બાતમીના આધારે એસઓજી ત્રાટકી : હથિયાર સબંધે કરાતી પુછપરછ

જામનગરના દિગ્જામ સર્કલ પાસે એક બાતમીના આધારે એસઓજીની ટુકડીએ પાણાખાણ વિસ્તારમાં રહેતા એક શખ્સને દેશી બનાવટના તમંચા સાથે દબોચી લીધો હતો અને હથિયાર કયાથી મેળવ્યુ એ દિશામાં તપાસ હાથ ધરી છે.

એસપી અને ડીવાયએસપીની સુચનાથી એસઓજી પીઆઇ ચૌધરી તથા પીએસઆઇ ઝેરના માર્ગદર્શન હેઠળ સ્ટાફ શહેર અને ગ્રામ્ય વિસ્તારમાં પેટ્રોલીંગમાં હતો.

દરમ્યાન એસઓજીના હર્ષદકુમાર, દિનેશ સાગઠીયા, રમેશ ચાવડા તથા ચંદ્રસિંહ જાડેજાને ખાનગી રાહે બાતમી મળતા જેના આધારે દિગ્જામ સર્કલ ઓવરબીજ નીચે તપાસ કરતા બેડેશ્ર્વર વિસ્તારના પાણાખાણમાં રહેતા ગુલામહાજી મહમદગોસ શેખ નામના શખ્સને દેશી બનાવટના એક તમંચા સાથે પકડી લીધો હતો.

આ અંગે પુછપરછ કરવામાં આવી હતી હથિયાર કયાથી મેળવ્યુ એ દિશામાં તપાસ લંબાવી હતી દરમ્યાન સીટી-સી ડીવીઝન પોલીસ સ્ટેશનમાં ગુલામહાજી શેખ સામે આર્મ્સ એકટ મુજબ ફરીયાદ દાખલ કરવામાં આવી છે.