ખંભાળિયામાં બેઠક રોડ વિસ્તારમાં આવેલા ધરાનગર ખાતે રહેતા અને હાલ ગોકુલધામ સોસાયટી, કલ્યાણપુરના રહીશ દલવાડી અતુલ પ્રેમજી નકુમ (ઉ.વ. ૩૧) ને કલ્યાણપુર પોલીસે ભાટિયા બાયપાસ પાસેથી મધ્યરાત્રિના સમયે કેફી પીણું પીધેલી હાલતમાં ૬ લાખની કિંમતની જી.જે. ૩૭ ટી. ૮૦૫૪ નંબરની મોટરકારમાં નીકળતા ઝડપી લીધો હતો.
આટલું જ નહીં, આરોપી પાસેથી વિદેશી દારૂની અડધી ભરેલી બોટલ પણ મળી આવતા આ સમગ્ર પ્રકરણ અંગે કલ્યાણપુર પોલીસમાં આરોપી અતુલ નકુમ સામે જુદી જુદી કલમ હેઠળ ગુનો નોંધવામાં આવ્યો છે.
***
દેશી દારૂનો ગૃહ ઉદ્યોગ... આવળપરાના શખ્સને એલસીબી પોલીસે ઝડપી લીધો
દ્વારકાના આવળપરા આ વિસ્તારમાંથી એલસીબી પોલીસે સોમા ઉર્ફે એસ.પી. પરબત કરમટા નામના ૪૧ વર્ષના શખ્સ દ્વારા પોતાના રહેણાંક મકાનમાં દેશી દારૂની ભઠ્ઠી ચલાવતા ઝડપી લઇ, કુલ રૂપિયા ૫,૦૯૦ નો મુદ્દામાલ કબજે કર્યો હતો. તેની સામે દ્વારકા પોલીસ મથકમાં જુદી-જુદી કલમ હેઠળ ગુનો નોંધાયો છે.