મેટોડા GIDC નજીક થયેલા વિદ્યાર્થીઓની કારના અકસ્માતમાં વધુ એક મોત, મૃત્યુઆંક 5 થયો

  • August 09, 2021 11:25 PM 
Aajkaal Daily (Desh Pardesh Ni Aajkaal)

રાજકોટના કાલાવાડ રોડ પર મેટોડા GIDC નજીક થયેલા વિદ્યાર્થીઓની કારના અકસ્માતમાં ઇજાગ્રસ્ત કૃપાલી ગજ્જર નામની વિદ્યાર્થિનીનું મોત નીપજ્યું છે. કૃપાલી ગજ્જરનું અમદાવાદની હોસ્પિટલમાં સારવાર દરમિયાન મોત થયું છે. ઉલ્લેખનીય છે કે, બુધવારે કૃપાલીની સર્જરી કરવાની હતી તે પહેલાં જ અમદાવાદમાં સારવાર દરમિયાન નિધન થયું છે. આ ઘટનાને લઈ પરિવાર આઘાતમાં સરી પડ્યો છે.

 

મૃતકોના ફાઈલ ફોટો

 

 

રાજકોટ કાલાવડ રોડ પર મેટોડા GIDC નજીક ચાર દિવસ પહેલા ગંભીર અકસ્માત સર્જાયો હતો. જેમાં ST બસ અને કાર વચ્ચે અકસ્માત સર્જાતાં 4 લોકોનાં મોત નિપજ્યા હતા. જ્યારે એક ગંભીર રીતે ઘાયલ થતા તેને હોસ્પિટલમાં સારવાર અર્થે ખસેડવામાં આવ્યા હતા. ઉલ્લેખનીય છે કે, મૃતકો પારુલ યુનિવર્સિટી સંચાલિત રાજકોટના ગોંડલ રોડ પર આવેલી હોમિયોપેથી મેડિકલ કોલેજના સ્ટુડન્ટ હતા. મૃતક નિશાંત દાવડા, ડો, સિમરન ગિલાની, આદર્શ ગોસ્વામી અને ફોરમ ધ્રાંગધરિયા ખીરસરા પ્રાથમિક આરોગ્ય કેન્દ્રની વિઝિટમાં ગયા હતા. આ ઉપરાંત બસમાં બેઠેલા કાલાવડના બે મુસાફરોને પણ ઇજા પહોંચી હતી. 


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS