રાજકોટના બેડી માર્કેટ યાર્ડમાં મરચા-ધાણાની આવક બંધ કરાઈ

  • February 27, 2021 01:17 PM 
Aajkaal Daily (Desh Pardesh Ni Aajkaal)

રાજકોટ, લોધીકા અને પડધરી તાલુકાના ૧૮૦ ગામોનું વિશાળ કાર્યક્ષેત્ર ધરાવતા સૌરાષ્ટ્રના સૌથી મોટા એવા રાજકોટ માર્કેટ યાર્ડમાં આજથી ફરી મરચા અને ધાણાની આવકો બંધ કરવામાં આવી છે. રવિ પાકની મબલખ આવકો થતાં યાર્ડનું સંકૂલ હવે સાંકડુ લાગવા માંડયું છે !


વિશેષમાં ખેડૂતો અને વેપારી વર્તુળોએ આજકાલ સાથેની વાતચીતમાં જણાવ્યું હતું કે, રાજકોટના બેડી યાર્ડમાં ખુબ સારા ભાવ મળતા હોય ખેડૂતો અહીં માલ વેચવા આવે છે પરંતુ મેદાનમાં પેવરના અભાવ તેમજ પુરતા શેડ અને પ્લેટફોર્મના અભાવે અવારનવાર આવકો બંધ કરાય છે જેનાથી વેપાર-ધંધાને અસર પડે છે.


આજથી સાત વર્ષ પૂર્વે લોકાર્પણ કરાયેલા બેડી માર્કેટ યાર્ડમાં હવે ધીમે ધીમે વેપાર ધંધા જામવા લાગ્યા છે પરંતુ હવે યાર્ડએ સંકૂલમાં પડેલી પડતર જમીનમાં પેવરકામ કરવું જ‚રી છે. જો પેવર કરાય તો ત્યાં ખેડૂતો માલ ઠાલવી શકે છે. તદ્ ઉપરાંત નવા શેડ અને નવા પ્લેટફોર્મ્સ બનાવવાની પણ જ‚રિયાત છે. જગ્યાના અભાવે આવક બંધ કરવાના નિર્ણયના લીધે ખેડૂતો અન્ય યાર્ડ તરફ જવા પ્રેરાઈ છે. જ્યારે જૂના માર્કેટ યાર્ડ સ્થિત શાકભાજી વિભાગમાં પણ વિવિધ જ‚રી પ્રાથમિક સુવિધાઓ પુરી પાડવાની જ‚રિયાત છે જેથી ખેડૂતો અને વેપારીઓની પરેશાની દૂર થાય. આ દિશામાં માર્કેટ યાર્ડના અધિકારીઓ અને પદાધિકારીઓ વિચારે તે ઈચ્છનીય છે.
 


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS