ભારતમાં શરૂ થશે ગાર્બેજ કેફે, કચરો આપો અને મફત જમો !

August 6, 2019 at 11:00 am


દુનિયામાં કચરાની સમસ્યા દિવસેને દિવસે વધતી જતી જોવા મળે છે. ત્યારે સામાન્યરીતે સરકાર દ્વારા પણ કચરો દુર કરવા અવનવી તરકીબો કરવામાં આવતી હોય છે. પરંતુ તેની અસર ખુબ જ ઓછા પ્રમાણમાં જોવા મળતી હોય છે. કચરામાં પણ ખાસ કરીને પ્લાસ્ટિક પર્યાવરણને અતિશય નુકશાન પહોંચાડે છે. કચરો અને એમાં પણ ખાસ કરીને પ્લાસ્ટીકનો નાશ કરવો એ ખુબ જ અઘરો છે. ત્યારે કેટલાક ગરીબ લોકો આ પ્લાસ્ટિક રસ્તા પરથી ઉઠાવીને તેને વેચીને પૈસા કમાતા હોય છે પણ તેમ છતાં તેઓને સારું ભોજન નસીબ નથી થતું. ત્યારે પ્લાસ્ટિકના પુનઃપ્રયોગ માટે દેશના છતીસગઢ રાજ્યમાં અંબિકાપુરમાં દેશના સૌથી પહેલા ગાર્બેજ કેફેની શરૂઆત કરવામાં આવી છે. આ કેફે અંતર્ગત નગરપાલિકા શહેરના ગરીબ લોકોને પ્લાસ્ટિકના બદલે ભોજન કરાવશે. આ અભિયાન અંતર્ગત કોઈ પણ રસ્તા પર પડેલા કચરામાંથી એક કિલો પ્લાસ્ટિક કેરી બેગ લાવશે તો તેમને મફત ભોજન કરાવવામાં આવશે અને અડધો કિલો પ્લાસ્ટિક લાવવા પર ભરપેટ નાસ્તો કરાવવામાં આવશે. તો સાથે જ નગરપાલિકા દ્વારા ભેગા કરવામાં આવેલા પ્લાસ્ટિકનો ઉપયોગ રોડ બનાવવામાં કરવામાં આવશે. ત્યારે હાલમાં તો ૮ લાખ પ્લાસ્ટિક બેગનો ઉપયોગ કરીને પ્રશાસને પ્લાસ્ટિકનો ઉપયોગ કરીને પહેલો રોડ બનાવી પણ દીધો છે. તેમના જણાવ્યા અનુસાર, પ્લાસ્ટિક અને આસ્ફાલ્ટથી બનેલો રોડ લાંબો ટકે છે. ત્યારે આવી સરાહનીય કામગીરી જો દેશમાં તમામ જગ્યાએ થાય તો ‘ક્લીન ઇન્ડિયા’ બનતા કદાચ વાર ના લાગે.

VOTING POLL

અજબ દુનિયામાં ગજબ ગામ, વર્ષોથી આ ગામમાં ફક્ત જન્મે છે છોકરીઓ….

