મોઈન-જાડેજાની સ્પ્નિ બોલિંગ સામે રાજસ્થાનનો ધબડકો, ચેન્નઈનો વિજય

  • April 20, 2021 08:05 PM 
Aajkaal Daily (Desh Pardesh Ni Aajkaal)

બેટ્સમેનોના શાનદાર પ્રદર્શન બાદ મોઈન અલી સહિત બોલર્સે કરેલી અદ્દભુત બોલિંગની મદદથી ચેન્નઈ સુપર કિંગ્સે ઈન્ડિયન પ્રીમિયર લીગ ટી20 ક્રિકેટ ટુનર્મિેન્ટમાં રમાયેલી મેચમાં રાજસ્થાન રોયલ્સ સામે 45 રને વિજય નોંધાવ્યો હતો. આઈપીએલ-14મા મુંબઈના વાનખેડે સ્ટેડિયમમાં રમાયેલી મેચમાં રાજસ્થાને ટોસ જીતીને ચેન્નઈને પ્રથમ બેટિંગનું આમંત્રણ આપ્યું હતું. ચેન્નઈએ નિધર્રિીત 20 ઓવરમાં 9 વિકેટે 188 રનનો સ્કોર નોંધાવ્યો હતો. જેના જવાબમાં રાજસ્થાનની ટીમ 20 ઓવરમાં 9 વિકેટે 143 રન જ નોંધાવી શકી હતી. ચેન્નઈ માટે મોઈન અલીએ ત્રણ વિકેટ ઝડપી હતી.

 

 

189 રનના કપરા લક્ષ્યાંકને પાર પાડવા મેદાનમાં ઉતરેલી રાજસ્થાનની ટીમે શરૂઆત સારી કરી હતી. જોસ બટલર અને મન વોરાની જોડીએ 30 રનની ભાગીદારી નોંધાવી હતી. વોરા 14 રન નોંધાવીને આઉટ થયો હતો અને ત્યારબાદ રાજસ્થાને નિયમિત અંતરે વિકેટો ગુમાવી હતી. જોકે, જોસ બટલરે આક્રમક બેટિંગ કરી હતી પરંતુ સામે છેડે તેને યોગ્ય સાથ મળ્યો ન હતો. બટલરે બે સિક્સર અને પાંચ ચોગ્ગાની મદદથી 49 રનની ઈનિંગ્સ રમી હતી. જ્યારે કેપ્ટન સંજૂ સેમસન એક રન નોંધાવીને પેવેલિયન ભેગો થયો હતો. શિવમ દૂબે પણ 17 રન જ નોંધાવી શક્યો હતો.

 


રાજસ્થાનના મિડલ ઓર્ડરના બેટ્સમેનો ચેન્નઈના બોલર્સ સામે ટકી શક્યા ન હતા. આક્રમક બેટ્સમેન ડેવિડ મિલર બે તથા રિયાન પરાગ ત્રણ રન નોંધાવીને પેવેલિયન ભેગા થયા હતા. રાહુલ તેવાટીયાએ 20 અને જયદેવ ઉનડકટે 24 રનની ઈનિંગ્સ રમી હતી પરંતુ તે ટીમને પરાજયમાંથી બચાવવા માટે પૂરતી ન હતી. ચેન્નઈ માટે મોઈન અલીએ ત્રણ, રવીન્દ્ર જાડેજા અને સેમ કરને બે-બે તથા શાર્દૂલ ઠાકુર અને ડ્વેઈન બ્રાવોએ એક-એક વિકેટ ઝડપી હતી.

 


અગાઉ ઓપ્નર ઋતુરાજ ગાયકવાડ અને ફાફ ડુપ્લેસિસે ટીમને સારી શરૂઆત અપાવી હતી. જોકે, ઋતુરાજ 10 રન નોંધાવીને પેવેલિયન ભેગો થતાં ટીમને પ્રથમ ફટકો પડ્યો હતો. તેણે પ્રથમ વિકેટ માટે 25 રનની ભાગીદારી નોંધાવી હતી. જ્યારે ડુપ્લેસિસ આક્રમક બેટિંગ કરી રહ્યો હતો. પરંતુ તે વધારે જોખમી બને ત પહેલા ક્રિસ મોરિસે તેને આઉટ કરી દીધો હતો. ડુપ્લેસિસે 17 બોલમાં 33 રન ફટકાયર્િ હતા જેમાં ચાર ચોગ્ગા અને બે સિક્સર સામેલ હતી.

 


ત્યારબાદ મોઈન અલી, સુરેશ રૈના અને અંબાતી રાયડૂએ નાની પરંતુ ઝડપી ઈનિંગ્સ રમી હતી જેના કારણે ટીમની રન રેટ જળવાઈ રહી હતી. મોઈન અલીએ બે સિક્સર અને એક ચોગ્ગા સાથે 20 બોલમાં 26 રન નોંધાવ્યા હતા જ્યારે સુરેશ રૈનાએ 15 બોલમાં 18 રન તો અંબાતી રાયડૂએ 17 બોલમાં 27 રન નોંધાવીને ઉપયોગી યોગદાન આપ્યું હતું. સૌરાષ્ટ્રના યુવાન બોલર ચેતન સાકરીયાએ શાનદાર પ્રદર્શન કર્યું હતું. તેણે મહત્વની વિકેટો પોતાના નામે કરી હતી. સાકરીયાએ રૈના, રાયડુ અને ધોનીને પોતાના શિકાર બન્યા હતા. ધોનીએ 18 રન નોંધાવ્યા હતા અને રવીન્દ્ર જાડેજા 8 રન પર આઉટ થયો હતો. આ ઉપરાંત સેમ કરને 13 અને ડ્વેઈન બ્રાવોએ 20 રનની અણનમ ઈનિંગ્સ રમી હતી. રાજસ્થાન માટે ચેતન સાકરીયાએ ત્રણ તથા ક્રિસ મોરિસે બે વિકેટ ઝડપી હતી. મુસ્તાફિઝુર રહેમાન અને રાહુલ તેવાટિયાના ફાળે એક-એક વિકેટ આવી હતી.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS