ગુજરાતમાં આજે રાજકોટ સહિત અમદાવાદ, વડોદરા, સુરત, જામનગર અને ભાવનગર મહાનગર પાલિકાની ચૂંટણી માટે મતદાન થઈ રહ્યું છે. રાજ્યભરમાં સવારે 7 કલાકથી મતદાન શરુ થયું હતું અને લોકો મત આપવા માટે ઉમટી પડ્યા હતા. આજે કેન્દ્રીય ગૃહમંત્રી અમિત શાહ પણ મતદાન કરવા માટે અમદાવાદ આવશે.  કેન્દ્રીય ગૃહમંત્રી અમિત શાહ આજે સવારે 10 કલાક આસપાસ નારણપુરા ખાતે મતદાન કરશે. જો કે આ ચૂંટણીમાં વડાપ્રધાન નરેન્દ્ર મોદી અને ભાજપના વરિષ્ઠ નેતા લાલકૃષ્ણ અડવાણી મતદાન કરશે નહીં.