August 5, 2019 at 11:05 am


દુનિયામાં અવારનવાર અક્લપ્નીય અને અવિશ્વશ્નીય બનાવો બનતા હોય છે. જેને સાંભળી કે વાંચીને એક વાર તો આપણે આશ્ચર્યચકિત થઇ જ જાય. ત્યારે આવો જ એક વિચિત્ર કિસ્સો પ્રકાશમાં આવ્યો છે. એક એવું ગામ છે જ્યાં ઘણા વર્ષોથી ફક્ત છોકરીઓનો જ જન્મ થાય છે. પોલેન્ડ અને ચેક રિપબ્લિકની સીમા પર આવું એક અનોખું ગામ આવેલું છે, જ્યાં ખાલી છોકરીઓ જ જન્મે છે. આશ્ચર્યજનક વાત તો એ છે કે આ ગામમાં છેલ્લા કેટલાય વર્ષોથી છોકરો જન્મ્યો જ નથી. આ ગામનું નામ છે મિજેસ્કે ઓદ્રજેનસ્કી. આ ગામની વાત કરીએ તો આ ગામમાં છેલ્લી વખત ૨૦૧૦માં એક છોકરાનો જન્મ થયો હતો. પરંતુ તેના પછી જે છોકરાનો જન્મ થયો હતો તેનો પરિવારજનો ગામ છોડીને બીજે રહેવા જતા રહ્યા હતા. આ ગામની આબાદી અત્યારે આશરે ૩૦૦ની આસપાસ છે, જેમાં છોકરીઓ અને મહિલાઓની સંખ્યા જ વધારે છે. જોકે આ ગામમાં હાલમાં એક નાનો છોકરો છે, જે ૧૨ વર્ષનો છે. એક મીડિયા રિપોર્ટ અનુસાર, આ ગામમાં છોકરીઓનો તો જન્મ થાય છે, પરંતુ છોકરાનો જન્મ દુલર્ભ છે. અને આ જ કારણે આ ગામના મેયરે એવી જાહેરાત કરી છે કે, જેના ઘરે દીકરાનો જન્મ થાય તેને ઈનામ આપવામાં આવશે. ગામવાળા પણ કહે છે કે, એવું કોઈ કારણ નથી કે જેનાથી ખાલી છોકરીઓનો જન્મ થાય છે. જોકે પોલેન્ડની રાજધાની વારસોની એક વિશ્વવિદ્યાલયે આ રહસ્યને ખોલવા માટે રિસર્ચ કર્યું હતું. વારસોની મેડિકલ યુનિવર્સિટીના પ્રોફેસર મુજબ, ગામમાં ફક્ત છોકરીઓનો જ જન્મ થાય તે અદ્ભુત ઘટના છે પરંતુ સાથેસાથે છોકરાના જન્મને લઈને ચિંતાની બાબત પણ છે. આ ગામનું રહસ્ય ખોલવું સરળ નથી.

VOTING POLL

અને… આેટોમેટિક પાર્ક થઈ ગઈ સચિન તેંડુલકરની કાર !

August 3, 2019 at 11:11 am


મહાન ક્રિકેટર સચિન તેંડુલકરે પોતાની કવર ડ્રાઈવ અને સ્ટ્રેટ ડ્રાઈવથી કેટલી વખત પોતાના ચાહકો અને હરિફ ટીમને હેરાન કરી મુકી છે પરંતુ આ વખતે કાર ડ્રાઈવના એક મામલામાં માસ્ટર બ્લાસ્ટર પોતે ચાેંકી ગયો છે. સચિને પોતાના ટવીટર એકાઉન્ટ ઉપર એક વીડિયો પોસ્ટ કર્યો છે જેમાં તેની કાર આપોઆપ ચાલીને ગેરેજમાં પાર્ક થઈ રહી છે. આ જોઈને સચિન પણ હેરાન થઈ ગયો છે કે શું તેની કારને અનિકલ કપૂર મિસ્ટર ઈન્ડિયા બનીને તો ચલાવી રહ્યાે નથી ને !

41 સેકન્ડના આ વીડિયોમાં સચિન ડ્રાઈવિંગ સીટની બાજુની સીટ ઉપર બેઠો છે. જ્યારે ડ્રાઈવિંગ સીટ પર કોઈ બેઠું નથી. સચિનની આ આધુનિક ટેકનીકથી સજ્જ આેટો ડ્રાઈવિંગ કાર છે જે ખુદ સ્ટાર્ટ થઈને ગેરેજમાં પાર્ક થવા જઈ રહી છે.
સચિન આ વીડિયોમાં જણાવી રહ્યાે છે કે જુઆે મારી કારમાં ડ્રાઈવિંગ સીટ પર કોઈ બેઠું નથી આમ છતાં તે આપોઆપ સ્ટાર્ટ થઈને પાર્ક થઈ જશે. સચિને કહ્યું કે મને એવું લાગી રહ્યું છે કે મારી કારને મીસ્ટર ઈન્ડિયા ચલાવી રહ્યા છે. સચિને મિસ્ટર ઈન્ડિયા ફિલ્મમાં મિસ્ટર ઈન્ડિયાની ભૂમિકા ભજવનારા અનિલ કપૂરને પણ આ વીડિયો ટેગ કર્યો છે.
આ જ શબ્દોને સચિને પોતાનો આ વીડિયો પોસ્ટ કરીને ટવીટ કર્યા છે. સચિને કહ્યું કે મને વિશ્વાસ છે કે બાકીનું સપ્તાહ પણ મીત્રો સાથે આટલું જ મજેદાર હશે.

VOTING POLL

આ ક્યુટ પપ્પી દરેક શૂટથી કરે છે લાખોની કમાણી

at 10:38 am


સોશિયલ મીડિયા માનવી માટે કમાવવાનું એક પ્લેટફોર્મ બની ગયું છે. ત્યારે તમને જાણીને આશ્ચર્ય થશે કે સોશિયલ મીડિયામાં ફક્ત માણસો જ નહિ પરંતુ હવે જાનવરો પણ લાખોની કમાણી કરી રહ્યા છે. તમે ઈન્સ્ટાગ્રામ અને ફેસબુક જેવાં સોશિયલ મીડિયા પ્લેટફોર્મ પર પોમેરિયન (Pomeranian)ને જોયુ હશે. આ પોમેરિયન ડોગનું નામ છે જીફપૉમ (Jiffpom). સોશિયલ મીડિયા પર Jiffpom નામ નાખતાની સાથે જ આ તમારી સ્ક્રીન પર એ પપ્પી આવી જશે. તેની પ્રોફાઈલ જોતા જ તમને આશ્વર્ય લાગશે. કારણકે, આ ડૉગ તમારા અને અમારા જેટલાં જ નહીં. પરંતુ બૉલીવુડ અને હૉલીવુડ સ્ટાર્સના કરતાં પણ વધારે ફોલોઅર્સ ધરાવે છે. ફક્ત ઈન્સ્ટાગ્રામ પર જ આ ડોગનાં ૯૦ લાખથી પણ વધુ ફોલોઅર્સ છે. જીફપોમને ઘણા બધા સેલેબ્સ ફોલો કરે છે. ઈન્સ્ટાગ્રામ પર આ પોમેરિયનને સુપરવુમન (લીલી સિંહ) અને ડેનિયલ જોનસ જેવાં સેલિબ્રિટીઝ પણ ફોલો કરે છે. એટલું જ નહીં, પરંતુ જીફપોમનું નામ ગિનીઝ વર્લ્ડ રેકોર્ડમાં બે પગે ચાલવાવાળા સૌથી તેજ જાનવરોમાં સામેલ છે. જીફપોમ અમેરિકન સિંગર કેટી પેરીનાં મ્યુઝીક વીડિયોમાં પણ આવી ચુક્યું છે. વોલમાર્ટમાં તો જીફપોમના રમકડા પણ વેચાય છે. જીફપોમ પાછળ સામાન્ય માણસથી લઇ સેલીબ્રીટીઝ પણ ઘેલી છે. તેના દરેક પ્રોજેક્ટ કે શૂટ માટે ૧૨ લાખ રૂપિયા ચાર્જ કરે છે. જીફપોમે A Night in Cowtown (2013), Celebs React (2016) અને Jacob Sartorius: Hit or Miss (2016)માં પણ કામ કરી ચુક્યું છે.

VOTING POLL

અરે રે ! બકરીને પણ હવે ચડ્યો ફોટોઝનો ચસ્કો…..

August 2, 2019 at 10:36 am


સોશિયલ મીડયા પર આપણે જાનવરોની ક્યુટ તસ્વીરો જતા જ હોય છીએ. એમાં ઘણી તસ્વીર તો એટલી ફની હોય છે કે આપણે હસીહસીને લોટપોટ થઇ જાય. ત્યારે હાલમાં જ સોશિયલ મીડિયામાં એક બકરીની તસ્વીર ભારે વાઈરલ થઇ છે. આ બકરી મલેશિયાના પેરાક રાજ્યના એક ફાર્મમાં રહેતી સનેન પ્રજાતિની છે. આ બકરીની તસ્વીર ભારે ચર્ચાનો વિષય પણ બની હતી. ૧૧ મહિનાની આ બકરીનો ફોટો લાઈવસ્ટોક ફાર્મના માલિકે ફાર્મના ફેસબુક પેજ પર પોસ્ટ કર્યો હતો. ત્યારે આ તસ્વીરે લોકોને ઘણા આકર્ષિત કર્યા હતા. તસ્વીરમાં આ બકરી પણ ખુબ જ સુંદર લાગી રહી છે. લોકો આ બકરીની તુલના કોરિયન પોપ સ્ટાર સાથે કરવા લાગ્યા છે. ફાર્મના ૨૧ વર્ષના માલિક અહમદ ફદજિરે જણાવ્યું હતું કે, રોમોસ નામની આ બકરીને ફોટો ક્લીક કરાવવાનું પસંદ છે. તે કેમેરો જોતાં જ પોઝ આપવા લાગે છે. વિશેષમાં અહમદે જણાવ્યું હતું કે, જ્યારે તેણે ફોટો પોસ્ટ કર્યો, ત્યારે તેને બિલકુલ આશા નહોતી કે સોશિયલ મીડિયા પર લોકોને આટલો પસંદ આવશે. અહમદ ફદજિર પાસે આ પ્રજાતિની ૧૭થી વધુ બકરીયો છે, પણ તેણે જણાવ્યું હતું કે, રોમોસ નામની બકરી બધાથી અલગ છે. તો સાથે રોમોસના માથાના વાળ બહુ જ ખૂબસૂરત છે અને ફોટો ક્લીક કરતી વખતે તેના ચહેરાના ભાવ એવા બદલાઈ જાય છે કે જાણે તે સ્માઈલ આપી રહી હોય. અને તેની સ્માઈલ જોઇને મારા હોઠ પર પણ સ્મિત આવી જાય છે. બકરીના માલિકનું એવું પણ કહેવું છે કે સોશિયલ મીડિયા પર તેણે જેવો ફોટો પોસ્ટ કર્યો કે લોકોના મેસેજ આવવા લાગ્યા, તેઓ આ બકરીને ખરીદવા ઈચ્છતા હતા. પરંતુ મેં જ તે બધાને ના પડી દીધી કારણકે, બકરીની કાળજી રાખવી સરળ નથી.

VOTING POLL

શું તમે જાણો છો શરીરમાંથી આત્મા ગયા બાદ થાય છે આ બદલાવ ?

August 1, 2019 at 11:07 am


કહેવાય છે ને કે આત્મા અમર હોય છે, મૃત્યુ બાદ શરીર ખોખલું થઇ શકે પરંતુ આત્મા ક્યારેય મરતી નથી. આધ્યાત્મિક દ્રષ્ટિ પ્રમાણે તો આત્માનો કોઈ આકાર કે સ્વરૂપ હોતું જ નથી. પરંતુ વૈજ્ઞાનિક દ્રષ્ટિકોણની વાત કરીએ તો આત્મા પણ શરીરના અન્ય અંગ સમાન જ હોય છે અને જ્યારે તે શરીર છોડે છે ત્યારે કેટલાક ફેરફાર પણ જોવા મળે છે. ત્યારે શું તમે જાણો છો શરીરમાંથી આત્મા ગયા બાદ ૧૦ પ્રકારના ફેરફાર થાય છે. આત્મા જ્યારે શરીર છોડે છે તો તે થોડા દિવસમાં અન્ય શરીરને ધારણ કરી લે છે. આમ તો આત્મા ઈશ્વરનું જ એક સ્વરૂપ છે પરંતુ તેને કોઈ જોઈ શકતું નથી. વૈજ્ઞાનિકોએ એક રિસર્ચ કરી જેમાં આત્માના અસ્તિત્વના પ્રમાણ આપવામાં આવ્યા છે. ઉપરાંત એક સંશોધનકર્તાએ તો એમ પણ જણાવ્યું હતું કે, આત્માનું વજન હોય છે અને તે અન્ય અંગ સમાન જ હોય છે. તેમણે આત્માનું વજન માપવા માટે મરનાર વ્યક્તિને ફેયરબેંક્સ વેટ સ્કેલ પર રાખ્યું હતું. શોધ અનુસાર જે લોકોનું મૃત્યુ થવાનું હતું તેઓ બીમારીથી પીડિત હતા અને અન્ય સમસ્યાઓથી ઘેરાયેલા હતા. તેમની પલ્સ રેટ લો થયા બાદ તેમને વેટ સ્કેલ પર રાખવામાં આવ્યા. વ્યક્તિનું મૃત્યુ થયા બાદ નિષ્ણાંતોએ જાણ્યું કે, આત્માનું વજન અંદાજે ૨૧ ગ્રામ હોય છે. આત્માએ શરીર છોડ્યું તો શરીરનું વજન પણ ઘટેલું જોવા મળ્યું. જે રીતે મૃત્યુ બાદ શરીરના અંગ ખરાબ થવા લાગે છે તેમ આત્મા પણ વિઘટિત થઈ જાય છે.

VOTING POLL

વિકલાંગ હોવા છતાં આ બંને મિત્રોએ પાર કર્યો શિખર !

July 31, 2019 at 11:22 am


કહેવાય છે ને કે, ‘અગર કિસી ચીઝ કો શિદ્દત સે ચાહો તો પૂરી કાયનાત ઉસે તુમસે મિલાને કી કોશિશ મેં લગ જાતી હૈ’ એટલે કે જ્યારે તમે કોઈ વસ્તુ કરવાનું નક્કી કરો છો, તો પછી કોઈપણ વસ્તું નડતી નથી. ત્યારે આવું જ કંઈક બન્યું છે કે, ૨ મિત્રોને તેમના જીવનમાં મોટા અવરોધો હોવા છતાં, તેઓએ પર્વત પર ચઢાણ કર્યું હતું. મેલાની નેકેટ અને ટ્રેવર હેન નામના બે લોકો છે જે વિકલાંગ છે, પરંતુ તેઓએ તેમ છતાં પર્વત પર ચઢાણ કર્યું હતુ. જયારે હવે બંને ૧૪૦૦૦ ફૂટના પર્વત પર ચઢાણ કરવાનું વિચારી રહ્યા છે. અત્રે ઉલ્લેખનીય છે કે, મેલની ચાલી શકતી નથી અને ટ્રેવર જોઈ શકતો નથી. વિકલાંગ હોવા છતાં બંને કોલોરાડોના પર્વતનું સફળતાપૂર્વક ચઢાણ પૂર્ણ કર્યું હતું. હવે બંને ૧૪૦૦૦ ફૂટના પર્વત પર ચઢવાની તૈયારી કરી રહ્યા છે. મેલાનીએ તેની પોસ્ટમાં પણ લખ્યું હતું કે, ટ્રેવર પાસે પગ છે અને મારી પાસે આંખો છે. આ અમારી સપનાની ટીમ છે. પાછળનાં દિવસે બંને મિત્રો કોલોરાડોના પર્વત પર ચઢયા હતા.આ યાત્રામાં ટ્રેવર મેલનીને એક ખુરશીના સહારે પીઠ પર બેસી રાખ્યો હતો. તો સાથે મેલનીએ કહ્યું કે આપણા બંનેમાં મહાનતાનો સહિયારો છે. હું ટ્રેવરને દ્શ્યને વિક્ષેપિત કરું છું અને તેઓ આગળ જતા જાય છે. હું જીંદગી ભર વ્હીલચેર પર હતી જેથી મને પર્વતો પર આવવાનું ગમે છે. આ મારા જીવનનો સૌથી અદ્ભુત અનુભવ છે. ત્યારે આ જોઇને આપણને પણ એક વાર તો એમ ચોક્કસપણે થઇ જ જાય કે દુનિયામાં કશું જ અશક્ય નથી. બસ તમારામાં સાહસ અને આત્મવિશ્વાસ હોવો જોઈએ. સાહસ અને આત્મવિશ્વાસ આ બે વસ્તુ જ એવી છે જે તમને જીવનમાં કોઈ પણ વસ્તુ હાંસલ કરવામાં મદદરૂપ બને છે.

VOTING POLL

બોલો લ્યો ! ઝાડને પણ હવે માણસની જેમ થાય છે ગલગલીયા…

July 30, 2019 at 8:58 am


આમ તો સામાન્યરીતે ઘણા એવા માણસો હોઈ જેને સ્પર્શ કરો કે તરત જ તેમને ગલગલીયા થવા લાગે. પણ શું તમે ક્યારેય એવું સાંભળ્યું છે કે કોઈ ઝાડને ગલગલીયા થાય ? કદાચ એવું કોઈએ જોયું કે સાંભળ્યું ના જ હોય. પરંતુ હકીકતે દુનિયામાં એવું ઝાડ પણ છે કે જેને ગલગલીયા થતા હોય. ભારતના ઉતરાખંડના કાલાઢુંગીના જંગલમાં આ પ્રકારના ઝાડ જોવા મળે છે. આ એક અજીબોગરીબ ઘટના જ કહેવાય કે, આ ઝાડને ફક્ત હાથ લગાવવાથી તેને ગલગલીયા થાય છે. જો તમે આ ઝાડની ડાળીઓને હાથ લગાવો તો તે ખિલખિલાટ હસવા લાગે છે. આ ઝાડને અડતાં જ તે રીતસર હલવા લાગે છે. જેમ કોઈ માણસને તમે ગલગલીયા કરો અને જેમ તે મલકાઈ તેવી જ રીતે આ ઝાડને અડવાથી તે મલકાય છે. ઝાડની આ અજીબોગરીબ ઘટનાને ચોખ્ખી જોઈ શકાય છે. ઉતરાખંડના કાલાઢૂંગીના જંગલમાં આવા બે પ્રકારના ઝાડ જોવા મળે છે, જેને ગલગલીયા થાય છે. જોકે, રામનગરના ક્યારી જંગલમાં કંપારી વાળા ઝાડ પણ છે. છેલ્લા પાંચ વર્ષથી કાલાઢૂંગીના આ બે ઝાડને કાર્બેટ ગ્રામ વિકાસ સમિતિએ પર્યટન સાથે જોડ્યું છે. પર્યટકોને પણ આ બંને ઝાડ મનોરંજન પૂરું પાડે છે. પર્યટકોને ગાઢ જંગલમાં આ બે પ્રકારના ઝાડને બતાવવા માટે કાયદેસર સમિતિના ગાઈડ સાથે જતા હોય છે. લોકો આ અજીબોગરીબ ઝાડને ‘હસવાવાળા ઝાડ’ પણ કહે છે. આમ તો તેનું વાનસ્પતિક નામ રેંડિયા ડૂમિટોરમ છે. રુબીએસી પ્રજાતિના આ ઝાડ લગભગ ૩૦૦થી ૧૩૦૦ મીટરની ઉંચાઈના જોવા મળે છે. આ ઝાડને ટચ કરવાથી માણસોને જે પ્રકારે લગીપચી થાય છે તે આ ઝાડમાં એક પ્રકારની નવાઈ પમાડી તેવી વાત છે. આ ઝાડને લઇ સંશોધનકર્તા પણ સંશોધન કરી રહ્યા છે કે, આખરે ઝાડને ફક્ત સ્પર્શ કરવાથી તેને ગલગલીયા કઈ રીતે થઈ શકે ?

VOTING POLL

ફ્રાંસમાં મળ્યું દુનિયાના સૌથી મોટા ડાયનાસોરનું હાડકું

July 29, 2019 at 11:19 am


લાખો વર્ષો પહેલા ધરતી પર રાજ કરનાર મહાકાય ડાયનાસોર એકવાર ફરી ચર્ચામાં છે. ફ્રાંસના આેન્જેક વિસ્તારમાં વિજ્ઞાનીકોએ દુનિયાના સૌથી મોટા પ્રાણી ડાયનાસોરના જીવાવશેષ મેળવ્યા છે. વિજ્ઞાનીકો હવે સમગ્ર વિસ્તારમાં અન્ય જીવાવશેષ હોવાની સંભાવનાઆે સqક્રય બન્યા છે.
વિજ્ઞાનીકોને જે ડાયનાસોરના અવશેષ મળ્યા છે તેમની જાંઘના હાંડકાનો આકાર માત્ર બે મીટર (છ ફૂટ) છે, તેમનું અનુમાન છે કે ધરતી પર હાજર રહેલા સૌથી મોટા ડાયનાસોરનું અવશેષ હોઇ શકે. જણાવવામાં આવી રહ્યું છે કે, વિજ્ઞાનીકો છેલ્લા દસકથી અહીના વિસ્તારમાં ડાયનાસોરના જીવ અવશેષ શોધી રહ્યા હતા.

