ભારતમાં કોરોનાની બીજી લહેરમાં 2 લાખથી વધારેના જીવ ગયા, રોજના સરેરાશ 2000 મોત

  • June 11, 2021 11:50 AM 
Aajkaal Daily (Desh Pardesh Ni Aajkaal)

કોરોનાના કારણે મોટી સંખ્યામાં દર્દીઓએ જીવ ગુમાવ્યા આમ છતાં અમેરિકા અને બ્રાઝિલ આગળ: ભારતમાં કોરોનાની બીજી લહેર ઘાતક સાહિત થઈ

 



ભારતમાં કોરોનાની બીજી લહેર ઘાતક સાબિત થઈ છે, બીજી લહેર દરમિયાન દર્દીઓ તથા તેમના પરિવારોએ પારાવાર મુશ્કેલીઓનો સામનો કરવો પડ્યો છે. આવામાં બીજી લહેરમાં દેશમાં કોરોનાથી મૃત્યુ પામેલા દર્દીઓની સંખ્યા 2 લાખને પાર થઈ ગઈ છે. 2020માં મહામારીની ભારતમાં શરુઆત થયા પછી દર 5માંથી 3 મૃત્યુ કોરોનાના કારણે થયા છે. જ્યારે બીજી લહેરની શરુઆત પછી એક માર્ચથી અત્યાર સુધીમાં દેશમાં કોરોનાના લીધે સરેરાશ 2000 લોકોના જીવ ગયા છે. બીજી લહેરમાં થનારી મોત અત્યાર સુધીમાં દેશમાં થયેલા કોરોના મૃત્યુમાંથી 57% થાય છે. ભારતમાં કોરોનાના લીધે કુલ 3,63,029 દર્દીઓના મોત થઈ ગયા છે.

 


દુનિયામાં કોરોનાથી સૌથી વધુ મોત બ્રાઝિલમાં
દુનિયાની વાત કરીએ તો કોરોનાની બીજી લહેરમાં સૌથી વધુ મોત બ્રાઝિલમાં થયા છે. બ્રાઝિલમાં પાછલા 102 દિવસ દરમિયાન 2.25 લાખ લોકોના મોત કોરોના વાયરસના લીધે થયા છે, જ્યારે અમેરિકામાં 1 માર્ચથી અત્યાર સુધીમાં 82,738 દર્દીઓના મોત થયા છે. અમેરિકામાં કોરોનાથી થયેલા કુલ મૃત્યુનો આંક 6.1 લાખ પર પહોંચી ગયો છે, જે દુનિયામાં સૌથી વધુ છે.

 


મૃત્યુઆંકમાં સુધારો થઈ રહ્યો છે
રાહતની વાત એ છે કે ભારતમાં પાછલા 3 અઠવાડિયાથી રોજના કેસમાં ઘટાડો નોંધાઈ રહ્યો છે. જોકે, મૃત્યુઆંક હજુ પણ ચિંતાનું કારણ છે. જૂનના પહેલા અઠવાડિયામાં 16,300 લોકોના મોત થયા છે. કુલ મૃત્યુઆંકમાં સુધારો પણ થયો છે, જેમાં મહારાષ્ટ્રમાં 11,583, બિહારમાં 3951 અને ઉત્તરાખંડમાં 779 મોતનો સમાવેશ થાય છે. પાછલા બે દિવસમાં જ 5,873 મોત જોડાયા છે, જેમાંથી 3,951 બિહારના અને બાકી મહારાષ્ટ્રના છે. બિહારમાંથી મળેલા મૃત્યુના નવા આંકડાના લીધે બુધવારે 24 કલાકમાં નોંધાતા મૃત્યુની સંખ્યા 6 હજારને પાર થઈ ગઈ હતી. જોકે, એક્સપર્ટે સાચા આંકડા સામે લાવવા બદલ પ્રશંસા કરી છે અને કહ્યું છે કે આનાથી ચોક્કસ માહિતી મેળવવામાં મદદ મળશે.

 


બીજી લહેરમાં સૌથી વધારે કેસ ભારતમાં
જો કુલ કેસની વાત કરવામાં આવે તો દેશમાં મહામારી શરુ થયા પછી લગભગ 62% કોરોનાની બીજી લહેર સામે આવી છે. દેશમાં 1 માર્ચ 2021થી અત્યાર સુધીમાં 1.8 કરોડ કેસ સામે આવ્યા છે જ્યારે મહામારી શરુ થયા બાદ અત્યાર સુધીમાં કુલ 2.9 કરોડ સંક્રમણ સામે આવ્યા છે. જ્યારે 1 માર્ચથી અત્યાર સુધીમાં બ્રાઝિલમાં 65.7 લાખ કેસ અને અમેરિકામાં 48.7 લાખ કેસ સામે આવ્યા છે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  99251 12230  

View News On Application
RELATED NEWS