કોરોનાથી થતા મોતના આંકડામાં ત્રણ મહિને મોટો ઘટાડો નોંધાયો, મૃત્યુના આંકડા પણ ઘટ્યા

  • May 31, 2021 09:58 AM 
Aajkaal Daily (Desh Pardesh Ni Aajkaal)

કોરોનાની બીજી લહેરમાં ભારતમાં નવા કેસની સાથે મૃત્યુઆંકમાં પણ મોટો ઉછાળો નોંધાયો છે. દૈનિક કેસની સંખ્યામાં પાછલા અઠવાડિયાથી મોટો ફરક જોવા મળ્યો છે, પરંતુ મૃત્યુઆંકમાં ધીમી ગતિએ ઘટાડો નોંધાઈ રહ્યો છે. જોકે, 12 અઠવાડિયા પછી દેશમાં કોરોનાથી થતા દૈનિક મૃત્યુમાં 17%નો ઘટાડો નોંધાયો છે. 34 દિવસ પછી દેશમાં કોરોનાથી થતા મૃત્યુનો આંકડો 3000ની નીચે પહોંચ્યો છે.

 

કોરોનાની ત્રીજી લહેરનું જોર હવે ઘટતું દેખાઈ રહ્યું છે, દેશમાં સતત ત્રણ અઠવાડિયાથી નવા કેસમાં ઘટાડો નોંધાઈ રહ્યો છે, આ સાથે ગુજરાત અને મહારાષ્ટ્ર સહિતના રાજ્યો અને કેન્દ્ર સાશિત પ્રદેશોમાં પણ નવા કેસમાં ઘટાડો દેખાઈ રહ્યો છે. 24થી 30 મે સુધીમાં દેશમાં 12.95 લાખ નવા કેસ નોંધાયા છે, જેમાં પાછલા અઠવાડિયાની સરખામણીમાં 27%નો ઘટાડો નોંધાયો છે.

 

કોરોના વાયરસના કેસમાં જે રીતે છડપથી ઘટાડો નોંધાઈ રહ્યો છે તેવો ઘટાડો મૃત્યુઆંકમાં નથી જોવા મળી રહ્યો, દેશમાં 24થી 30 મે દરમિયાન 24,372 લોકોએ કોરોનાના કારણે જીવ ગુમાવ્યો છે, આ અગાઉના અઠવાડિયા દરમિયાન આંકડો 29,331 પર પહોંચ્યો હતો.

 

આ પહેલા 11 અઠવાડિયા સુધી કોરોનાની બીજી લહેર દરમિયાન દેશમાં મૃત્યુઆંક ઊંચો જઈ રહ્યો હતો. આ પહેલા 1-7 માર્ચ દરમિયાન મૃત્યુઆંકમાં ઘટાડો નોંધાયો હતો. મે મહિનામાં કોરોનાથી થયેલા મૃત્યુનો આંકડો 1.15 લાખને પાર કરી ગયો છે.

 

જોકે, હવે કોરોનાના લીધે દેશમાં થયેલા મૃત્યુનો આંકડો 3000ની નીચે પહોંચ્યો છે, આવું 26 એપ્રિલ પછી પહેલીવાર થયું છે. દેશમાં 24 કલાકમાં 2,722 દર્દીઓના મોત નોંધાયા છે, જેમાં મહારાષ્ટ્રના જૂના ઉમેરાયેલા 412 મૃત્યુની ગણતરી કરવામાં નથી આવી. રાજ્યમાં પાછલા બે અઠવાડિયામાં જૂના બાકી રહેલા 6000 મૃત્યુ ઉમેરવામાં આવ્યા છે.

 

આ સાથે દેશમાં કોરોનાના નવા 1,53,663 નવા કેસ નોંધાયા છે, 50 દિવસ પછી આટલો મોટો ઘટાડો નોંધાયો છે. આ પહેલા 10 એપ્રિલના રોજ 1.52 લાખ નવા કેસ નોંધાયા હતા. અઠવાડિયા દરમિયાન સૌથી વધુ 2,12,083 કેસ નોંધાયા બાદ ઘટાડો નોંધાયો છે.

 

અઠવાડિયા દરમિયાન દેશના 36 રાજ્યો અને કેન્દ્ર સાશિત પ્રદેશોમાંથી 5માં જ પાછલા 7 દિવસની સરખામણીમાં નવા કેસમાં વધારો થયો છે. જે રાજ્યો/કેન્દ્ર શાસિત પ્રદેશોમાં સિક્કિમ, મણિપુર, અરુણાચલ પ્રદેશ, મિઝોરમ અને લદાખનો સમાવેશ થાય છે. આ સિવાય આસામ અને ત્રિપુરામાં થયેલો ઘટાડો સામાન્ય છે.

 


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS