જાણવું જરૂરી છે : દેશભરમાં કેટલાં ઓક્સિજન પ્લાન્ટ ઉભા કરાશે અને વડાપ્રધાને કેટલાં રૂપિયા ફાળવ્યાં

  • April 26, 2021 02:45 AM 
Aajkaal Daily (Desh Pardesh Ni Aajkaal)

દેશમાં કોરોના સંક્રમણના વધતા જતા કેસો અને હોસ્પિટલોમાં ઓક્સિજનની માંગને ધ્યાનમાં રાખીને વડાપ્રધાન નાગરિક સહાય અને ઇમર્જન્સી રિલીફ ફંડ (પીએમ કેર્સ)થી વિવિધ રાજ્યોના આરોગ્ય કેન્દ્રોમાં 551 પીએસએ મેડિકલ ઓક્સિજન ઉત્પાદન પ્લાન્ટ સ્થાપિત કરાશે. પ્રધાનમંત્રી કાર્યાલયે  આજે એક નિવેદનમાં જણાવ્યું છે કે પીએમ કેર્સ ફંડ દ્વારા આ પ્લાન્ટ સ્થાપવા માટે સૈદ્ધાંતિક મંજૂરી આપવામાં આવી છે.

 

 

પીએમ મોદીએ આ કાર્યને વહેલી તકે અમલમાં મૂકવાની સૂચના આપી છે. તેમણે કહ્યું કે, જિલ્લા કક્ષાએ ઓક્સિજનની ઉપલબ્ધતા વધુ મજબૂત બનશે. વિવિધ રાજ્યો અને કેન્દ્રશાસિત પ્રદેશોના જિલ્લા મુખ્યાલયમાં ઓળખાતી હોસ્પિટલોમાં પ્લાન્ટ સ્થાપવામાં આવશે અને કેન્દ્રિય આરોગ્ય અને પરિવાર કલ્યાણ મંત્રાલય દ્વારા કામ હાથ ધરાશે.

 

 

 દેશના વિવિધ રાજ્યોમાં આરોગ્ય કેન્દ્રોમાં 162 પીએસએ રોગનિવારક ઓક્સિજન ઉત્પાદન પ્લાન્ટની સ્થાપના માટે પીએમ કેર્સ ફંડમાંથી અગાઉ રૂ. 201.58 કરોડની ફાળવણી કરવામાં આવી હતી. મહત્વનું છે કે, 27 માર્ચ 2020ના રોજ કોવિડ-19ની મહામારી જેવી કોઈપણ પ્રકારની કટોકટી અથવા સંકટની પરિસ્થિતિનો સામનો કરવાના ઉદ્દેશ્યથી એક સમર્પિત રાષ્ટ્રીય ભંડોળની જરૂરિયાતને ધ્યાનમાં રાખતા અને તેનાથી પ્રભાવિત લોકોને રાહત આપવા માટે વડાપ્રધાન નાગરિક સહાય અને રાહત ભંડોળ (પીએમ કેર્સ ફંડ)ના નામ પર એક સાર્વજનિક ધર્માર્થ ટ્રસ્ટ બનાવવામાં આવ્યું હતું.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS