તમામ સૈનિક સ્કૂલોમાં છોકરાઓની સાથે હવે છોકરીઓને પણ મળશે પ્રવેશ, ક્લિક કરીને વાંચો વિગતે

  • March 12, 2021 05:28 AM 
Aajkaal Daily (Desh Pardesh Ni Aajkaal)

કેન્દ્ર સરકારે 10 માર્ચે શૈક્ષણિક સત્ર 2021-22થી દેશભરની તમામ સૈન્ય શાળાઓમાં ગર્લ્સ કેડેટ્સને પ્રવેશ આપવાનો નિર્ણય કર્યો છે. હાલમાં દેશમાં 33 સૈનિક શાળાઓ છે જેમાં ફક્ત છોકરા જ પ્રવેશ લઈ શકે છે. આ શૈક્ષણિક સત્રથી યુવતીઓ પણ સૈન્ય શાળામાં પ્રવેશ લઈ શકશે. આ શાળાઓ સૈનિક સ્કૂલ સોસાયટી દ્વારા ચલાવવામાં આવે છે, જે સંરક્ષણ મંત્રાલયના વહીવટી નિયંત્રણ હેઠળ છે. સૈનિક શાળાઓની સ્થાપનાનો હેતુ વિદ્યાર્થીઓને નાની ઉંમરથી જ ભારતીય સશસ્ત્ર દળમાં પ્રવેશ માટે તૈયાર કરવાનો છે. 

સંરક્ષણ રાજ્યમંત્રી શ્રીપદ નાયકે લોકસભામાં જણાવ્યું હતું કે, મિઝોરમના સૈનિક સ્કૂલ છંગછી ખાતે શૈક્ષણિક સત્ર 2018-19માં ગર્લ્સ કેડેટમાં પ્રવેશ માટે પાઇલટ પ્રોજેક્ટની સફળતા બાદ સરકારે શૈક્ષણિક સત્ર 2021-22થી બધી સૈનિક સ્કુલમાં છોકરાઓની સાથે છોકરીઓને પણ પ્રવેશ આપવાનું નક્કી કર્યું છે. " 

રાજ્યમંત્રીએ એમ પણ કહ્યું હતું કે સરકાર બિન-સરકારી સંગઠનો (એનજીઓ), ખાનગી શાળાઓ અને રાજ્ય સરકારોની ભાગીદારીમાં દેશમાં સૈનિક શાળાઓની સ્થાપના માટે નવી યોજના રજૂ કરવાની દરખાસ્ત કરી રહી છે.

રાજ્ય સરકારોની વિનંતીઓની પ્રાપ્તિ પર સૈનિક શાળાઓની સ્થાપના કરવામાં આવે છે. અગાઉ, ફક્ત છોકરાઓને લશ્કરી શાળાઓમાં પ્રવેશ લેવાની છૂટ હતી. રાજ્ય પ્રધાને લોકસભામાં એક લેખિત જવાબમાં માહિતી આપી હતી કે, આગામી શૈક્ષણિક સત્રથી છોકરીઓ પણ તમામ સૈન્ય શાળાઓમાં પ્રવેશ મેળવી શકશે.  


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
Recent News
RELATED NEWS