ગાંધીધામ :  ભચાઉના ગોકુલગામ પાસે બે બાઇક સામ સામી ટકરાતાં એક બાઇકના સવારને ગંભીર ઇજાઓ પહોંચતાં ઘટનાસ્થળે તેમનું મોત નિપયું હતું તો અકસ્માત સર્જનારબાઇક ચાલક અને તે બાઇક ઉપર સવાર યુવાનને પણ ઇજા પહોંચી હોવાની ફરિયાદ ભચાઉ પોલીસ મથકે નોંધાઇ છે.
નાની ચીરઇ ગામ પાસે આવેલા ફ્રીડમ પેટ્રોલપમ્પમાં નોકરી કરતા ૩૩ વર્ષીય યશપાલસિંહ રણજિતસિંહ જાડેજા તેમના પેટ્રોલપમ્પના રસોડા માટે ગત સાંજે બાઇક પર દૂધ લેવા ગયા હતા ત્યારે ગોકુલ ગામના બ્રીજ ઉતરતાં ફડલેન્ડ કંપની નજીક સર્વિસ રોડ ઉપર પૂરપાટ આવેલા જીજે–૧૨–બીએન–૫૧૮૬ નંબરની બાઇકના ચાલકે યશપાલસિંહની બાઇકમાં જોરદાર ટક્કર મારતાં યશપાલસિંહને માથા અને કપાળના ભાગે ગંભીર ઇજાઓ પહોંચતાં ઘટનાસ્થળે તેમનું મોત નિપયું હતું તો અકસ્માત સર્જનાર બાઇક ચાલકને તથા પાછળ સવાર વ્યકિતને પણ ફ્રેકચર સહિતની ઇજાઓ પહોંચી હોવાની ફરિયાદ પેટ્રોલપમ્પમાં નોકરી કરતા સલીમ અબ્બાસ સંઘરિયાતે ભચાઉ પોલીસ મથકે નોંધાવી છે. પોલીસે અકસ્માત સર્જનાર વિરૂધ્ધ ગુનો નોંધી વધુ તપાસ હાથ ધરી છે.