઈલ કરી રહી છે. અત્યાર સુધી કદાચ તમે આ વાતનું નિરીક્ષણ કર્યું નહિ હોઈ. પરંતુ ૧૦:૧૦ વાગ્યે ઘડિયાળ બિલકુલ તે જ સ્થિતિમાં હોય છે. ઘડિયાળમાં જ્યારે 10 વાગ્યાને 10 મિનિટ થઈ રહ્યા છે, ત્યારે એક સંકેત દેખાય છે “V”નો… આ સંકેત વિજય અને જીતનો છે. એટલા માટે કંપનીઓ જાહેરાતોમાં આ સમય બતાવે છે. 10 વાગ્યાને 10 મિનિટ પર ઘડિયાળ બાકી બધી વસ્તુઓ, જેમ કે બ્રાન્ડનું નામ, કંપનીનો લોગો ચોખ્ખો દેખાય છે. એટલા માટે એ કારણ પણ જવાબદાર હોઈ શકે કે હંમેશાં એ સમય જ બતાવવામાં આવે. જયારે કેટલાક લોકોનો એવું પણ માનવું છે કે જ્યારે પહેલી ઘડિયાળ બની હતી, ત્યારે આ જ સમય હતો માટે ઘડિયાળનો ડિફોલ્ટ સમય 10:10 સેટ કરવામાં આવ્યો છે.

VOTING POLL