કોરોના વધતા સ્કૂલો, કોલેજો, ટ્યુશન 20 દિવસ બંધ રાખવા વાલી મંડળની માગ

  • March 18, 2021 12:20 PM 
Aajkaal Daily (Desh Pardesh Ni Aajkaal)

ઓલ ગુજરાત વાલી મંડળ દ્વારા મુખ્યમંત્રીને પત્ર લખી રજૂઆત કરાઈ: હાલની પરીક્ષા પણ ઓનલાઈન લેવા માગણી

 


રાજ્યમાં કોરોનાના કેસોમાં સતત વધારો થઈ રહ્યો હોઈ વાલી મંડળ દ્વારા આગામી 20 દિવસ માટે રાજ્યની તમામ શાળા, કોલેજો અને ટ્યુશન ક્લાસીસ બંધ રાખવા માટે રાજ્યના મુખ્યમંત્રીને પત્ર લખી માગણી કરી છે. ઉપરાંત હાલમાં લેવામાં આવતી ફિઝીકલ પરીક્ષા રદ કરી ઓનલાઈન પરીક્ષા ગોઠવવા પણ માગણી કરી છે.

 


પ્રાપ્ત માહિતી અનુસાર, રાજ્યમાં કોરોનાના કેસો જે રીતે વધી રહ્યા છે તેને લઈને ગુજરાતના વાલીઓમાં ભારે ચિંતાનું મોજુ ફરી વળ્યું છે. રાજ્યમાં રોજેરોજ કેસોની સંખ્યા વધતી જઈ રહી છે ત્યારે ઓલગુજરાત વાલી મંડળના પ્રમુખ નરેશ શાહે રાજ્યના મુખ્યમંત્રીને પત્ર લખ્યો છે. જેમાં જણાવાયું છે કે, માર્ચ માસથી કોરોના સંક્રમણ ફરી શરૂ થયું છે. જેમાં સામાન્ય લોકોની સાથે સ્કૂલ, કોલેજો, ટ્યુશનના વિદ્યાર્થીઓ પણ સંક્રમિત થયા છે. સુરતમાં 192 વિદ્યાર્થી, સૌરાષ્ટ્રમાં 100 વિદ્યાર્થી અને અમદાવદામાં 150 વિદ્યાર્થીઓ કોરોના પોઝિટીવ આવ્યા હોવાનું વાલી મંડળે જણાવી આગામી 20 દિવસ સુધી સ્કૂલો, કોલેજો અને ટ્યુશન ક્લાસીસ બંધ રાખવા માટે માગણી કરી છે.

 


ઉપરાંત હાલમાં શાળાઓમાં પરીક્ષા ચાલી રહી છે. કોરોનાની સ્થિતીમાં વાલીઓમાં ભારે ભયનો માહોલ છે ત્યારે વિદ્યાર્થીઓને રૂબરૂ સ્કૂલે બોલાવી પરીક્ષા લેવામાં આવી રહી હોઈ આ પરીક્ષા પણ રદ કરી તેના બદલે ઓનલાઈન પરીક્ષા લેવામાં આવે તેવી રજૂઆત કરી છે. સરકાર દ્વારા મે માસમાં અંતિમ પરીક્ષા લેવામાં આવનાર હોઈ તે પરીક્ષા પર વિદ્યાર્થીઓ ધ્યાન કેન્દ્રિત કરી શકે તે માટે અત્યારની પરીક્ષા ઓનલાઈન લઈ લેવી જોઈએ. ઉપરાંત પરીક્ષામાં નબળા વિદ્યાર્થીઓને પણ ગ્રેસ માર્ક આપી પાસ કરવામાં આવે તેવી પણ રજૂઆત કરાઈ છે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS