બોલિવૂડની દિગ્ગજ અભિનેત્રી નીના ગુપ્તા અમિતાભ બચ્ચન સાથે કામ કરશે. નીના ગુપ્તા અને અમિતાભ બચ્ચનની આ ફિલ્મનું નામ 'ગુડબાય' છે, જેનું નિર્દેશન વિકાસ બહલ કરશે. આ ફિલ્મમાં નીના અમિતાભ બચ્ચનની પત્નીની ભૂમિકા નિભાવશે. આ ફિલ્મ અંતિમ સંસ્કાર અને ત્યારબાદના ફેરફારો પર કેન્દ્રિત છે. આ ફિલ્મમાં તેલુગુ સ્ટાર રશ્મિકા મંદાના પણ જોવા મળશે.

નીના ગુપ્તા પહેલીવાર અમિતાભ બચ્ચન સાથે સ્ક્રીન શેર કરવા જઈ રહી છે. નીનાએ 'ગુડબાય'માં કામ કરવાનું કારણ પણ શેર કર્યું છે. તેણીએ કહ્યું કે, તે તેની સ્ક્રિપ્ટથી તરત જ પ્રભાવિત થઈ છે, જે રીતે વિકાસએ તેને આ વાત સંભળાવી હતી. તેણે એમ પણ કહ્યું કે તે અમિતાભ બચ્ચન સાથે કામ કરવા માટે તે ખૂબ ઉત્સાહિત છે.

નીના ગુપ્તાએ એક નિવેદનમાં કહ્યું, "જ્યારે વિકાસ મને ફિલ્મની વાર્તા કહેતા હતા ત્યારે હું ખૂબ જ ખુશ હતી. આ એક સરસ સ્ક્રિપ્ટ છે અને જ્યારે સ્ક્રિપ્ટ રોમાંચક હોય છે ત્યારે કોઈ બીજું કંઇપણ વિચારતું નથી. પાત્ર પણ સુંદર રીતે લખાયેલું છે અને હું ખૂબ જ ઉત્સાહિત છું. અમિતાભ બચ્ચન સાથે સ્ક્રીન સ્પેસ શેર કરવા. "

નીનાએ વધુમાં કહ્યું કે, "અમિતાભ બચ્ચન સાથે કામ કરવું એ મારા માટે સ્વપ્ન સાકાર થવા જેવું છે અને હું તેનાથી ખૂબ ખુશ છું." અમિતાભ બચ્ચને વર્ષ 2018 માં આવેલી ફિલ્મ 'બધાય હો' માં નીના ગુપ્તાને અભિનય માટે પ્રશંસા પત્ર મોકલ્યો હતો.