વિજ્ઞાનીકો મુજબ આ હાડકુ સોરોપોડ ડાયનાસોરનું છે. સોરોપોડ ડાયનાસોર શાકાહારી હતા અને તેમના ગળાનો ભાગ અને પૂંછડી લાંબી હતી. આ ડાયનાસોર જુરાસિક કાળના અંતિમ વર્ષોમાં થયા હોવાનું અનુમાન લગાવવામાં આવી રહ્યું છે, જે ધરતી પર જોવા મળતા સૌથી વિશાળકાય જાનવરોમાંથી એક હતા. વિજ્ઞાનીકોના મત મુજબ આશરે 14 હજાર લાખ વર્ષ પહેલા આ જાતિના ડાયનાસોરનું અસ્તિત્વ હતું અને તેમનુ વજન આશરે 40થી 50 ટન રહેતું હતું.

નેશનલ હિસ્ટ્રી મ્યૂઝિયન આેફ પેરિસમુજબ ડાયનાસોરનું જે અવશેષ મળ્યું છે તેમાં માંસપેશીઆેનું જોડાણ અને ઘા જોવા મળ્યા છે. આટલા મોટા આકારનું હાંડકુ સામાન્ય પરિસ્થિતિઆેમાં સારી હાલતમાં નથી મળતું. તે જાતે તૂટીને નષ્ટ પામે છે. આ પહેલા 2010માં વિજ્ઞાનીકોને આ જ પ્રજાતિના ડાયનાસોરનું અવશેષ રુપી હાંડકુ મળી આવ્યું હતું, જેની લંબાઇ 2.2 મીટર હતી. આ ડાયનાસોરનું વજન લગભગ 500 કિલોગ્રામ હતું.

VOTING POLL

‘હોયા બાસુ’ છે વિશ્વનું સૌથી ભયાનક જંગલ, લોકો અચાનક જ થઇ જાય છે ‘છૂ’

at 10:58 am


દુનિયામાં ઘણી એવી ડરામણી જગ્યાઓ છે જ્યાં લોકો જતાં પહેલા ૧૦૦ વાર વિચાર કરે છે. ત્યારે આ પ્રકારનું એક સ્થળ રોમાનિયાના ટ્રાન્સીલ્વેનિયા પ્રાંતમાં પણ આવેલું છે. જ્યાં આવી રહસ્યમય ઘટનાઓ અવારનવાર બને છે. તેમજ તે જગ્યા પણ ખુબ જ ડરામણી છે. રોમાનિયાના ટ્રાન્સીલ્વેનિયા પ્રાંતમાં એક જંગલ આવેલું છે જેનું નામ છે ‘હોયા બાસુ’. ‘હોયા બાસુ’ વિશ્વના સૌથી ડરામણાં જંગલોમાંનું એક માનવામાં આવે છે અને આ જંગલમાં ઘણી એવી ઘટનાઓ બની છે જેના વિશે જાણીને તમે પણ ચોંકી જશો. તો સાથે અહીં જોવા મળતી રહસ્યમય ઘટનાઓને કારણે, આ સ્થળને ‘રોમાનિયાના બર્મુડા ટ્રાઈંગલ અથવા ટ્રાન્સીલ્વેનિયા’નું ટ્રાઈંગલ કહેવામાં આવે છે. ‘હોયા બાસુ’ જંગલની ખાસિયત એ છે કે, અહીંયા વૃક્ષો આડા અવળા અને ક્રુક્ડ દેખાય છે. આ વૃક્ષો સૂર્યપ્રકાશમાં પણ ખૂબ જ ડરામણાં લાગે છે. આ ઉપરાંત આ જંગલ વિશે એવું કહેવામાં આવે છે કે, ઘણા લોકો રહસ્યમય રીતે આ જંગલમાંથી અદૃશ્ય થઈ ગયા છે. આ કુખ્યાત જંગલ ક્લુજ કાઉન્ટીમાં સ્થિત છે, જે ક્લુજ-નેપોકા શહેરની પશ્ચિમે છે. તે ૭૦૦ એકરમાં ફેલાયેલો છે. તેમજ થોડા વર્ષો પહેલા લશ્કરી ટેકનીશને આ જંગલમાં ufo જોવાનો દાવો કર્યો હતો. વધુમાં વર્ષ ૧૯૬૮માં, એમિલ બરનિયા નામના એક માણસએ અહીં આકાશમાં અલૌકિક શરીર જોવાનો પણ દાવો કર્યો હતો.

VOTING POLL